|
|
مُلکس منز ترجہ کاری اکھ اہم صنعت بناوٕنۍ چھُ این ٹی ایمُک اکھ اہم منشوٗر۔یہِ زن
پروجیکٹ رپورٹس منز تفصیلہٕ سان بیان کرنہٕ آمُت چھُ۔ترجمہ کارن سندٕ دِنہِ تہِ چھُ
امیُک اہم جُز۔این ٹی ایم چھُ مانان زِ امہِ سٍتۍ میلہِ ترجمہ کارن پذیرایی۔
این ٹی ایم دٔسۍ چھےٚ ترجمہ کارن ہٕنز اکھ قومی رجسٹر بناونہٕ آمٕژیتھ منز 5000ترجمہ
کارن ہندۍ ناو درٕج کرنہٕ آمٕتۍ چھِ۔این ٹی ایم دٔسۍ چھُ مُلکس منز واریہن جاین ترجمہ
کارن باپتھ تربیتی پروگرامن ہُند اہتمام کرنہٕ آمُت یتھ منز مختلف زبانن تہٕ زُمرن
ہٕندۍ ماہر شامِل سپٕدۍ مِتۍ چھِ تہٕ تِہنزِ رایہِ ہُنداسعفادٕ کرنہٕ آمُت چھُ۔
وُنۍ کین چھُ این ٹی ایم فردن تہٕ ایجنسی ین سٍتۍ مشاورت کران۔تہٕ تِم چھِ ترجمہ کارن
ہٕندِس تربیتی تہٕ توثیقی پروگرامن منز شامِل کرنہٕ یِوان۔مثلاّ یِمن منز چھِ سکول
براے ترجمہ مُطالیات تہٕ تربیت،اگنو،کوالٹی کونسل آف انڈیا، بیترِ شامِل۔توثیقی پروگرامن
باپتھ چھِ این ٹی ایم دٔسۍ واریا سنجیدٕ میٹنگہٕ کرنہٕ آمٕژ۔یِمن منز مختلف ادارن تہٕ
ایجنسی ین ہٕندیو ماہرو شرکتھ کٔر مٕژ چھےٚ۔عنقریبٕے ییہِ توژیق باپتھ تیار شُدٕ طریقہ
کارُٕک اطلاع این ٹی ایم کِس ویب سایٹس پیٹھ دِنہٕ۔
این ٹی ایم چھُ ترجمہ کارن ہٕندِ باپتھ اکھ باضابطٕ تربیتی پروگرام تشکیل دِنہٕ وول۔مُلکس
تہٕ مُلکہ نیبر یِم پروگرام ترجمہ کارن ہٕندِ تربیت باپتھ منعقد کرنہٕ یِن أسۍ چھِ
تِہُند نصابی مواد یکجا کران۔این ٹی ایم چھُ مختلف ادارن ہٕندین ماہرن ہٕندِ مدتہٕ
تربیتی پروگرام تشکیل دِنس درپےَ۔ینہٕ والِس وقتس منز ییہِ أکِس مُلک گیر تربیتی پروگرامس
دس تُلنہٕ۔
|
|
|