ইন্দিয়ন য়ুনিভর্সিতিজ ডেতাবেজ

ইন্দিয়ন য়ুনিভর্সিতিজ ডেতাবেজ অসি ভারততা লৈরিবা য়ুনিভর্সিতি পুম্বগী অমসুং অতৈ মহৈ-তম্ফমশঙশিংগী অকূপ্পা মরোল পীননবা পান্দম অমগা লোয়ননা এন.তি.এম.না পায়খতলিবা খোঙথাং অমনি৷ মসিনা য়ুনিভর্সিতিশিং অদুদা তম্নরিবা কোর্সশিং, সিল্লেবসশিং অমসুং রিদিং লিষ্টকী মরমদা পাউ পী৷ মসিদা কনাগুম্বনা লিষ্ট অদুদা য়াওরিবা মহৈতম্ফমশঙশিংগী ৱেব-এদ্রেস থিবসু ফংগনি৷ হৌজিক্কী ওইনা, ডেতাবেজ অসিদা য়ুনিভর্সিতি গ্রান্টস কমিশন (য়ু.জি.সি.) না শকখঙলবা ভারতকী য়ুনিভর্সিতি ১৫৫ গী অকূপ্পা পাউশিং লৈরে৷ মহৈ-তম্ফমশিং অসিদা তম্বীরিবা তোঙান তোঙানবা ডিসিপ্লিনশিংগী লাইরিকশিং অমসুং সিল্লেবসশিংগা মরী লৈনবা পাউসু হায়রিবা ডেতাবেজ অসিদা ফংই৷ পাউশিংগী অপূনবা কোর্পস অসিদা য়ুনিভর্সিতিশিংদা তম্নরিবা লাইরিকশিং অসিগী অইবা অমসুং ফোঙদোক্লোয়শিংগী মিংগা কোন্নরবা ডিজিতাইজ তৌরবা লিষ্ট অমসু য়াওই৷

মোদ্যূল অসিদা য়াওরিবা সর্চ ফঙ্কশন অসিগী মতেং লৌরগা অখঙ-অহৈ অমসুং লাইরিক-লাইশু হৈরবা মীওইশিংনা লৈবাক অসিদা লৈরিবা মহৈ-তম্ফমশঙ অমা হেক্তগী কোর্সশিং অমসুং সিল্লেবসশিংগী মরমদা খ্বায়দগী নৌবা পাউ লৌবদা মতেং ওইগনি৷ খূঙ্গং অমসুং সহরগী লমদা লৈবা য়ুনিভর্সিতিশিংগী মরক্তা মান্নবা করিকুলম অমা পুরক্নবা য়ুনিভর্সিতি বোর্ডনা অতোপ্পা য়ুনিভর্সিতিশিংদা তম্লিবা কোর্সকী অকূপ্পা মরোলশিং অমসুং সিল্লেবসকী মওংদু রিভ্যূ তৌবা য়াগনি৷ তুংদা এন.তি.এম.না ডেতাবেজ অসি সি.ডি.দা ওইনা অমসুং থৱায় য়াওবা মীওই পূম্নমক্তা ফংহন্নবগীদমক নমথোক্লবা চে য়াওনা অতৈ খুদোংচাগদবা পাম্বৈশিং শীজিন্নদুনা মীয়ামদা ফংহনগনি৷