ট্রান্সলেশন এসাইনমেন্টস (লাইরিক হন্দোকহনবগী থবক)

এন.তি.এম.না লৈবাক শীনবা থুংনা লৈরিবা ফোঙদোক্লোয়শিংগা খূতশম্নরগা ভারতকী লোনশিংদা হন্দোক্লবা লাইরিকশিং ফোঙই৷ মসিগী ফোঙদোক্লোয়শিং অসি খনগতলবা লাইরিকশিং অদুগী কোপিরাইত ফংলবা মীওইশিং নতত্রগা ভারতকী তোঙান তোঙানবা মফমশিংদা লৈরগা ভারতকী লোনশিংদা ইবা লাইরিকশিং ফোঙবা মীওইশিংনি৷ হন্দোক্লবা লাইরিকশিংবু কৈথেলদা মরাং কায়না ফংহন্নবা অমসুং অপাবশিংদা পাকশন্না য়ৌহন্নবগী পান্দমদা এন.তি.এম.না অসিগুম্বা ফোঙদোক্লোয়শিংগা খূতশম্নরগা চতলি৷

হন্দোক্লবা লাইরিকশিং পুথোক্নবগীদমক মিশন অসিনা পায়খতলিবা ওইথোকপা য়াবা পাম্বৈ অনীদি:

  » সোর্স ফোঙদোক্লোয়শিং মশামক্না প্রোজেক্ট অসি পায়খতলগা হন্দোক্লবা লাইরিকশিং পুথোকপগী থবক তৌই৷ হায়রিবা থবক অসিদা এন.তি.এম.না অচঙমলগী শরূক খরা পুথোক্লগা নতত্রগা অখঙ-অহৈশিংগী ওইবা মতেংসু পীদুনা শরূক য়াই৷
  » সোর্স ফোঙদোক্লোয় অদুনা লাইরিক হন্দোকপগী থবক্তা শরূক য়ানীংদ্রগদি এন.তি.এম.না ভারতকী লোনশিংগী লৈরিবা ফোঙদোক্লোয়শিংদা হন্দোকপগী থবক, ফোঙবগী থবক অমসুং হন্দোক্লবা লাইরিকশিংবু অপাবশিংদা পাকশন্না য়ৌহনবগী থবক্তু অতোপ্পা কাঙবুদা নেকথোকই অদুগা হন্দোক্লবা লাইরিক অদু এন.তি.এম.খক্তনা মপূ ওইগনি৷ সোর্স টেক্সকী কোপীরাইট পায়রবা মীওই অদুনা রোয়েলতিগী শেনফম অমা ফংগনি৷ করিগুম্বা ভারতকী লোনগী ওইনা লৈরিবা ফোঙদোক্লোয় অদুনা লাইরিক হন্দোকপগী থবক অদু পাঙথোকপা ঙমদ্রগদি এন.তি.এম.গী মায়কৈদগী হন্দোকপগী থবক অদু তৌরগা কেমেরা রেডি কোপী (সি.আর.সি.) অমা শেম্মী৷ এন.তি.এম.না কেমেরা রেডি কোপী (সি.আর.সি.) অদু ভারতকী লোনগী ফোঙদোক্লোয় অমদা পী অদুগা ফোঙদোক্লোয় অদুনা হন্দোক্লবা লাইরিকশিংদু নমথোকপা অমসুং অপাবশিংদা পাকশন্না য়ৌহনবগী দায়িত্বদু লৌই৷

অকোনবগী অসিবু লাইরিক হন্দোকহনবগী টর্নকি মোদ হায়না খঙনৈ৷