लक्ष्य ते उद्देश

मिशन दियां अल्पकालीन योजनां न
  » कालजें ते यूनिवर्सिटियें च पढ़ाये जाने आह्‍‍ले सभ’नें मुक्ख बिशें दियें पाठ पुस्तकें दे अनुवाद दा प्रकाशन ते प्रचार-प्रसार
  » अनुवादकें दी बक्ख-बक्ख खेत्तरें च सखलाई ते प्रमाणीकरण।
  » भारती यूनिवर्सिटियें दा डेटाबेस, अनुवादकें दा राश्ट्री रजिस्टर, प्रकाशकें दा डेटाबेस, अनूदित ग्रंथ-सूची दा डेटाबेस, फैकल्टी डेटाबेस/विशेशज्ञें दी जानकारी दा डेटाबेस ते शब्दकोशें ते शब्दावलियें दा डेटाबेस आदि ऐसे छे डेटाबेसें दा निर्माण ते सांभ-सम्हाल
  » अनुवादक शिक्षण कार्यक्रम तैह्‍‍त अनुवादकें आस्तै निक्के-निक्के सखलाई कार्यक्रम लोआना।
  » अंगरेजी दे भारती भाशाएं च मशीनी अनुवाद गी बढ़ावा देना।
  » शब्दकोशें ते विश्वकोश जनेह् अनुवाद साधनें दा निर्माण
  » करना। भारती भाशाएं च वैज्ञानिक ते तकनीकी शब्दें दे निर्माण आस्तै वैज्ञानिक ते तकनीकी शब्दावली आयोग(CSTT) कन्नै तालमेल कायम करना।

मिशन दियां दीर्घकाली योजनां होङन
  » अनुवाद-मेमरी, शब्द-खोजकर्ता, वर्ड नेट आदि साफ्टवेयरंं दे अनुसंधान ते बकास आस्तै मदाद देना।
  » नैचुरल लैंग्वेंज प्रोसेसिंग ते अनुवाद सरबंधत होर शोध परियोजनाएं गी फैलोशिप ते माली मदाद देना।
  » टकोदियां परियोजनां जि’यां कि भाशा दे जोड़ें बश्कार अनुवाद नियमावलियें दे निर्माण ते अनुवाद पर डिग्री डिप्लोमा पाठक्रमें दा संचालन करने आस्तै यूनिवर्सिटियें/विभागें गी अनुदान देना।
  » भारती भाशाएं च अनुवाद सरबंधी पोथियें ते उं’दे बिश्लेशन आदि दे प्रकाशन जां अनुवाद सरबंधी रसालें आस्तै माली मदाद देना।
  » बक्ख-बक्ख कार्यक्रमें जि’यां अनूदित कताबें दा विमोचन, खेत्तरी अनुवाद मेले, बैह्‌स-मुबासे, पुस्तक प्रदर्शनियें आदि दा आयोजन करियै अनुवादकें ते अनुवाद गतिविधियें गी होर बड्डा मंच प्रदान करना।
  » अनुवाद अध्ययन कन्नै सरबंधत म्हत्तवपूर्ण शैक्षिक समग्गरी दे खजाने दा निर्माण करना जेह्‍‍दे पर परचोल पाई जाई सकै।
  » अनुवाद गी व्यवसाय-सक्षम बनाना ते इसी उद्योग आंह्‍‍गर बढ़ावा देना।

लाभार्थी
राश्ट्री अनुवाद मिशन दा उद्देश इक समावेशी ज्ञानवान समाज दी रचना करना ऐ। मिशन ज्ञान दे बरोबर बस्तार दा बाद्धा करने आस्तै मूल पाठ पुस्तकें दा इक भाशा थमां दूइयें भाशाएं च अनुवाद करोआग। एह्‍‍दे कन्नै उ’नें विद्यार्थियें गी सौख होग जिनें’गी भाशिक रकौटें करियै ज्ञान हासल करने च औख औंदी ऐ। राश्ट्री अनुवाद मिशन दा उद्देश समाज दे सभ’नें वर्गें कन्नै जुड़े दे मते शा मते लोकें तगर एह्‍‍दा लाह् पजाना बी ऐ।
  » बक्ख-बक्ख बिशे ते बक्ख-बक्ख शैक्षिक स्तरें दे शिक्षक
  » लेखक/अनुवादक/प्रकाशक
  » अनुवाद अध्ययन विभाग, बक्ख-बक्ख यूनिवर्सिटियें ते संस्थानें दे भाशा वैज्ञानिक ते शोधकर्ता
  » भारती भाशाएं दे प्रकाशक जेह्‍‍ड़े नमें उपक्रमें दी तलाश च न
  » अनुवाद साफ्टवेयर बकासकर्ता
  » तुल्नात्मक साहित्य कन्नै जुड़े दे विद्वान।
  » पाठक जेह्‍‍ड़े अपनी भाशा च साहित्यिक ते ज्ञान-अधारत पाठ पुस्तकां पढ़ने गी उत्सुक होन
  » अनौपचारिक शिक्षा उपलब्ध कराने च रुज्झे दे रजाकार।
  » गैर सरकारी संस्थान जेह्‍‍ड़े लोक-सेह्‍त, नागरक अधिकार, चपासम, लौकिक विज्ञान वगैरा पर कम्म करै करदे न।
  » दु-भाशियें दी तपाश च रूज्जे दे माह्‍‍नू,सरकारी ते निजी अजैंसियां।
  » फिल्म निर्माता जेह्‍ड़े फिल्में दे उप-शीर्शकें ते बहु-भाशिक प्रदर्शनें लेई अनुवादकें दी तपाश च न
  » एफ़.एम. ते दुए होर रेडियो केंदर जेह्‍‍ड़े बक्ख-बक्ख भाशाएं च कार्यक्रमें दा प्रसारण करना चांह्‍‍दे न।