नोजोर आरो थांखिफोर

मिसननि सुंद समनि थांखिया(मोननोहास्थायनाया)
  » फरायसालिमा आरो मुलुगसोलोंसालियाव फोरोंजानाय गासै गाहाय आयदाफोराव रावसोलायनाय गियाननि बिजाब फोसावनाय आरो जौगाहोनाय
  » गुबुन गुबुन ओनसोलाव रावसोलायगिरिनि फोरोंथाय(ट्रैइनिं) आरो सारटिफिकेट होनाय
  » भारतारि मुलुगसोलोंसालिफोरनि डाटाबेस,हादरारि रावसोलायगिरि मुंथिसनथाय(एनआरटि),फोसावगिरिफोरनि डाटाबेस,रावसोलायनायफोरनि जिउजारिमिन,फेकालटि डाटाबेस/रोंग’सा दोनथुमखुलि,सोदोबबिहुंफोर आरो आयदायारि सोदोब बाख्रिफोरनि डाटाबेस मुङै मोनबा डाटाबेस सोरजिनाय आरो सामलायना लाखिनाय।
  » रावसोलायगिरिनि सोलोंथाय हाबाफारिनि सिङाव सुंद समनि रोंसोंदांनाय फराफारि खुंफुंनाय।
  » इंराजीनिफ्राय भारतारि रावफोराव मेसिन मदद गोनां रावसोलायनाय जौगाखांहोनाय।
  » सोदोब बिहुं आरो थ्रेजारि बादि रावसोलायनायनि आगजु जौगाखां होनाय।
  » भारतारि रावफोराव गोनोखोवारि आरो टेकनिकेल सोदोब जथायनायाव सिएसटिटिजों सोमोन्दो फोनांजाबनाय।

मिसननि गोलाव सम फारिनि थांखिफोरा जागोन

  » रावसोलायनाय मेमरि,सोदोब नागिरग्रा,(वर्ड फाइनडार)सोदोब नेट(वर्डनेट)बायदि स्प्तवेर जौगाहोनाय आरो बिजिरसंनायाव मदद होनाय।
  » नेसारेल लेंगुवेस प्रचेसिं आरो रावसोलानायजों लोबबा गोनां प्रजेक्टनि थाखाय फेलचिप आरो अनसुंथाय होनाय।
  » मुलुगसोलोंसालि/बिफानफोरनो रावसोलायनायनि डिग्री/डिप्ल’मा बायदि फराफारि होनायनि थाखाय आरो मोननै एबा बेनिख्रुय बांसिन रावफोरनि गेजेराव रावसोलायनायनि मेनुयेल जथायनाय जर’खा प्रजेक्ट लानायनि थाखाय अनसुंथाय होनाय।
  » भारतारि रावफोराव रावसोलायनायनि सानमालाइसि एबा रावसोलायनायजों लोबबा गोनां फरा आरो बिजिरथाय बायदिखौ मदद खालामनाय।
  » रावसोलायनाय बिजाब बेखेवनाय,ओनसोलारि रावसोलायनाय फोरबो,सावरायथाय,बिजाब दिन्थिफुंनाय बायदि हाबाफारि खुंफुंनानै रावसोलायगिरि आरो रावसोलायनायनि हाबा-हुखाखौ नुसारहोनाय।
  » रावसोलायनाय सोलोंथौनाय एबा ट्रेन्सलेसन ष्टाडिसनि सायाव गोथौयै मावनाय सोलोंथायारि हाबाफोरनि मोनसे दोनथुसालि गायसननाय आरो बेनि सायाव बोसोन फोरोंथायनि(डिसकर्स) खाबु होनाय।
  » रावसोलायनायखौ मावनो हानाय जिउराहा महरै गायसननो आरो बेखौ दामिन महरै फसंखांनाय।

मुलामफा मोनगिरिफोर
एनटिएमनि थांखिया मोनसे गोगो गियान गोनां समाज दानाय।मिसना थोगोरगोनां गाहाय बिजाबफोरखौ मोनसे रावनिफ्राय गुबुन मोनसे रावाव राव सोलायनो खाबु होनानै गियानखौ समानै रानलायनाय लाबोनो हास्थायदों।बे रावनि जेंनानि थाखाय बुजिमोनै फरायसाफोरखौ फोगोमगोन।एनटिएमा गुबुन गुबुन हाबाजों लोबबा गोनां बायदि थाखोनि सुबुंफोरनोबो मुलामफा होनो नाजादों।
  » गबुन गुबुन थाखोवाव गुबुन गुबुन आयदानि फोरोंगिरिफोर।
  » लिरगिरि/ रावसोलायगिरि /फोसावगिरफोर
  » रावसोलायनाय सोलोंथौनाय(ट्रेन्सलेसन ष्टाडिस),रावबिगियान बिफान आरो गुबुन गुबुन मुलुगसोलोंसालि आरो फसंथानफोरनि बिजिरसंगिरिफोर।
  » गोदान आरो साहस गोनां खामानि नागिरनाय भारतारि रावफोरनि फोसावगिरिफोर
  » रावसोलायनाय सप्तवेर जौगाखांहोग्राफोर
  » रुजुथाय थुनलाइनि मेलेमजिबिफोर
  » गावनि रावजों थुनलाइ आरो गियाननि बिजाब फरायनो हास्थायग्रा फरायगिरिफोर
  » फसंथानारि नङै सोलोंथाय होनायाव नांथाबना थानाय मावसोम हानजाफोर।
  » सुबुं सावस्रि,सुबुं मोनथाय,आबहावा,मिथिजानाय बिगियान(पपुलार साइन्स) बायदि हाबा मावनाय सोरकारि नङै गोथुमफोर
  » इटारप्रिटार(रावबुंस्लायग्रा) नागिरग्रा सोरकारि,गावारि एजेनसि आरो सुबुंफोर
  » सुंदखर’सा मुं(सापटाइटल)आरो गोबांरावाव फोसावनो नागिरनाय सावथुन दिहुनगिरिफोर।
  » गुबुन गुबुन रावाव रेडिअजों हाबाफारि फोसावनो गोनांजानाय एफएम आरो गुबुन रेडिअ गौथिमफोर।