रावसोलायगिरिफोरनि सारटिफिकेसन आरो ट्रैइनिं

आबुं प्रजेक फोरमायथियाव(डिपिआर)मख’खांबोनाय बादि हादराव गंसे रावसोलायनायनि दामिन गायसननायनि एनटिएमनि मोनसे आदबखान्थिया जादों रावसोलायगिरिफोरनि सारटिफिकेसन।एनटिएमा फोथायो दि बे रावसोलायगिरिफोरखौ बांसिननै नुजासारहोगोन।

एनटिएमा हादरारि रावसोलायगिरिफोरनि मुंथिसननाय फारिलाइ लाखिदों जेराव सा 500 रावसोलायगिरिफोरा मुंथिसनदों। एनटिएमा हादरनि गुबुन गुबुन बाहागोवाव आलादा आलादा राव आरो फोथारनि रोंग’साफोरखौ लाफानानै रावसोलायगिरिफोरनि थाखाय गोबां रोंसोदांनाय हाबाफारि खुफुंबोदों आरो बिसोरनिफ्राय मोजां-गाज्रिनिफिननाय मोनबोदों।

आथिखालाव एनटिएमा रावसोलायगिरिफोरनि सारटिफिकेसन आरो ट्रैइनिंजों सोमोन्दोगां सुबुं/फसंथानफोर जेरै स्कुल अफ ट्रेन्सलेसन ष्टाडिस एण्ड ट्रैइनिं,इन्डिरा गान्धी नेस’नेल अपेन इउनिभारसिटि,कुवालिटि काउन्सिल अफ इन्डियाजों बोसोनथियारि रायज्लायगासिनो दं। सारटिफिकेसननि हाबाफारिनि सोमोन्दै एनटिएमा गुबुन गुबुन फसंथान आरो एजेन्सिनि रोंग’साफोरखौ लानानै खेबनैसो ब्रेइनस्ट्रमिं मेलबो खुंखांबाय। सारटिफिकेसननि आदब आरो राहाफोरखौ बावैसोनो वेबसाइडाव फोसावनाय जागोन।

एनटिएमा रावसोलायगिरिफोरनि ट्रैइनिं हाबाफारिबो जौगाहोनो बिथांखि लादों।जों भारत आरो गुबुन हादर मोननैनिबो आथिखालाव सोलिनाय रावसोलायगिरिफोरनि ट्रैइनिं हाबाफारिफोनि सिलेबास आरो फरायफारि आयदाफोरखौ बुथुमगासिनो दं।ट्रैइनिं हाबाफारि डिजाइन खालामग्रा गुबुन गुबुन रोंग’सा आरो गौथुमफोरजोंबो एनटिएमा हाबा मावगासिनो दं। फैगौ समाव हादरनां ट्रैइनिं हाबाफारिखौ जागायगोन।