|
|
बिब्लिअग्राफिनि जारिमिन
मोनसे रावसोलायनाय डाटाबेसनि गोनांथिखौ गोबां बोसोरनि सिगांनो मोनदांदोंमोन।2002 माइथायाव मारतनि सिगां सारिनि फसंथान भारतारि राव फसंथान मिरु(सिआइआइएल),साहित्य अकाडेमि,नेसनेल बुक ट्राष्ट अनुकृटि दद नेट मुंनि मोनसे रावसोलायनाय सिबिथाय आरो खारिथिनि साइद जौगाखांहोदोंमोन।अनुकृटिनि सिङाव नैजिरोजासोनि(20000) बारा बिमुंनि नागिरनो हानाय डाटाबेस जौगाखांहोनाय जादोंमोन।
2008 माइथायनि जुन दानाव एनटिएमखौ जागायनाय समाव अनुकृटिखौ एनटिएमजों सरजाबनाय जायो।एनटिएमाव रावसोलायनाय डाटाबेसनि बिब्लिअ’ग्राफि जथायनाय हाबाया सोलिगासिनो दं।2011 माइथायनि सिगां बाहागोवाव गोदान नाजानायजों प्रजेकखौ फोगोमनाय जादोंमोन।मोनसे लामादिन्थि खालामनानै माखासे सुलुंनिफ्राय डाटाफोरखौ बुथुमदोंमोन।सोलिफु डाटाफोरनि मोननायखौ थि खालामनो थाखाय माखासे मुलुगसोलोंसालि,फोसावगिरि हाउस,बिजाब बाख्रि,रावसोलायनाय एजेन्सि,थुनलाइयारि गौथुम आरो फसंथानफोरजों सोमोन्दो लाखिनाय जादों। जों स्निजिरोजानिबो (70,000)बारा बिमुं बुथुमबाय जायखौ सोदांनो आरो डिजिटाइस खालामनो गोनां दं।गुजरात,भड़दरा,भाषा संशधन केन्द्रनि प्रफेसार जि एन देभीया एनटिएमनो गाव बुथुमनाय नैजिरोजानिबो(20,000) बिमुं दान होदों, जाय बिथाङा मारतारि रावाव रावसोलायजानाय बिजाबफोरनि डाटानि सायाव गोबां बोसोर हमनानै खामानि मावबोगासिनो दं।
2011 माइथायनि सेप्तेमबर दानाव रावसोलायनाय डाटाबेस बिब्लिअग्राफिनि मोननो हानाय बिमुंफोरखौ फैगौ समफोराव डिजिटाइजेसन खालामनायनि सोमोन्दै सावरायनो एनटिएम बानजायनाव माइसराव खुंफुंनाय मोनसे मावफुं सावरायमेलाव फ्रपेसर देभी आरो एनटिएम हानजाया सावरायलायदोंमोन।बे मावफुं सावरायमेलाव फ्रपेसर देभीया मोनफ्रोमबो रावसोलायजानाय बिजाबफोरनि थाखाय जर’खा आइ डि होनाय आदब बाहायनो बोसोन होदोंमोन।बे बोसोरनिनो नबेम्बर दानाव डाटाबेसनि टेकनिकेल बिथिंखौ फोसाबफिननो थाखाय भड़दरायाव गुबुन मोनसे मावफुं सावरायमेल खुंफुंनाय जादोंमोन।गुबै बिजाबजों लोगोसे रावसोलायनाय बिजाबनि सोमोन्दै बांसिनै खारिथि मोननो थाखाय मोनसे तेमप्लेटनि महर होनाय जादों।एनटिएमा बेखौ फोसाबफिबावनायनि मावफारिया सोलिगासिनो दं।आथिखाव बे वेबसाइदाव मोन नैजिबा(25) रावाव नैजिरोजानिबो(20,000) बारा सोदांनाय बिमुं दं।
|
|
|
|