आयेनारि दाथाय

सोरखारनि मावफुङारि बिथोनाव हादरारि राव सोलायथाय मिसन एबा NTM खौ जागायजेनाय जादों जायनि बेलायाव माइसुराव थानाय भारतारि राव फसंथान मिरुवा गाहाय नोजोरगिरि महरै हाबाखौ दिथा होगोन आरो दिल्लीयाव बेनि मोनसे दालाइ मावख थागोन। बे राहाया हाबा मावफुंनायनि बेलायाव मोनसे जुनिया खाबु होगोन। जायखि जाया, आथिखल बिथांखिनि जोबनायाव बेखौ नायफामनायनि खाबु थागोन आरो जदि बे हाबाफारिया मिजिं थिनाय बादि महर लायोब्ला चचाइटि रेजिसट्रेसन आयेननि (1960, हादरारि आयेन) सिङाव बेखौ CIIL निफ्राय आलादा खालामनानै मोनसे गावखुंथाय गौथुमसिम महरसोलाय होनाय जागोन।

मोनसे एसेलसिन दाथायजों NTM मेनेजमेन्ट दाथायखौ रुजुजाथावै फिसा आरो गोरलै खालामनाय जादों। NTM नि गौथुमारि दाथायनि बेलायाव गिबि थासारियाव बेखौ मोनथाम थाखोवाव थांखिनाय जादोंमोन।

  » मानगोनां HRD नि दैदेननाय सोद्रोमाफोरजों बोसोनगिरि आफाद 1।
  » गागि रोंगौसा HRD बिफानारिनि थिसजानाय सुबुंनि दैदेननायाव सामलायगिरि आफाद 2 (GB) जाय बिथांखिनि दावगानाय सुलाद लानो गले गले जथुमगोन।
  » फसंथानारि आरो गावारि मोननै खोन्दोनिफ्राय सा 101 सोद्रोमाजों सरासनस्रा आफाद 3 (GB) जाय NTM नि बाहागो जागोन।

NTM नि गाहाय बिबानगिरि महरै CIIL नि बिथोनगिरियानो NTM-PAC आफादनि आफादगिरिनि बिबान मावफुंगोन।सा 25 सोद्रोमाजों दानायनि थांखि लानाय जादोंमोन, आरो बे जौसिन आफाद जानायनि बाथ्रामोन। NTM नि मावबिथांखि बिथोनगिरि थिसनजायै समसिम, सोलोंथायारि नेहाथारि CIILआ सोद्रोमा नेहाथारि महरै मिसननि हाबा हुखाखौ मोजाङै मावफुं लांनायाव मदद होगोन। बेयाव आरो साथाम बिबानगोनां मावखगिरि थागोन जथाय नेहाथारि (राव) एना बिथोनगिरि (राव) गोजौ सोलोंथाय बिफान, सुबुं सम्पद जौगाखां बिफान, भारत सोरखारनि थिसनजानाय सासे JS $ FA एबा IFD (HRD) नि थिसनजानाय सासे आरो मासिगिरि, कमिचन फर चाइनिटिक एण्ड टेकनिकेल टार्मिनलजि (CSTT) गोदान दिल्ली।

बे साबानि अनगायैबो बिसायखनायनि गेजेरजों HRD बिफाना सम फारिफारियै मावफुं आफादनि थाखाय गुबुन सा नैजि सोद्रोमा सायखगोन (a) रावसोलायनाय सोलोंथाय फोरोंग्रा गुबुन गुबुन मुलुग सोलोंसालिनि बिफाननिफ्राय सानै थान्दै (b) समफारि बादियै गुबुन गुबुन हादरसानिफ्राय सानै थान्दै-राव आरो राव सोलायनायजों लोबा- गोनां आफाद / फसंथाननि थान्दै जानो हानाय बादियै (c) राव मुलुग सोलोंसालि गंसेनि सासे भाइस चेन्सेलर (d) बिजाब फानग्रा एबा फोसावगिरिफोरनिफ्राय साथाम (e) नेहाथारि साहित्य अकाडेमी (f) बिथोनगिरि नेसनेल बुक ट्राष्ट (NBT) (g) राव सोलायनाय मुवा (Tools) आरो बिरोंदामिननि बेलायाव R&D जों लोबवा गोनां गुबुन गुबुन IIT/ NIT दामिनारि गौथुमफोरनिफ्राय सानै थान्दै(h) गुबुन गुबुन भारतारि राव आरो इंराजी रावाव रावसोला.नाय जों लोबबा गोनां साबा रावसोलायगिरि रोंगौसा (i) गुबुन गुबुन आयदानि सानै थान्दै (j) राव सोलायनायाव गोसोगोनां गावारि फसंथान / कर्परेट हाउच एबा सरासनस्रा सासे सुबुं।

बिसोरनि अनगायैबो , NTM आव गुबुन गुबुन बोसोनगिरि दालाइ आफाद एबा मावफुं हानजा थागोन- जाय गुबुन गुबुन आयदानि रोंगौसा आरो बोसोनगिरिफोरजों दानाय जागोन जेरै गोनोखोवारि राव सोलायनाय , आरोंदारि राव सोलायनाय , लोगो लोगो राव सोलायलाग्रा राव दानस्लायगिरि एबा मेसिन राव सोलायनाय बायदि बायदि।

1. जायखि जाया, आथिखालाव मोनसेल मावबिथांखि बोसोनगिरि आफाद (NTM-PAC) दानो थांखि लानाय जाबाय ,जेराव सा 25 सोद्रोमा थागोन आरो गोनांथि बादियै बोसोन होनायनि अनगायैबो नोजोर होग्रा एजेनचि महरै हाबा मावगोन।

2. राव सोलायना.य सोलोंथाय होनाय गुबुन गुबुन मुलुगसोलों सालिनि बिफान गुबैयै राव सोलायनायाव गोनांथि होबोनाय थान्दै ,फोसावनायजों लोबबा गोनां सुबुं राव सोलायनाय आगजु आरो बिरोंदामिन सोरजिग्रा IIT, NIT आरो दामिनफोरनि बिबानगिरिफोरनि गेजेरनिफ्राय सुबुं सायखना लाना सामलाय आफाद दानायनि थांखि दंमोन। राव सोलायनाय सोलोंथाय होनाय गुबुन गुबुन मुलुगसोलोंसालि निफ्राय सानै, गुबुन गुबुन हादरसा सोरखारनि सिङाव थानाय गुबैयै राव आरो राव सोलायनायाव गोनांथि होबोनाय फसंथान। आफाद/ सोलोंथायारि फसंथाननिफ्राय सानै (सोद्रोमा , बिजाब फानग्रा आरो फोसावगिरि फसंथाननिफ्राय साथाम, राव सोलायनाय आगाजु बिरोंदामिन सोरजिग्रा IIT,NIT आरो दामिनफोरनिफ्राय सानै आरो राव सोलायनायनि सानै गनायथि मोननाय मोनथायगिरि (जेरै साहित्य अकाडेमी एनबिटि ) खौ लानानै सामलाय आफादखौ दानो बोसोन होनाय जादोंमोन। हादरारि गियान आयोग(NKC) आरो बिथांखि आयोगनि बोसोन बादियै सुबुङारि गावारि बाहागो मोनथामजों बे आफादखौ दानायनि थांखि लानाय जादोंमोन। भारत सोरखारनि बिबान गोनां मावखगिरि जों (जेरै HRD बिफाननि जथाय नेहाथारि आरो राङारि बोसोनगिरि आरो CSTT नि मासिगिरिनि बिसायखजानाय सुबुं) बे आफादनि हाबानि समा 2 बोसोरनि थाखाय लाखिनो थांखि लानाय जादोंमोना। बोसोरनैनि उन उन बे आफादखौ HRD बिफाननि गेजेरजों दाफिननायनि बाथ्रा साननाय जादोंमोन।

3. मिसनखौ जागायजेननो सरासनस्रा आकाद सा 101 सोद्रोमाजों दानायनि बोसोन होनाय जादोंमोन। सामलाय आफादा सरासनस्रा आफादनिफ्राय बोसोन मोननो हानाय बादियै मोनथाम थाखोवारि दाथाय खालामनो साननाय जादोंमोन। राव सोलायनाय दामिन गुबुन गुबुन राव सोलायनाय गौथुम, उदां लिगिरि CSTT,NBT, साहित्य अकाडेमी ICSSR, ICPR बायदिनि मासिगिरि/ बोसोनगिरि/ नेहाथारि, रावसोलायनाय आरो बेजों सोमोनदो गोनां फराफारि (हिन्दी/इंराजी/ राव बिगियान / रुजुथाय थुनलाइ बायदि बायदि ) एबा रावसोलायनाय फोरोंथायाव M.A./M.Phil. PG. डिप्लोमा फराफारि सोलि होनाय मुलुगसोलोंसालिनि रोंगौथि गोनां रोंगौसा, गुबुन गुबुन बिफाननि (जेरै – आयेन, फाहामथाय , जिव बिगियान , समाज बिगियान, थुनलाइ आरिमु बायदि बायदि) रोंगौसाफोरखौ सोद्रोमा महरै लानानै GC दानायनि बाथ्रा साननाय जादोंमोन। बेनि अनगायैबो , सुबुं सम्पद जौगाखां , हारिमुवारि, नखर बिफान (सोरखारि राव बिफानखौ लाफानानै ), खारिथि एबा फोमावदिं , सुबुं फोनाजाब एबा खारिथि बिरोंदामिन आरो बायजो हादरारि बिफान बायदि बिफाननि सिङाव थानाय भारतीरि राव आरो / एबा राव सोलायनाय बायदिजों लोबबा गोनां गुबुन गुबुन फसंथान/ गौथुमफोरखौ GC आव सोसननो थांखि लानाय जादोंमोन।