एनटिएमनि सोमोन्दै

फैथावना जेंनाफोर

थालांनाय आरो फिनजाफिननायखौ होबथानो कमिसन फर चाइन्टिफिक एण्ड टेकनिकेल टार्मिनलजि (CSTT), नेसनेल काउन्चिल फर एडुक्सन एण्ड रिचार्च ट्रेइनि (NCERT), नेसनेल बुक ट्राष्ट,(NBT), मुलुगसोलोंसालि अनसुंथाय आयोग (UGC), साहित्य अकाडेमी, भारतारि राव फसंथान मिरू, माइसूर (CIIl),जान ग्रन्थ अकाडेमी, सुबुङारि लाइब्रेरि नेटवर्कफोर बादि आफाद, गौथुमफोरजों सोमोन्दो आरो मददनि गोनांथि जागोन। फोसावग्रा गौथुम रादाब बिलाइ, मेडिया, फालांगि गौथुम, बिजाब फानगिरि बाइदि फोरजोंबो बेबादिनो सोमोन्दो आरो मददनि गोनांथि जागोन। गोनांथार सुबुङारि फसंथान आरो गावारि एजेन्टफोरजोंबो सोमोन्दो आरो मदद जौगा होनायजों लोगोसे बेफोरनि सायाव बिथांखि लानाय, आखाइ होनायनि गोनांथि जागोन।

NTM आ मोगा-मोगि जाथावना आयदाफोरखौ गाहायाव गुवारै सावरायनाय जाबाय।:

A. आरोंदायारि आरो गोनोखोवारि सोदोब बिहुं सोरजिनाय

भारत हादरा गोबां रावारि हादर जेब्ला, रावफोरनि गेजेराव जेबो जेनां सोरजियाजासे मोनसे रावनिफ्राय गुबुन मोनसे रावसिम राव सोलायलांनाय दाहार बोहै होनायनि गोबां खाबु दं, आरो साग्रां राहा आखाइयाव लानानै बे हाबाखौ सुस्रांनो हानाय जागोन।
गियान थानाय फरा राव सोलायनायनि बेलायाव मोनसे गोख्रों राहा लानायनि गोनांथि दं, जाय सोदोब बिहुंनि सोदोबफोरनि थाखो मान रैखा खालामनायनि अनगायैबो थाखो मान गैयि एबा बाहायनायखौ हाबथानो हायो आरो बिनि गेजेरजों रावफोरनि गेजेराव गोरलैयै सोलिनो हानाय जागोन।

B. रावसोलायगिरिनि सोलोंथाय

राव सोलायनाया मोनसे जरखा हाबा आरो जारखा आयदानि फरा रावसोलायनो थाखाय जौगा गियाननि गोनांथि जायो। मिसना रावसोलायगिरिनि सोलोंथायनि थाखाय गाहायाव होनाय राहा आखायाव लानानै दावगा लांनो थांखि लादों-

1.	थि आयदानि रोंगौसा एबा मेलेमजिबिखौ लाना थांखि फोरमायथिनाय , बिमुंलिरस्लायनाय , गुबै बिगियान , बाहाय बिगियान ,समाज बिगियान बायदिनि राव सोलायगिरिनि थाखाय सुंद समनि फोरोंथाय हाबाफारि खुंफुंनाय।
2.	आयदाफारि आरो रावसोलायगिरिनि थाखाय पेकेज सोरजिनाय जायखौ दुलाराय हादरावनो राव सोलोंनाय/ फोरोंनाय हाबाफारिजों सोसनफानो हायो एबा बन्द एबा हाबा एबा थाखो जोबनायनि उनाव जरखा फराफारि महरै जागाय जेननो हायो।
3.	मुलुगसोलोंसालि एबा गुबुन गुबुन फसंथानफोरनि राव सोलायनाय बिरोंदामिन एबा गुबुन लोबबा गोनां आयदायाव जरखा फराफारि जौगाहोनायाव मदद आरो थुलुंगा होनाय।
4.	थांखि लानानै सोलोंसाखौ लाफाना बिदिन्थ महरै सिनायथि होनाय फरानि थाखो मान आबुं राव सोलायनाय मोनहोनो थाखाय बिजिरसं मावबिथांखिफोरखौ थुलुंगा होनाय आरो सम्पद सोरजिनाय जाय सोलोंथाय होनाय आयदाव मदद जानो हागौ।
5.	भारतारि रावफोरनि गेजेराव राव सोलायनायखौ जरखायै गोनांथि होना गुबुन गुबुन फसंथानफोरनि गेजेराव जरखा गुननि सोलाय सोलनि बेलायाव मदद जानो हानाय बादियै मुलामफा गोनां हाबाफारि जागायनाय।
6.	थि फराखौ बिदिन्थि महरै लाना मावफुं-सावरायमा मेल खुंफुंनाय, जेराव रोंगौसा आरो सोलोंसाफोरा लोगोसेनो गियान , आयदा,सोदोब,हारिमु आरो राव बिगियानि जेंनाफोरखौ सावरायनो आरो सुस्रांनो हायो।
7.	रावसोलायगिरिनि फोरोंथाय गुन बिजिरनाय ,सुजुथाय, रायथाय सुजुथाय बायदिनि सायाव मावफुं सावरायमा मेल खुंफुंनाय।

C. खारिथि गोसार होनाय

रावसोलायनायनि सोमोन्दै थानाय खारिथिफोरखौ मोनहोनो थाखाय जेबो थि खाबु गैयैनि थाखाय हादराव थानाय रावसोलायनायनि सोमोन्दै खारिथि एबा गुबुन सुलुंफोरा दासिमबो थोजासे नङा। बे बाथ्राया जरखायै सैथोदि इंराजी रावनि रावसोलायगिरिफोरा भारताव बांसिन खाबु लाना दं।

मिसना बे जेंनाखौ सुस्रांनो आरो थाखानाय रोंगौथिनि सोमोन्दै संदाननो गाहायाव होनाय राहाफोरखौ लादों -

गुबुन गुबुन आयदा आरो सोलोंथायाव रोंगौथिगोनां रावसोलायगिरिफोरनि मोनसे जथाय फारिलाइ सोरजिनानै।

आयदा, राव आरो फराय आयदाजों लोगोसे बाहायगिरिया अबदान होनो हानायनि खाबु दोनना नायगिरनो , रावनि गुबुन गुबुन हाबाजों लोगोसे इंराजी आरो गुबुन गुबुन हादरारि रावाव मावखांनाय रावसोलायनाय हाबाफोरनि मोनसे अनलाइन बिजाबमुंफारि जाथायनाय।
बे मोननैखौबो मुलुंसोलोंसालिफोर, फोसावगिरिफोर , हादरारि बिजाब बाख्रिफोर , अकाडेमीफोर , नेसनेल बुक ट्राष्ट आरो कमिसन फर चाइनटिफिक एण्ड टेकनिकेल टार्मिनलजि (CSTT) बायदिजों थानाय सोमोन्दोनि गेजेरजों गले गले जौगाखां होनायनि गोनांथि जागोन।

थुनलाइयारि आयदायाव रावसोलायनायनि गांसे बिजाबनि मुंफारि साहित्य अकाडेमीया जथायना दिहुनखांबाय जायखौ CIIL नि अनुकृति वेबचाइडाव होनाय जादों। भारतारि रावनि गोबां रावसोलायगिरिफोरनि मुंफारिथिसननाय फोसावखांबाय , जायखौ NTM आव सरजाबनानै बे मोननैबो फारिलाइखौ जौगाखां होनायनि गोनांथि दं। बे फारिलाइया थुनलाइयारि आयदायावल सिमा गोनां जानायलाय, गुबुन फराय आयदा आरो आयदाफोरनि थाखाय रावसोलायनायनाय एबा राव सोलायगिरिफोरनि फारिलाइ गोदानै जथायनायनि गोनांथि , जाय हाबानि थाखाय NTM आ भारतनि गुबुन गुबुन ओनसोलनि बुथुमगिरि आरो सुजुगिरि थिसननो हागौ।

D. नुथाय आरो हाफुंनाय

राव सोलायनाय आरो रावसोलायगिरि मोननैबो बांसिनै बाहाय जानाय जानांगौ। रावसोयगिरिनि हाबानि बेसेन होनाय आयदाजों बे सोमोन्दो दं, जायखौ गोदानै नायफिननो गोनां जानानै फैदों। भारताव राव सोलायनाय दामिननि इयुन मिजिं थानायनि थाखाय जों रावसोलायनायखौ थांनानै थानायनि राहा महरै लानो सानना नायदों। जों मोनसे खाबु गोनां थासारि सोरजिनो नाजादों जायनि गेजेरजों राव सोलायगिरिफोरा (बिसोरनि फराय आयदाया जिखियानो जाया मानो-2) राव सोलायनायनि गेजेरजों मोनसे गोजोन जिव खुंनो हागोन।

NTM नि थाखाय गुबुन गुबुन फराय आयदानि रावसोलायगिरि फोरनि मुंफारिलाइ थिसननो थाखाय मोनसे हाबाफारि एबा हाबा बिखान्थि सानखांनाय आरो जानांगौ जायनि मददाव मान थिखालायनाय आरो लोगोसे थाखुमानाय रोंगौथिखौ गनायथि होनाय जागोन। सोमोन्दो गोनां बिफाननि रोंगौसाफोरा , गुबै आरो थांखि रावनि पण्डितफोर आरो साग्रां एबा गियान गोनां फरायगिरिफोरा बे बेसेन सुग्रा आफादखौ दानो हायो, जाय राव सोलायनायनि थाखो मान आनजाद नायनायजों लोगोसे राव सोलायगिरि मुंथिसनना मुलामफा जादोंना जायाखै आरो बिसोरखौ हादरारि थाखोवाव लांनाया हामोना हामा बेनि सायाव बोसोन होगोन । बिसोरखौ NTM नि वेबचाइडाव मुं फोसावनायनि खाबु होनायनि अनगायैबो हामग्लायनाय एबा मान बिलाइ होनाय जागोन।

E. राव सोलायनायाव हाबनाय , फेहेरनाय ,थिखालायनाय

रावसोलायनायखौ नुथायारि एबा जौगाखां होनायनि गुबुन माखासे राहा: