|
|
थांखिजानाय मुलामफा मोनगिरिफोर
मिसननि थाखाय थांखिजानाय मुलामफा मोनगिरिफोरनि मोनसे सिमा दं, नाथाय गोग्लैसोनाय ओनसोलनि लोरबां थाखोनि फरायसाफोरा जादों गिबि आरो गोनांथि मोनग्रोगोन। जाय बिसोरनि थाथाय लोगोसे उनफिन महर (गुबैयै गामियारि आरो खाव-नोगोरारि ओनसोलनि) लोगोसे समाजारि जरखायै खाबु मोनै हारि एबा थाखो जानायनि थाखाय मददनि थाखाय लामा नायना थानांगौ जायो। बे थाखोनि फरायसाफोरा आरोंदायारि एबा गोनोखोवारि आयदाजों सोमोन्दो गोनां गियाननि मुलुगजों जायखौ सरासनस्रायै इंराजी रावाव मोनो, जोबोद एसेल बिबांनि एबा मोनथाराखौनो बुनो हायो। बे मिसना अब्लासो बेनि थांखियाव सहैगोन जदि जेब्ला गुबुन गुबुन फराय आयदाफोरनि लिरथाय फराफोरखौ बे गियान नायगिरग्राफोरखौ मोनहोनो हागोन।
जायखि जाया, थांखियाव सहैनाय हाबाफारियाव गोनां हानजा एबा सुबुं जथाय जयै मुलामफा मोननो हागोन जेरै-
|
| 1. |
गावनि रावजों थुनलाइयारि आरो गियान थानाय लिरथाय फरायनो हास्थायग्रा सरासनस्रा सुबुं.
|
| 2. |
गोबां अनजिमानि रावसोलायगिरि थिसनाय जागोन आरो बिसोरनि हाबानि थाखाय नांगौबादि बेसेन रां होनाय जागोन।
|
| 3. |
रावनि आयदायाव गोदान आरो गोसोबोनो हानाय बिजाब नागिरनाय फोसावगिरिफोर।
|
| 4. |
फरायसालि , फरायसालिमा आरो मुलुगसोलोंसालियाव सानफ्रोमबो फोरोंग्रा फोरोंगिरिफोर
|
| 5. |
फसंथानारि नङै सोलोंथायाव लोबबा गोनां मावसोम हानजा
|
| 6. |
सुबुं सावस्रि , सुबुंमोनथाय , आबहावा , बिगियानखौ गोसारहोनाय बायदि बायदि आयदायाव हाबा मावनाय NGO फोर
|
| 7. |
लोगो सोगो राव दानस्लाय लांग्रा (इन्टरप्रिटारा नायगिरग्रा एजेनसिफोर)
|
| 8. |
दावबायारि आरो गुबुन हादरनि बिजिरसंगिरि फोर जायनो लोगो लोगो राव दानस्लायग्रानि गोनांथि
|
| 9. |
रावसोलायनाय सोलाय बिमुंनि थाखाय गोसो गोनां सावथुन दिहुनगिरि , बिथोनगिरि आरो फोसावगिरिफोर
|
| 10. |
गुबुन गुबुन राव आफाद फोसावनायाव गोसो गोनां रेडिव ,टिलिभिसन आफादनि फोसावगिरिफोर
|
| 11. |
रावसोलायनायनि सोलोंसाफोर
|
| 12. |
मुलुगसोलोंसालिनि रावसोलायनाय बिफानफोर आरो गुबुन रावसोलायनाय फसंथानफोर।
|
| 13. |
रावसोलायनाय आयदाजों सोमोन्दो गोनां गुबुन गुबुन आयदानि बिजिरसंगिरिफोर
|
| 14. |
राव सोलायनाय सप्तवेर दिहुनग्राफोर
|
| 15. |
रुजुथाय थुनलाइनि बिजिरसंगिरिफोर।
|
जौगा मान गोनां रावसोलायनाय दामिन जागायजेननो, साहित्य अकाडेमीया सेबखांनाय बिजोङाव जागायजेननाय आरो आथिखालाव अनुकृति वेबचाइडा मोनहोनाय रावसोलायगिरिनि हादरारि मुंफारिलाइ जौगाहोनो थांखि लानाय जादों। बेनि लोगो लोगो गासैबो रावसोलायगिरिनि गौथुमफोर (आथिखालाव हादराव गोनां बे बादि आफाद दं) आरो गावारि फोसावगिरिफोरनि रावसोलायगिरि गौथुमफोरखौ लोबबा खालामनायनि गोनांथि दं। गासै हाबाफारिखौ थांनायनि राहा महरै लानायनि गोसोन्थिजों लोगोसे सोरखारि आरो गुबुन एजेन्चिफोरा थिखानाय समनि गेजेराव थि लिरथाय रावसोलायनाय जायनो गोनां जागोन। बेनि अनगायैबो. राव सोलायनाय मेला (उन्दै, गेदेर मोनफ्रोमबो नोगोराव रावसोलायनाय फोरबो एबा बे बादि खुंथाय) आरो जिव खांनायनि राहा मुहरै लाग्रा रावसोलायगिरिनि फोरोंथाय हाबाफारि खुंफुंना गोदान जोलैखौ मदद खालामनायजों लोगोसे थि सुबुं सम्पद सिनायथिनाय जागोन। जों मिजिं थियोदि बे गेदेमा थांखिया रावसोलायनाय दामिनाव बेरखांगोन।
सरासनस्रा सुबुंनो बांसिन मुलामका होनो आरो लोगोसे जोंनि सोलोंथाय आरो बिजिरसं फसंथानफोरनि गोनांथिखौ नोजोर होनानै गियान थानाय बिजाब आरो राव सोलायनायनि फारसे गोसो गोनां सुबुंफोरनो सेबखांनाय बिजाब आरजाथाव बेसेनाव होनाय जोगोन। CIIL नि सारभारनिफ्राय NTM नि सोरजिनाय आरो सामलायजानाय फैलाव नेटवर्कनि मोनसे वेबचाइडाव बे गासै बिजाबखौ इ- बिजाबनि महराव बेसेन नाङाजासे मोननो हागोन। नेटआव जथायनाय बिजाबनि फरायगिरिनि थाखाय गांसे मुं फारिलाइ दोननाय जागोन। बेनि गेजेरजों जों बिसोरनि बानबुंथाय मोननो हागोन। जोबनायाव सोदोब बिहु , ट्रेजारि, वर्डफाइडार , गोरोब गोरोबथि गोनां, जोनोमारि सोदोब बिहुं , नुनाय आरो खोनासंनाय बायदि बायदि रावसोलायनाय आगजुफोरखौ मोनहानाय जागोन आरो उदां फुंखानि पेकेज महरै जौगाहोनाय जागोन।
मोननै गुबुन गुबुन रावनि गेजेराव NTM आ डिजिटेल सोबोब बिहुं आरो मेसिन मदद गोनां राव सोलायनाय सप्तवेर सोरजिनायाव गोनांथि होगोन। थांनाय मोननै जिथायाव IIT आरो मुलुग सोलोंसालिफोरा , IITs , TIFR आरो IISc आ लोगोसोयै आरो लोगोसे गोबां गेदेमा सप्तवेर फसंथाना मेसिन रावसोलायनानि जेंनाफोरनि सायाव हाबा मावदोंब्लाबो दिनैसिम गोरोन्थि गैयि जौगा थाखोनि आगजु दिहुननो हानाय जायाखै। बेनिखायनो NTM आ बे आयदायाव सांग्राङै नांगौबादि राहा लागोन। बे गनायथिनि माखासे बाहागो ( जेरै: डिजिटेल सोदोब बिहुं, वर्ड फाइनडार, ट्रेजारि बायदि बायदि ) गुबुन निखुइ (जेरै गावनोगाव सोलिग्रा आगजुफोर) सिगां मावफुंनाय जागोन।
|
| |
|
|