اعلانات


2 ہفتن ہُنٛد حوصلہٕ افزا ٹریننگ پروگرام

Application form (ڈاوُن لوڈ کٔرِتھ برِو)
 
ترجمہٕ باپتھ ہۅنر پٲدٕ کرُن چھُ این۔ٹی۔ایمُک اکھ خصوٗصی توجہُک مرکز۔ مِشن چھُ ترجمہٕ کارن ہٕنٛز حوصلہٕ افزا تہٕ وٲقفیت پٲدٕ کرن والٮ۪و پروگرامو دٔسۍ تربیت دِوان۔ یہِ چھُ سٍتی پیشور ترجمہٕ کارن تٲلیٖمی اِمداد تہِ فراہم کران۔ ترجمہٕ باپتھ سرٹیفکیٹ تہٕ ڈِپلوما کورس پیش تھونٕچ کوٗشِش چھے سپدان۔

2 ہفتن ہُنٛد انتہٲیی تربیتی پروگرام

کَس پزِ شِرکت کَرٕنۍ؟ یہِ پروگرام چھُ تِہٕنٛدِ باپتھ یِمن ترجمہٕ کرُن مشغلہٕ چھُ یا یِم ترجمہٕ پنُن روزگار بناوُن یژھان چھِ۔ یہِ چھُ پیشور ترجمہٕ کارن ہٕنٛدِ باپتھ تہِ تہٕ ترجمہٕ پرن والٮ۪ن طٲلبِ علمن ہٕنٛدِ باپتھ تہِ یِم پنٕنۍ زانکٲری بٔڈرٲوِتھ پنُن فن بہتر بناوُن یژھان چھِ۔ شرکت کرن والٮ۪ن منٛز چھِ عام طور (ا) شروٗعٲتی دورس منٛز مُلٲزِم تہٕ مختلف یونیورسٹین / اِدارن منٛز درج طٲلبِ علم۔ (ب) لینگویج آفیسر یِم مختلف سرکٲرۍ تہٕ نیٖم سرکٲرۍ اِدارن منٛز کٲم کران چھِ۔ (ت) تِم فرد یِم سی۔ایس۔ٹی۔ٹی چہِ کارکردگی سٍتۍ وابستہٕ چھِ وغٲرٕ۔

کتہِ؟ تربیت تہٕ وٲقفیتٕکۍ کورس چھِ نیشنل ٹرانسلیشن مِشن، سینٹرل انسٹچوٹ آف اِنڈین لینگویجز، میسورس منٛز منعقد کرنہٕ یِوان۔ پروگرام چھِ باقین جاین تہِ کرنہٕ یِوان ییلہِ زن اشتراک یا اِدارن ہٕنٛز میزبٲنی میسر آسہِ۔

 
فیس: کورسہٕ باپتھ چھُنہٕ کانہہ فیس۔ وۅنۍ گَو شِرکت کرن والٮ۪ن چھِ 500 ہتھ رۅپیہِ پروگرامہٕ کِس آغازس منٛز چھِ پٮ۪وان جمع کرٕنۍ۔ یِم پٲنٛسہٕ چھِ أکِس ؤرۍیَس باپتھ ٹرانسلیشن ٹُوڈے ہُک معاوضہٕ مُجرا ماننہٕ یِوان۔

درخواست کِتھٕ کٔنۍ دِمو؟ دِلچسپی تھون وٲلۍ گژھن فارم بٔرِتھ تہٕ دستخط کٔرِتھ عرضی سوزٕنۍ۔ (ڈاوُن لوٗڈ کٔرِو www.ciil.org / www.ntm.org.in اعلاناتن تحت) بشموٗل نقوٗل ضروٗری اسناد تہٕ ثبوٗت، یِم زن یتھ پتاہس پٮ۪ٹھ سوزنہٕ یِنۍ گژھن:
  The Project Director,
National Translation Mission
Central Institute of Indian Languages,
Manasagangotri, Hunsur Road,
Mysore, Karnataka 570006.

تربیت دِنہٕ وٲلۍ کم چھِ؟ ಅاین۔ٹی۔ایمس نِشہِ چھُ اکھ تربیت دِنہٕ والٮ۪ن ہُنٛد ذخیرٕ یِم زن امہِ شعبٕکۍ تجرُبہٕ کار چھِ۔ کیٚنٛہہ تربیت دِنہٕ وٲلۍ چھِ این۔ٹی۔ایمس منٛز وسیٖلہٕ پٲدٕ کرن والٮ۪ن ہٕنٛدِ حیثیت اِدارس منٛز یہِ کٲم کران، یِم زن مختلف اِدارو پٮ۪ٹھٕ اننہٕ یِوان چھِ۔ نوٹ: درخواست چھِ ؤہرۍ ؤرۍیَس قبوٗل کرنہٕ یِوان۔ درخواست کِس لِفافس پٮ۪ٹھ گژھِ کھۅوٕرۍ کِنۍ پٮ۪ٹھمِس کوٗنس پٮ۪ٹھ ”این۔ٹی۔ایم ترجمہٕ تربیتی پروگرامہٕ باپتھ درخواست“ لیٖکھِتھ آسُن۔ تہٕ یِم زن نوکری کران آسن یا مسلسل کانٛہہ تِژھ ذِمہٕ دٲری نِبھاوان آسن، گژھِ پنُن درخواست نوکری دِنہٕ وٲلۍ سٕنٛدِ یا اِدارٕکۍ زِیٹھۍ سٕنٛدِ ذٔریعہِ سوزٕنۍ۔ ژارنہٕ آمٕتٮ۪ن وۅمیدوارن ہُنٛد فہرست یِیہِ سی۔آئی۔آئی۔ایل تہٕ این۔ٹی۔ایم چہِ ویب سایٹہِ پٮ۪ٹھ کھارنہٕ۔

رٲبِطُک نوکتہٕ: مہربٲنی کٔرِتھ سوٗزِیو پنٕنۍ سوال یتھ میلس پٮ۪ٹھ: ntmtrainingprog2016[at]gmail[dot]com