|
|
उफरा-II
|
हादरारि राव सोलायथाय मिसननि थाखाय थांखि
|
जयती घषा NKC आव गथायनाय
(11 फ्रेबुवारि 2006 आव NKCनि राव सोलायनाय मावफुं सावरायमेलाव सावरायनाय आरो बाहागो लागिरि आरो गुबुनफोरजों मावफुं सावरायमेलनि उनाव रायज्लायनायनि सायाव जथायनाय )
|
गुबुन गुबुन रोखोमनि ( सुबुं, मेसिन मददगोनां , लोगो लोगोजाग्रा ) आरो गुबुन गुबुन डमाइननि (थुनलाइयारि , गोनोखोवारि , आरोंदायारि , फालांगियारि बायदि बायदि ) राव सोलायनाय गोसार होनाय आरो थाखो मान जौगाखां होनांगौनि जरखा गोनांथि दं, जाय दुलाराय हादरनाङै गियाननि फैलाव फोथाराव दावबायनो मदद होगोन। हादरारि राव सोलायथाय मिसन गायसननानै , जौगा मान गोनां राव सोलायनाय जोगाखां होनाय आरो फोसावनायनि गेजेरजों हादराव बे हाबाफारिखौ जागायनाया बयनिख्रुयबो साबसिन राहा जागोन। बे जोबोद एसेल समनि गेजेरावनो फारागथिफोरखौ सिनायथिनानै , जौगा मान गोनां राव सोलायनाय जौगाखां होनानै, फोरोंथायनि राहा खालामनानै , राव सोलायनाय आरो रावसोलायगिरिनि खारिथि फोसावनानै आरो सुबुङारि / सोरखारि एबा गावारि खोन्दोवाव सोलिनाय हाबाफोरनि सोमोन्दो फोनांजाबना हाबाफारिखौ जागायनो हायो। बे बिथांखिया सोरखारि खोन्दो आरो गावारि खोन्दो फसंथाननि हाबानि नंस्लाय (नकल) एबा बेफोरखौ लिरफामफिननो थाखाय नङा, अदेबानि बिसोरनि हाबानि गोनांथिखौ फिन आनजाद नायनाय , थाखो मान बांहोनाय आरो सांग्राथि लाबोनो थाखायसो।
गोबां बोसोर हमनानै, भारतारि हादाबमासायाव गुबुन गुबुन मोननै रावनि गेजेराव राव सोलायनाय जाबोदों। मोनसे महर बादियै भारत एबा गुबुन जायगानि गुबुन गुबुन रावारि , गोबां गेदेमा सुबुंफोरा राव सोलायनाय हाबायाव आखाइ होबोदों। राव सोलायनायाव गोबां मोगा-मोगि जानो गोनांब्लाबो आथिखाल जिथायाव बे थांनानै थानायनि राहा महरै मुलामफा गोनां जाबोदों। बिजिरसंनि आयदा महरै, राव बिगियान , पिलसपि , थुनलाइयारि सरसा, रावनि ओंथि बिगियान , सोदोब बिहुं सुजुथाय एनट्रपलजि , कम्पपिउटार बिगियान आरो गुबुन गुबुन आयदानिफ्राय फुंखा आरजिना राव सोलायनाय सरसाया (ष्टाडिस) मोनसे गोदान आयदा महरै जाखांबाय। नाथाय, गोबां बिबांनि राव, हारिमु आरो हारिनि थाखाय बे आयदायाव दासिमबो सोमोन्दो फोनांजाबनो हानाय जायाखै।
गोबां रावारि आरो गोबां हारिमुवारि हादर आरो गियाननि मोनसे गोजाम बिथाफोरनि गेजेराव दरसे महरै, भारता गोबां जौथाय हमनानै राव सोलायनाय फोथाराव सिगां बिहोमा लाबोदों। गोबां राव आरो हारिमुजों बुंफबनानै थानायनि थाखाय भारता थुनलाइयारि आरो मेसिन राव सोलायनाय गाहाय बुंफोरथियारि जागायजेनाय हाबानि थाखाय आनजादनि बिथा महर होबोदों। बेखौ मिजिं थिनाय जादोंदि थांखि जानाय हादरारि राव सोलायथाय मिसना (NTM) गोबां साननि आंखालखौ सुफुंनो हागोन , जायनि गेजेरजों गुबुन गुबुन थाखोनि सुबुं – फोरोंगिरि , फरायसा (सोलोंसा), राव बिरोंदामिनगिरि , फालांगि हानजा , रादाब बिलाइ आरो गुबुन खौरां बिजोंनि हानजा , सोरजिलु लिरगिरि , फरायगिरि , रुजुथाय सरसा खालामग्रा आरो राव सोलायनायनि सोमोन्दै जेबो मिथियै सुबुंफोरा मुलामफा जागोन।
NTM नि थांखिया जागोन गाहायाव होनाय बादिः
|
|
1.
|
भारतारि रावनि राव सोलायनायजों सोमोन्दो गोनां खारिथिनि बाख्रि महरै हाबा मावनाय आरो राव सोलायनाय फोसावथायनि खारिथि बुथुमनाय , दिथा होनाय आरो थाब थाब गोदान महर होनाय , फोरोंथाय हाबाफारि खुफुंनाय, मोननाय/ थानाय आगजु जथायना लाखिनाय आरो हादरारि रावसोलायगिरिनि मुं फारिलाय जथायनाय।
|
|
2.
|
हानायमानि , भारतारि रावाव बुंफोरथियारि आरो मोगथाङारि (गुबै) मोननैबो रोखोमनि राव सोलायनाय हाबा हुखाफोरनि सोलाय सोल एबा सोदांगिरि नखर महरै हाबा मावनाय।
|
|
3.
|
भारतारि रावफोरनि राव सोलायनायजों लोबबा गोनां हाबा हुखाफोरजों सोमान्दो गोनां एजेन्चि फसंथान आरो उदां सुबुंफोरनो फोनांजाबनो खाबु होनाय।
|
|
4.
|
जौगा मान गोनां रावसोलायनायनि गेजेरजों भारतजों लोगोसे गुबुन हादरावबो भारतारि राव आरो थुनलाइखौ सिनायथि होनाय।
|
|
5.
|
राव सोलायनायनि थाखाय गुबुन गुबुन रोखोमनि आगजु सोरजिनाय एबा लाखिनाय आरो जरखायै नैरावारि आरो गोबां रावारि , सरासनस्रा आरो जरखा हाबानि थाखाय मावफुंनो हाग्रा राव सोलायनाय सोदोबबिहुं , वर्ड फाइनडार , ट्रेजारि बायदि बायदि जथायनाय।
|
|
6.
|
बे आयदाजों लोबबा गोनां गासै फसंथान आरो सुबुफोरनि मदद जानाय बादियै उदाङै एबा जथायै राव सोलायनाय सरसानि सायाव सेबखांनाय लोगोसे मोगथाङारि फोसावथाय जौगाखां होनाय।
|
|
7.
|
सरासनस्रा सुबुङा गुबुन गुबुन सोंलु आरो फिननाय दैथायहरनो हानाय बादियै बुलेटिन बर्ड सोरजिनि गेजेरजों सावरायनायनि मोनसे सुबुङारि जौसां होनाय।
|
|
8.
|
राव सोलायनायनि खान्थियारि आदब आयदायाव बोसोन होनाय आरो राव सोलायनाय फोरोंथाय आरो फोरोंथाय हाबाफारिखौ फोगोमनो हानाय बादि गुबुन गुबुन राहा लानाय।
|
थांखि जानाय हादरारि राव सोलायथाय मिसननि (NTM) हाबा हुखाफोरा
राव सोलायगिरिनि सोलोंथाय
जेब्ला राव सोलायगिरिनि थाखाय नैरावारिनि गोनांथि जानानै फैयो अब्ला बे बाथ्राया फोरमान जायोदि मोनसे जरखा हाबा आरो बेखौ मावफुंनो थाखाय जरखा गियान थानाया जोबोद गोनांथार , गोसो जाब्लानो बेखौ मावफुंनो हाया। बेफोरनि अनगायैबो गुबुन गुबुन रोखोमनि राव सोलायनायनि थाखाय गुबुन गुबुन रोखोमनि आदबनि गोनांथि जायो, बिदिन्थि महरै, गोनोखोवारि (बिगियान ) आरो आरोंदायारि राव सोलायनो थाखाय थुनलाइयारि राव सोलायनाय निख्रुय आलादा रोखोमनि आदब आरो नोजोरनि गोनांथि जायो। बेखेवनाय बाथ्रानि आदबफोरा रुजुथावै बारा जौगा थाखोनि नङा आरो लोगोसे गुबुन गुबुन सोमोन्दो गोनां मेडिया (जेरैः रेडिव , टिलिभिसन ) आरो फरा आयदानि राव सोलायनायाव फोरोंथायनि गोनांथि जाया।
बे आयदायाव NTM नि हाबा हुखाया जागोन ओरै बादिः
|
|
|
»
|
खम समनि फोरोंथाय हाबाफारि जागयनाय।
|
|
|
»
|
दुलाराय हादरनाङै राव सोलायनयनि थाखाय फराय आयदानि पेकेज सोरजिनाय , जाय राव फोरोंनाय हाबाफारिनि बाहागो जानो हागौ।
|
|
|
»
|
बिजिरसंनि पेलसिप हाबाफारि सोरजिनाय , जाय गुबुन गुबुन फसंथाननि रोंगौसाफोरनि गेजेराव साननाय हनाय सोलाय सोल खालाम होगोन। बे आयदायाव इंराजीनिफ्राय इंराजीवाव खालामनायनि बेरेखायै भारतारि रावफोरनि गेजेराव राव सोलायनायखौ जरखा गोनांथि होनाया मोजां।
|
|
|
»
|
जखायै, बिदिन्थि महरै बबेबा मोनसे जुनिया लिरथाय / बिजाबनि जौगा मान गोनां राव सोलायनायखौ मोनहोनाय आरो सम्पद सोरजिनो थाखाय बिजिरसं मानबिथांखि (फरायसानि बिजिरसंखौ लाफानानै) थुलुंगा होनाय , जाय सोलोंथायारि आरिमु थांखियाव मदद होगोन।
|
खारिथि गोसार होनाय
राव सोलायनाया आथिखालाव बेसेन गोनां आरो अनसायजानाय हाबा नङा जेब्ला, बेनिखायनो हादराव थानाय, मोननाय राव सोलायनाय हारोंथायनि सोमोन्दै आबुं खारिथि फरायगिरि एबा सरासनस्रा सुबुङा मिथिया। बिदिन्थि महरै- गुबुन गुबुन ओनसोलारि रावफोराव गोबां बिबांनि जौगा मान गोनां राव सोलायगिरि दंब्लाबो बिसोरनि सोमोन्दै फोसावगिरिफोर एबा गुबुनफोरा (जाय बिसोरनि सिबिथायजों मुलामफो मोननो हायो) मोजाङै मिथिया। माइसुरनि भारतारि राव मिरु फसंथाना बेनि ओनसोलारि मावखफोराव बोसोरफ्रोमबो जायखि जाया रावाव सा 400 सो फोरोंगिरिखौ 20 गाहाय भारतारि रावनि जायखि जाया मोनसेयाव मोजाङै फोरोंथाय होयो। लासै लासै बे हाबाया गोनांथार अब्लाबो आगोमा आदब महरै सिनायथि मोनदों। नाथाय मिजिं गोनां बाहायगिरिफोरा बे फोरोंथाय मोननाय (आथिखालाव 11000 सो जागोन) सुबुंफोरनि सोमोन्दै मिथिया। गुबुन गुबुन रावाव खम बिबांनि फोसावगिरिफोरजों माखासे आयदायाव रावसोलाय खांनाय आरो सेबखांनाय जाबायब्लाबो बे आयदानि नांगौबादि खारिथिया बांसिन सुबुंफोरनिसिम सहैयाखै।
बेनिखायनो बे आयदायाव NTM नि हाबा हुखाया जागोन ओरै बादि : |
|
|
»
|
गुबुन गुबुन आदब एबा जौगा थाखो मानजों गुबुन गुबुन आयदायाव राव सोलायनायनि फुंखा एबा खारिथि बाख्रि सोरजिनाय। बे बाख्रिखौ अनलाइनाव मोनगोन आरो जरखा गोनांथियाव NTM जों सोमोन्दो खालामनो हागोन।
|
|
|
»
|
गुबुन गुबुन आयदायाव गोसारनानै थानाय राव सोलायनायनि गुबुन गुबुन हाबानि फुंखा एबा खारिथि बाख्रि आरो गोनां सोदोबनि ओंथि बिजिरनाय गोनां (एनटेट) आखाइबिजाब (मदद बिजाब / केटलक) सुजुनाय जायफोरखौ सोलोंथायारि फसंथान, बिजाब बाख्रि नेटवर्क बायदियाव अरायथायै दैथायहरनाय जागोन।
|
जौगा थाखो मनानि राव सोलायनाय मुवाफोरनि जौगाखां होनाय आरो फोसावथायः
ओंथिगोनाङै बे सोंलुवा सिखांनो हागौदि जदि सानफ्रोमबो राव सोलायनाय मुवानि गोनांथि जानाय मोनब्ला , दासिम बेफोर हाथायाव ओंखारसिगौमोन। जायखि-जाया, इयुन मिजिंनि सोमोन्दै नांगौबादि गियाननि आंखाला फरायगिरिनिफ्राय बे दाबिखौ सोरजिनायाव हेंथा होबोदों। थारैनो गियाननि फैलाव बाख्रिखौ मोजाङै मोनदांनो हायागौमानि रावबो बेखौ मिथिनो हाया , बिसोर मोजां माबा मोनसे लानो हाया। बेनि अनगायैबो , थुनलाइयारि रावसोलायनायजों सोमोन्दोगोनांफोरा (जेरै नेसनेल बुक ट्राष्ट आरो ग्रन्थ अकाडेमीफोर) जायखि जाया ओनसोलारि रावाव फोसावनाय लोगो लोगोसो बिजाब नांगौथिया बेसेबां बारा जायो बे बाथ्राया फोरमान जाबोदों।
मखजाथावदि बे बादि रावसोलायनाया इंराजीनिफ्राय भारतारि रावाव जानाय मोनसेल बिथिं जानो नाङा , अदेबानि भारतारि रावाव जाय सम्पद दं बेखौबो इंराजी आरो भारतारि रावाव फोसावनाया ,सोलायनाया मोजां। बे आयदायाव रोखोमसे माननि आखुथाय बिदिन्थि थानांगौ जाय फुंखा राव आरो आजावग्रा रावनि गेजेराव थोजों जेंना सोरजिया आरो भारतनि गोबां रावारि आरो हारिमुवारि गुबुन गुबुनथिखौ जौगाखांहोयो। दासिम माखासे आयदायाव रावसोलायनाया जागायजेनबाय (बिदिम्थि महरै ङ आमबेदकारनि हाबा हुखाफोर , जायफोरखौ गुबुन गुबुन रावाव रावसोलायनाय जाबाय) जाय मैखोम समाजारि सोमावसारनाय आरो लोगोसे गोदान सोलोंथाय हानजानि गोनांथि आरो हासथायनायखौ बेरखां होयो।
गोनोखो (बिगियान ) आरो आरोंदायारि आयदानि राव सोलायनायाव साबसिन मोनदांथि आरो राव फोरनि गेजेराव गोरलैयै गोरोब होनो थाखाय जौगा माननि सोदोब आरो आयदानि सायाव गियान थानाय गोनांथार। बेनि अनगायैबो , आथिखालाव मान बेसेननि आयदायाव गाहाय / उसेल थुलुंगा गोनां हाबा आरो बेनिखायनो बे सानथायखौ , बाथ्राखौ मोनदांनाया जोबोद गोनांथारदि राव सोलायनाया मोनसे गावारि उदां हाबा , नाथाय बे मोनसे समजारि दामिन , जेराव जाफुंसारनायनि थाखाय गुबुन गुबुन समाव गुबुन गुबुन सुबुंनि बाहागो लानाय आरो जथाय हाबानि गोनांथि जागोन।
बे आयदायाव NTM आ गाहायाव मखनाय हाबाफोरखौ नोजोर होनो हायो : |
|
|
»
|
बिजाब बेखेवनाय , फोरबो (मेला), बिजिरसं ,राङारि अनसुंथाय आरो बान्था होनायनि गेजेरजों जौगा मान गोनां साग्रां रावसोलायनाय जौगाखांहोनाय।
|
|
|
»
|
जथाय एबा हानजायारि राव सोलायनाय हाबाखौ थुलुंगा होनाय, लोगोसे गोलाव समनि गोबां राव सोलायनाय मावबिथांखि , सावरायमेला आरो बानबुंथाय एबा रोंमोनथाय सोलाय सोल खालामनो थाखाय रावसोलायगिरिफोरखौ लाफाना मावफुंसावरायमा मेल खुफुंनाय।
|
|
|
»
|
फोसावगिरिफोरजों बायफिननायनि रादाय खालामनाय आरो बिजाब बाख्रि नेटवर्कजों सोमोन्दो फोनांजाबना जौगा माननि राव सोलायनायनि थाखाय मोनसे गुदि हाथाय सोरजिनाय।
|
|
|
»
|
राव सोलायनाय हाबानि दिहुनगिरि आरो फोसावगिरि एबा बायगिरि (सरासनस्रा सुबुं आरो गावारि खोन्दोनि फसंथान) नि गेजेराव मोनसे इनटारपेस जगायनाय। गोनां। जरखायै राव सोलायनाय हाबाखौ सोरजि हाबानि समान महरै आजावना लानायनि दोरोंखौ थुलुंगा होनांगौ।
|
|
|
»
|
ओनसोलारि रावफोराव गुवारै गोसारनायनि थाखाय सोलिफु आयदानि जार्नेल आरो गुबुन गोनांथि गोनां एबा खहाबनाय गोनां मुवाफोर जेरैः गोदान गोनोखोवारि , सानस्नियारि रांखान्थि आरो राजखान्थिनि गुदि राव सोलायनायनि थाखाय राङारि मदद होनाय।
|
|
|
»
|
फरायसालि, फरायसालिमा आरो मुलुंसोलोंसालिनि फराफारियाव राव सोलायनाय मुवा जगायनो थाखाय आरो जरखायै गासै थाखोनि थुनलाइ सरसायाव गुबुन भारतारि रावनिफ्राय राव सोलायनाय मुवा जगायनो थाखाय बोसोन होनाय।
|
|
|
»
|
गासै फरायसालि, फरायसालिमा आरो फरायसालिनि जरखा बिजाब गला ( राव सोलायनाय बिजाबजों सोमोन्दो गोनां) खालामनो थाखाय फुंखा मिरु खालामनो बोसोन होनाय।
|
|
|
»
|
आथिखालाव सोलिनाय मुं गैबाङै हाबाफोरखौ जौगाहोनाय आरो फोसावनाय , नै रावारि आदबनि ( कर्नाटक पुलिस बिबानगिरिनि थाखाय खुंफुंनाय आनजादाव होथारनांगौ बाहागो बादि ) सायाव गोनांथि होनाय।
|
|
|
»
|
सोरखारि आरो सुबुं माहारियारि समाजारि फसंथाननि गेजेरजों (जेरै हादरारि लेखा –गोरों मिसन आरो भारत गियान- बिगियान आफाद) राव सोलायनाय मुवाखौ फिसा/ उदै नोगोर आरो गामियाव गोरलैयै मोनहोनायखौ थि खालामनो थाखाय रहा दिहुननाय।
|
मेसिन राव सोलायनाय जौगाखांहोनायः
आथिखालाव बिरोंदामिना रुजुथावै बाङाय बेसेनाव गोख्रै आरो गोबां बिबांनि राव सोलायनायनि थाखाय गोदान गोदान खाबु होदों , अब्लाबो बे आयदायाव बिरोंदामिन जौगानाय आरो सुबुं सम्पदनि बाथ्रा फैयो। NTM आ गाहायाव होनाय आयदाफोराव नांगौबादि राहा लानानै बिरोंदामिन जौगायनाय एबा बाहायथियाव आरो मेसिन राव सोलायनाय बिरोंदामिन जौगानायाव मदद होनो हायो। |
|
|
»
|
गोख्रों आरो मावफुङारि राव सोलायनाय आयदायाव थाबै बाहायनो गोनां इसिंदाथाय , जरखायै ट्रेजारि , नैरावारि सोदोबबिहुं,, राव सोलायनाय मेमरिनि थाखाय सप्तवेर बायदि बायदि डिजिटेल आगजु सोरजिनायखौ थि खालामनाय।
|
|
|
»
|
इ- सोदोब बिहुं , वर्डनेट , राव बिजिरनाय आरो लानायनि आगजु रोखोमसे फोरमायग्रा , गले गले बाहायजाग्रा (फ्रेकुइचि एनालाइजार ) बिजिरग्रा बायदि बायदि गोनां मुवाफोरा जादों मेसिन राव सोलायनायनि थाखाय गोनांथार थादेरसा। बेफोरखौ सोरजिनाय आरो मोजाङै बाहायनाया मोनसेल, फसंथाननि थाखाय हाथावना नङा, अदेबानि गोबाव सम गोबां फसंथानारि मददनि गेजेरजोंसो जाफुं होनो हायो। साननाय हनाय सोलाय सोल खालामबाय थाना आरो जथुमा एबा आनलाइन सावरायनायनि गेजेरजों NTM आ जथाय हाबानि थाखाय बिथा सोरजिनो हायो।
|
|
|
»
|
हागौमानि फुंखा बिजाब / आरो लिरथाय राव सोलायनायफोरखौ रोखा रोखा डिजिटेल महराव मोनहोनाया मोजां आरो बेफोरनि गोनां बिजाब मोनथायनि आयदाफोरखौ NTM आ नोजोर होगोन। NTM आ बे डिजिटेल सम्गदफोरनि XML टेग आरो DTD फोरनि गेजेरजों जौगा माननि खालामना दिथा होनायखौ थि खालामगोन।
|
|
|
»
|
आथिखालाव हादरगेजेरारि थाखोवाव सोदोबनि रावखान्थियारि ओंथि बिजिरनाय (एनटेचन) आरो साजायनायजों (एलाइनमेइन ) मोनसे जौगा थाखो माननि समान समान सोदोब थुबरायनाय (पेरेलेल कर्परा ) सोरजिनायनि गोसोन्थिखौ नोजोर होथावना। बे रोखोमनि सोदोबथुबब्रानायाव मेसिन सोलोंनाय आदब बाहायनानै मेसिन राव सोलायनाय बिखान्थि मोननो हायो। बे मैखोम बिबांनि फुंखा आरो नाजानायाव थोजासे गुदि रां खाथायनायनि गोनांथि दं, जायखौ गावारि खोन्दोनि फसंथानफोरा मावफुंनो हायाखै। जायखि जाया, NTM आ बे बादि नाजानायखौ बरायगोन आरो मदद-अनसुंथाय होगोन।
|
|
|
»
|
गं 15 हादरखौ लानानै 1996 माइथायाव माहारि गेजेरारि आफादनि (UNO) दैदेननायाव जागायजेननाय मुलुगनां नेटवर्ककिं राव (UNL) जों समान थाखोवाव थानानै मोनसे इनटार लिंगुवानि (Inter Lingua) सायाव जथाय हाबानि आदब लामा जौगाखांहोनाय IIT मुम्बाइया इंराजी आरो भारतारि रावनि MT नि थाखाय गुबुन गुबुन आगाजु , आदब आरो फुंखा खालामनानै दिहुनखांबाय , जायखौ सरासनस्रायै बाहायनो हायो।
|
|
|