उफरा – III:

हादरारि राव सोलायथाय मिसननि दाथाय
गावनि इसिंदाथायनि फारसेनिफ्राय हादरारि राव सोलायथाय मिसन NTM आफादा फिसा महरनि आरो सोलाय सोल खालामनो हानाय जागोन नाथाय गावनि थिखानाय आयदायाव हाबा मावफुंनो थोजासे बाजेद थागोन। बेयाव सासे गाहाय बिथोनगिरि , बिखौ मदद होनो 15 निक्राय 20 सोलोंथायरि आबुं मावफुं हानजा आरो समान बिबांनि मददगिरि मावफुं हानजा आरो (एकाउण्ड/ अडिद , बिजाब बाख्रि / खारिथि , वेब डिजाइननि आरो सेबखांगिरि रोंगौसा लेङाय सुजुगिरि , आफादारि मददगिरि , आरोंदायारि / संरैखा खालामगिरि सुबुं बायदि बायदिखौ लाफानानै) हाबा-हुखाफोरखौ दैदेननो NTM आव मोनसे बोसोनगिरि आफाद थागोन। सोद्रोमाफोरखौ सम फारियै सोलाय- सोल खालामनो हानाय खान्थिजों (बिदिन्थि महरै बोसोरफ्रोमबो सानै सोद्रोमा सोलायगोन , जायनि जोरथाया बोसोरनै एबा बोसोर थाम समनि। राव सोलायगिरि , सोलोंथायगिरि , फोसावगिरि बायदिनिफ्राय सा 10 थान्दै लाना थांखि लाग्रा आफाद महर होनाय जागोन।

राव सोलायनाय आयदायाव खारिथि, बाहायथि फोरोंथाय आरो सोरजिलु हाबाया NTM नि गुबै आयदा जागोन। बे हारसिङै मिरुवारि महराव हाबा मावनाय नङा नाथाय गुबुन गुबुन थाखोवाव हादरसा आरो ओनसोलारि आरो गुबुन गुबुन एजेन्चिफोरनि सोमोन्दो फोनांजाबनाय आरो बाहागो लानायनि गोनांथि जागोन।

बे गले गले राव सोलाय फिननायखौ होबथानो , गोख्रों जथाय गोहो सोरजिनो आरो खौसेथि नाथाय सोलाय सोल खालामनो हानाय राव सोलायनाय हाबा-हुखा जौगाहोनो गुबुन गुबुन गौथुम/ आफादफोरजों सोमोन्दो लाखिगोन आरो मददाव हाबा मावगोन। बेफोर सोरखारि फसंथानफोरा जागोन फारियै नेसनेल बुक ट्राष्ट, यू.जी.सी., साहित्य अकाडेमी , राव सोलायनाय केन्द्रफोर , भारतारि राव मिरु फसंथान राव सोलायनाय फोरोंनाय आरो बिजिरसं आयदा थानाय मुलुगसोलोंसालिनि बिफानफोर , बिजाब बाख्रि नेटवर्कफोर बायदि बायदि। बिसोरनि गेजेराव फोसावगिरि , रादाब फानगिरिफोरबो थागोन। बेफोरनि अनगायैबो ,NTM आ फोरोंगिरि , फरायसा , दिथागिरि , साग्रां फरायगिरि आरो गुबुन नोगोरारिफोरनि गोनांथिखौ सावरायना गोनांथिखौ सुफुंनो नाजागोन ।सोरखारि फसंथानफोरनि गेजेराव आदबारि थागिदा आरो गोख्रों जथाय गोहो सोरजिनाय बेनि गुदि आयदा।

भारत संबिजिरनि दाइनथि फारियाव थिसनजानाय 22 गाहाय रावाव हाबा मावनो जागायनाया जुक्तियारि जाहोननिफ्राय NTMनि थाखाय मोजां जागोन नाथाय गुबुन ओनसोलारि रावफोरनि दिहुनथाय लाखिनाय , गोसार होनाय आरो गोनांथिखौ बावनो मोननाय नङा।

थांखिजानाय 250 कौटि रांजों थिखानाय समनि गेजेराव एबा जिसेथि बिथांखिनि गेजेराव हादरारि राव सोलायथाय मिसना NTM गावनि बेफोर हाबा हुखाखौ मावफुंनांगोन होनना जर होनाय जादों। (80 कौटि रां आफादारि खरसा , सुबु सम्पद आरो राङारि अनसुंथाय , आरो 170 कौटिसो राङा गुबुन गुबुन फसंथान/ हानजाफोरजों जथायै हाबा मावनाय अनसुंथाय होनायखौ लाफानानै गुबुन हाबाःहुखाफोरनि थाखाय) जिसेथि बिथांखिनि रोंमोनथायनि सायाव नोजोर होनानै उननि समफोराव बे मददखौ बांहोलांनाय जागोन। गोनांथार इसिंदाथाय जौगाहोनो /सोरजिनो बावैसोनो माखासे हरगासे उफरा मददनि गोनांथि जानो हागौ।

NTM सोरजिनाय आरो जौगौहोनायनि हाबाखौ सुबुं सम्पद जौगौखां बिफाननि सिङाव (जरखायै राव बिफान , जायनि सिङाव NBT आ दं) CIIL, मुलुगसोलोंसालि IIT,NBT खौ लाफानानै गोबां राव फसंथाना फोरा बेनि सिङाव दं,ना हारिमु बिफाननि सिङाव दोननो (जायनि सिङाव साहित्य अकाडेमीया हाबा मावो) बेखौ थांखि लानांगोन।

सोरखारनो गथायनायनि सिगां बे बिथांखिखौ फुवारनो आरो जौगाहोनो गोनां दंना गैया बेखौ सानना नायनांगोन। बेफोरनि अनगायैबो सोमोन्दो गोनां बिफानजों (सुबुं सम्पद जौगाखां बिफान , हारिमु , खारिथि बिरोंदामिन ) सावरायना आखा-फाखा सानसुमै महरै हाबा मावफुंनो हाग्रा सा 10 सोद्रोमानि मोनसे आफाद दानो हायो।

1. प्र. बिपान चन्द्र , मासिगिरि , नेसनेल बुक ट्राष्ट।
2. प्र. के. सचिदानन्द ( नेहाथारि , साहित्य अकाडेमी एबा डा. नीरमल कान्ति भट्टाचार्य ( सुजुगिरि , इण्डियान लिटारेचार आरो सोद्रोमा , साहित्य अकडेमी)
3. प्र. प्रमोद तलगेरी ( आगु भिचि CIIFL आरो JNU आव दं एबा प्र. आलोक भल्ला CIEFL हायद्राबाद।
4. प्र. इन्द्र नाथ चौधरी ( आगु प्रफेसर हिन्दी बिफान दिल्ली मुलुगसोलोंसालि , बिथोनगिरि नेहरु चेन्टर , आरो नेहाथारि आरो नेहाथारि साहित्य अकाडेमी)
5. प्र. यू.आर. अनन्तमूर्ति आगु आफादगिरि , साहित्य अकाडेमी आरो भिचि महात्मा गांधी मुलुगसोलोंसालि एबा गिरिस कर्नाड (आगु बिथोनगिरि , नेहरु चेन्टर)
6. प्र. अमिय देव एबा प्र नवनीत देव सेन (सानैबो आगु प्रफेसर रुजुथाय थुनलाइ , यादबपुर मुलुगसोलोंसालि )
7. प्र. एस बी. वर्मा ( आगु प्रफेसर, जापाननिस , JNU आरो गागि राव सोलायगिरि )
8. प्र. हरीश त्रिवेदी , इंराजी बिफान, दिल्ली मुलुगसोलोंसालि।
9. प्र. पुष्पक भट्टाचार्य (IIT मुम्बाइ)
10. र. उदय नारायन सिंह (आगु बिथोनगिरि ,CIIL माइसुर- लेंथुमगिरि।