ग्रंथसूची डेटाबेस

आदेश

भारत च अनुवाद सरबंधत सारी सरगर्मियें दा केंदर बनना।
इस डेटाबेस दे निर्माण च म्हत्तवपूर्ण सुझाऽ ते डेटा देने आस्तै प्रो. जी.एन.देवी, भाशा संशोधन केंदर बडोदरा हुंदा चेचा धन्नवाद ऐ।

ग्रंथसूची दी केह् लोड़ ऐ?

ग्रंथसूची कताबें दा बवस्थत अध्ययन ते ब्यौरा ऐ। एह् शीर्शकें दी इक ऐसी सूची ऐ जेह्ड़ी इक समान कारकें गी सांझा करदी ऐ जेह्‍‌ड़ी बिशे, भाशा जां काल बगैरा होई सकदा ऐ। एह् सूची बनावट च ब्यौरेदार जां चोनमीं होई सकदी ऐ।

ग्रंथसूची दा उद्देश समग्गरी बारै दित्ते गेदे बिशे पर जानकारी कठेरना ऐ तां जे उस बिशे बारै जानकारी दा चाहवान उसी असानी कन्नै हासल करी सकै। एह् जानकारी कताब कन्नै जां उ’नें क्रियाकलापें दे उत्पाद कन्नै सरबंधत होंदी ऐ। इस चाल्ली ग्रंथसूची इक ऐसी म्हत्तवपूर्ण जानकारी ऐ जेह्‍ड़ी असेंगी उस कताब दे इतहास बारै जानकारी दिंदी ऐ।

अनूदित ग्रंथसूची डेटाबेस दे बकास दी मती जानकारी आस्तै इत्थै क्लिक करो।
  स्रोत:
  » अनुकृति (सी.आई.आई.एल.-साहित्य अकादमी ते एन.बी.टी.)
  » भाशा संशोधन केंदर, बडोदरा
  » ब्रिटिश लाइब्रेरी ओरियंटल ते इंडिया आफिस कलेक्शनस
  » बक्ख-बक्ख प्रकाशकें दियां पुस्तक-सूचियां
  » संट्रेल रिफ्रेंस लाईब्रेरी, कोलकत्ता
  » भारती साहित्य दी राश्ट्री ग्रंथसूची(एन.बी.आई.एल)
  » दक्खनी एशियाई यूनियन ग्रंथसूची,(यूनिवर्सटी आफ शिकागो लाइब्रेरी दक्खनी एशिया विभाग)
  » यूनेस्को
  » यूनिवर्सटी आफ इलिनोइस, अर्बना चैंपेन एन.टी.एम. इसलै होर बी बक्ख-बक्ख स्रोतें थमां जानकारी हासल करै करदा ऐ जां जे उनें’गी डिजीटाइज करियै तौले गै डेटाबेस च शामल कीता जा।

ग्रंथसूची दे प्रारुप

जित्थूं तगर ग्रंथसूची दे प्रारुप दा सोआल ऐ, बक्ख-बक्ख स्रोतें आस्तै ग्रंथसूची च बक्ख-बक्ख किस्म दे प्रारूप न।

इस प्रारूप आस्तै बरते जाने आह्‍ले दिशा-निर्देशंे चा आम मते बरते जाने आह्‌ले MLA(माडर्न लेंग्वेजिज ऐसोशिऐशन) ते APA(अमेरिकन साइक्लोजक्ल ऐसोशीऐशन) दो प्रारूप न। शोध स्रोतें दा हवाला जां कुसै बिशें पर ग्रंथसूची बनाने आस्तै माडर्न लेंग्वेजिज ऐसोशीऐशन प्रारूप दी बरतून मती कीती जा करदी ऐ। राश्ट्री अनुवाद मिशन बी एह्‍दे च इक खास पंछान संख्या प्रणाली शामल करियै इस्सै प्रारूप दी बरतून करै करदा ऐ।

एन.टी.एम. आसेआ बनाई गेदी ग्रंथसूची दे खास लक्षण

एन.टी.एम. आसेआ बनाई गेदी एह् ग्रंथसूची साहित्यक ते गैर-साहित्यक दोनें विधाएं दे अनूदित शीर्शकें पर केंदरत ऐ। एह्दे अलावा एह् सभ’नें भारती भाशाएं, भाऐं ओह् भारती संविधान दी अठमीं अनुसूची च शामल हैन जां नेईं, च प्रकाशत अनूदित शीर्शकें बारै बी तपाश करदा ऐ।

भारती भाशाएं दे अलावा होरनें भाशाएं थमां जां एह्दे उल्ट अनूदित शीर्शकें बारै जानकारी गी शामल करने दी प्रक्रिया बी कारज सूची दा इक हिस्सा ऐ।

इस डेटाबेस राहें एन.टी.एम. ने भारती भाशाएं च अनूदित कताबें आस्तै जिस खास पंछान संख्या दी तजबीज कीती ऐ उसी ISTN(भारती मानक अनुवाद संख्या) कन्नै जानेआ जाह्‍‍‌ग। ISTN बनाने दा कारण ऐसे अनूदित शीर्शकें बारै जानकारी रक्खना ऐ जेह्‍ड़े केईं भारती भाशाएं च प्रकाशत होंदे न। एह् सारी जानकारी जरूर उ’नें शोधकर्ताएं/स्कालरें/जानकारी दे चाहवान आस्तै मददगार होग जेह्‍ड़े एह् जानना चांह्दे न जे इस भाशा च, इक खास बिशे ते इक खास ब’रे च किन्नियां कताबां प्रकाशत होई चुकी दियां न।


इस डेटाबेस दी पौंह्च गी व्यापक बनाने आस्तै एन.टी.एम. ने निरणा कीता ऐ जे इसी वेब- अधारत रक्खेआ जा। इस चाल्ली नमीं जानकारी थ्होने पर डेटाबेस च सुधार करने दा मौका बी थ्होई जाह्ग।

जेकर तुं’दे कोल कुसै ऐसे अनुवाद बारै जे कोई जानकारी ऐ जेह्‍ड़ी पैह्‍लें थमां इस डेटाबेस च नेईं ऐ, उसी दर्ज करने ते एन.टी.एम. दी मदद करने आस्तै तुं’दा सोआगत ऐ। तुस अपना इक खाता बनाई सकदे ओ ते अपनी अनुवाद बारै जानकारी दा रिकार्ड बनाई सकदे ओ। तुस अपनी जानकारी ntmciil@gmail.com गी बी भेजी सकदे ओ जिसी एन.टी.एम. आसेआ डेटाबेस च शामल करियै दरूस्त कीता जाह्ग। जेकर तुस इक प्रकाशक ओ तां अपने ताजातरीन अनुवाद दी जानकारी गी सिद्धे डेटाबेस च दाखल करने दी स्हूलत बी बरती सकदे ओ। तुस अपनी जानकारी ntmciil@gmail.com गी बी भेजी सकदे ओ जिसी एन.टी.एम. आसेआ डेटाबेस च शामल करियै दरूस्त कीता जाह्‌ग।

ग्रंथसूची दी तपाश

भारती भाशा च अनूदित शीर्शकें दी जानकारी आस्तै इत्थै क्लिक करो