|
|
अनुवादकें दी सखलाई ते प्रमाणीकरण
देसै च अनुवाद गी इक उद्योग दे रूपै च स्थापत करने आस्तै एन.टी.एम. दी नीतियें च इक
ऐ-अनुवादकें दा प्रमाणीकरण जि’यां के एह्दा जिकर परियोजना रिपोर्ट च बी कीता गेदा ऐ।
राश्ट्री अनुवाद मिशन दा मन्नना ऐ जे एह्दे कन्नै अनुवादकें दी पौंह्च होर मते व्यापक
खेत्तरें तगर होई जाह्ग।
एन.टी.एम. अनुवादकें दे राश्ट्री पंजीकरण डेटाबेस दी सांभ-सम्हाल करै करदा ऐ जेह्दे
च 5000 थमां मते अनुवादकें दे नांऽ दर्ज न। एन.टी.एम. ने देसै दे केईं बक्ख-बक्ख हिस्सें
च ओरीएन्टेशन कार्यक्रमें दा आयोजन कीता ऐ ते बक्ख-बक्ख बिशे ते भाशा विशेशज्ञें थमा
फीडबैक हासल कीता ऐ
इस बेल्लै एन.टी.एम. अनुवादकें गी प्रशिक्षण ते प्रमाणीकरण देऐ करदे इग्नू दे अनुवाद
अध्ययन ते प्रशिक्षण विभाग, भारती गुणवत्ता परिशद (क्यू.सी.आई.) बगैरा संस्थाएं कन्नै
सलाह्-मशबरा करै करदा ऐ। एन.टी.एम. ने प्रमाणीकरण कार्यक्रमें आस्तै बक्ख-बक्ख संस्थाएं
ते अजैंसियें दे नमायंदे कन्नै सलाह्-मशबरा करने आस्तै किश बचार उतेजक सत्रें दा आयोजन
कीता ऐ। प्रमाणीकरण दे ढंग ते तरीकें दी जानकारी वेबसाइट पर तौले गै जाह्र कीती जाह्ग।
राश्ट्री अनुवाद मिशन अनुवादक इक शिक्षण कार्यक्रम दी शुरुआत करने पर बी बचार करै करदा
ऐ। अस भारत ते बदेशें च मंजूर अनुवाद शिक्षण कार्यक्रमें दे पाठ व्यौरें ते पाठक्रमें
गी कठेरै करनेआं। राश्ट्री अनुवाद मिशन बक्ख-बक्ख संस्थाएं ते विशेशज्ञें दी मदद कन्नै
इस सखलाई कार्यक्रम दी रुपरेखा तेआर करै करदा ऐ। औने आह्ले समें च इक देशव्यापी सखलाई
कार्यक्रमै दी शुरुआत कीती जाह्ग।
|
|
|