|
|
भारती यूनिवर्सिटियें दा डेटाबेस
भारती यूनिवर्सिटियें दा डेटाबेस राश्ट्री अनुवाद मिशन दी पैह्ल ऐ ते एह्दा उद्देश
भारत दियें सभनें यूनिवर्सिटियें ते होर अकादमिक संस्थानें दी सबूरी जानकारी उपलब्ध
करोआना ऐ। एह् डेटाबेस यूनिवर्सिटियें च पढ़ाए जाने आह्ले मुक्ख बिशें, पाठक्रम ते
सलेबस दी तफसीली जानकारी उपलब्ध करोआंदा ऐ। इत्थै पंजीकृत संस्थानें दे वेब-पतें दी
जानकारी बी हासल लैती जाई सकदी ऐ। इस बेल्लै डेटाबेस च विश्वविद्यालय अनुदान आयोग)यू.जी.सी.)
आसेआ मानता हासल 155 भारती यूनिवर्सिटियें दी जानकारी उपलब्ध ऐ।. इ’नें संस्थानें च
पढ़ाए जाने आह्ले बक्ख-बक्ख बिशें दियें पाठ-पुस्तकें ते सलेबस दी जानकारी डेटाबेस
च उपलब्ध ऐ। इस पूरे संग्रैह् च इ’नें यूनिवर्सिटियें दे सलेबस च नर्धारत पुस्तकें
दे शीर्शकें दी डिजीटल सूची उपलब्ध ऐ जेह्दे च लेखकें, प्रकाशकें बगैरा दे नांऽ बी
शामल न।
माड्यूल च खोज विकल्प दी मदद कन्नै विद्यार्थी ते शिक्षाविद् देसै दी कुसै बी संस्था
च पढ़ाये जाने आह्ले मुक्ख बिशें ते पाठक्रम दी नमीं ते सजरी जानकारी हासल करी सकदे
न। यूनिवर्सिटी बोर्ड बाकी यूनिवर्सिटियें दे पाठक्रम ते ओह्दी बनावट दी तफसीली जानकारी
हासल करी सकदा ऐ जेह्ड़ी ग्रांई ते शैह्री यूनिवर्सिटियें च बरोबरी स्थापत करने
च मददगार सिद्ध होग। भविक्ख च राश्ट्री अनुवाद मिशन इ’नें डेटाबेसें दी पौंह्च इच्छुक
लोकें तगर बनाने आस्तै इंदियां सीडिज़ ते होर पोर्टवेल मीडिया, जिस च प्रिंट संस्करण
बी शामल ऐ बनाइयै इं’दा विमोचन करी सकदा ऐ।
|
|
|