कु’न कु’न शामल ऐ? कारजकारी समीतियां

भारती भाशा संस्थान (सी.आई.आई.एल.)
इस बेल्लै भारती भाशा संस्थान (सी.आई.आई.एल.) राश्ट्री अनुवाद मिशन दी नोडल अजैंसी ते इसी लोड़चदियां स्हूलतां दिंदा ऐ। मिशन दा संचालन सी.आई.आई.एल. मैसूर थमां होंदा ऐ। सी.आई.आई.एल. दे निदेशक राश्ट्री अनुवाद मिशन दे नोडल अधिकारी न। मेद ऐ जे राश्ट्री अनुवाद मिशन खीर च समर्थ प्राधिकारी दी जरूरी मंजूरी हासल करियै इक बक्ख खुदमुखतेआर संस्था बनी जाह्‍‍ग। राश्ट्री अनुवाद मिशन साहित्य अकादमी, नेशनल बुक ट्रस्ट, तकनीकी शब्दावली आयोग ते सी-डैक जनेह् राश्ट्री संस्थानें कन्नै रलिए कम्म करदा ऐ।

परियोजना सलाहकार कमेटी (पैक) राश्ट्री अनुवाद मिशन दे म्हत्तवपूर्ण फैसले लैने आह्‍‍ली कमेटी ऐ। इस कमेटी च 25 सदस्य न जिं’दे च अनुवाद अध्यापन ते अनुवाद कम्मै च रुज्झे दे विद्वान, विशेशज्ञ, लेखक, साहित्यकार, साहित्यिक अकादमियें दे अध्यक्ष, यूनिवर्सिटियें दे कुलपति, कताबां बेचने आह्‍‍ले ते प्रकाशक संघ दे सदस्य, भारत सरकार दे सूचना ते प्रौद्योगिकी विभाग दे नमायंदे, औद्योगिक प्रतिश्ठान ते आई. आई. टी. दे प्रोफेसर शामल न।

परियोजना सलाहकार कमेटी दे अलावा ख’ल्ल दित्ती गेदियां चार उप-कमेटियां बी हैन जेह्‍‍ड़ियां मिशन गी ओह्‍‍दे कम्मै च मदद करदियां न:
i. परियोजना सलाहकार कमेटी दे अलावा ख’ल्ल दित्ती गेदियां चार उप-कमेटियां बी हैन जेह्‍‍ड़ियां मिशन गी ओह्‍‍दे कम्मै च मदद करदियां न:
ii. प्रकाशन अधिकार ते कनूनी मामलें आस्तै बनाई गेदी उप-कमेटी
iii. ज्ञान-अधारत पाठ पुस्तकें आस्तै बनाई गेदी उप-कमेटी
iv. अनुदान आस्तै बनाई गेदी उप-कमेटी
 
परियोजना सलाहकार कमेटी (NTM-PAC)
नोडल अधिकारी: डायरैक्टर, सी. आई. आई. एल.
प्रौजैक्ट डायरैक्टर
एन.टी.एम. आस्तै मंजूर असामियां: 65
स्हायक स्टाफ