प्रकाशन

अनुवाद प्रक्रिया गी होर व्यवस्थत बनाने आस्तै राश्ट्री अनुवाद मिशन किश मापदंडें दा पालन करदा ऐ। ओह् न: अनुवाद आस्तै ज्ञान अधारत पाठ पुस्तकें दी चुनांऽ, चोनमियें कताबें आस्तै बौद्धिक संपदा अधिकार (Intellectual Property Rights) हासल करना, भारत दे खेत्तरी भाशी प्रकाशकें कन्नै राबता करना ते भारती भाशाएं च होऐ करदे अनुवाद दा संपादकी स्हायता दल दे मार्गदर्शन च नजरसानी करोआना। अनुवाद दा मूल्यांकन द’ऊं स्तरें पर होंदा ऐ। अनुवादक गी पैह्‍‍ले मूल्यांकन आस्तै राश्ट्री अनुवाद मिशन गी अनूदित दस सफे जमा करोआने पौंदे न जेह्‍दे पर नजरसानी करोआने परैंत सबूरी कताबै दे अनुवाद आस्तै मंजूरी दित्ती जंदी ऐ। खीरला मूल्यांकन अनूदित पाठ दी पूरी पांडुलिपि जमा करोआने परैंत होंदा ऐ। इस चाल्लीं दी क्रमबद्ध मूल्यांकन पद्धति अनुवाद दी गुणवत्ता गी बनाए रक्खने च मददगार होंदी ऐ।