|
|
कामीहोरा
|
दिसाम तोरजोमा मिशन तोरजोमा रे सिखावना गालमाराक् सुबिता लागित् कार्यशाला. सेमिनार
आर ओरिएंटेशन कामीहोरा, भारोत रेयाक् पारसी को रे मेनाक् तोरजोमावाक् गेयान फेडात पुथी
रेयाक् तुलाजोखा, नावाँ तोरजोक्मा को लागित् तोरजोमा इतुन आर बापाडाय पासनाव रेयाक्
ए ओरामेत् काना। खोण्डरोनिया, तोरजोक्मा, गाखुड़को आर उछान को एनटीएम आक् कामीहोरा
रे चारचा आर जोतो को सालाक् गापालमाराव लागित् ए नेवता कोवा।
|
|
|
|
|
|
एनटीएम सासापड़ाव गोड़ो ग्रुप संगठन लागित् 22 पारसी रे मिमित् बिधा रेयाक् आसोल साबादमुराई
रेयाक् सासापड़ाव लागित कार्यशाला ओरामेत् काना। तोरजोमा को मित पुथी लेकाते बेनाव
लेन खान मिमित् पारसी रेन सासापड़ाव गोड़ो ग्रुप रे सेलेत् गाखुड़ आर सासापड़ाव गोड़ो
ग्रुप होतेते लाहाकात गुखुड़ पाण्डुलिपि रेयाक् ए तुला जोखाया आर तोरजोक्मायिच् दिसहुदिस
लागित् कार्यशाला रे सेलेत् दाड़ेयाक्आ
|
|
|
|
|
|
दिसाम तोरजोमा मिशन तोरजोमावानाक् सेचेत् को एपेम बाड़तीय लागित् सेमिनार ए ओरामेत्
काना। नोवाँ सेमिनार रे सोदोर आकान मोरमोवानाक् ओनोल को तुलाजोखा आर तुमालजारवा आकात्
आ। ओकते हेच् लेन खान ओनाको एनटीएम रेयाक् ताला सेरमा किया पाथाम ट्रान्सलेशन टुडे
रे सोदोरा। नोवाँ सेमीनार एनटीएम आक् तोरजोमावानाक् सेनेचेत् चारचा को मोरमोय एमाक्
काना, जाहाँते तोरजोमा पानाड़हाव आर ओना साँव जोनोड़ाव बिसोय रे रोच दोहोय होड़ (बाड़ती
कातेच् पाठवा आर खोण्डरोनिया) को गोड़ोय एम दाड़ेयाको।
|
|
|
|
|
दिसाम तोरजोमा मिशन सेलेदोक् को तोरजोमा, तोरजोमा काडेर आर गेयान फेडात पुथी रेयाक्
तोरजोमा रे सेलेत् एटाक् एटाक् काथा को बाबोत रे इतुन आरो को लागित्, सेलेदोक् को तोरजोमा
रेयाक् एटाक् एटाक् सापाप् साँव ओपरोम को लागित् आर ओनकोवाक् मित् तोरजोक्मा को लेकातेय
बेनाव लागित् एटाक् पारसी रे ओरिएंटेशन कामीहोरा रेयाक् ओरामेत् काना। एटाक् एटाक्
कॉलेज आर बिरदागाड़ रेन पाठवा आर खोण्डरोनिया सेलेदोक् होड़ काना को। ओनको एटाक् एटाक्
पारसी आर एटाक् एटाक् बिधा खोन हेच् को को ताहेना। नोवाँ कामी होरा रे कॉलेज आर बिरदागाड़
रेन माचेत, फुरगाल तोरजोक्मा आर एटाक् बानिजान होड़ ओनको हों को सेलेत् दाड़ेयाक्आ।
सेलेदोक् होड़ कोवाक् बाछाव तोरजोक्मा कोवाक् दिसाम खाता हो हुय दाड़ेयाक्आ।
नोवाँ कामीहोरा रे तोरजोमा पानाड़हाव आर ओना साँव जोनोड़ाव बिधा आर से ओनकान भारोत
रेयाक् पारसी रेन ओनोलिया, जाहाँय जाव गे भारोत रेयाक् पारसी ते गेयान फेडात् पुथीय
उछानेत् काना, नेवता सिसोर्स पर्सन ए हुय दाड़ेयाक्आ। गाखुड़िया, जाहाँय गेयान फेडात
पुथी रेयाक् तोरजोमा एत् कानाय आर उनी भारोत रेयाक् एटाक् एटाक् पारसी को रे तकनीकी
साबादमाने उतनाव पाहटा रे सेलेत् मेनाया, उनी हों एनटीएम रेन रिसोर्स पर्सन लेकातेय
बाछाव दाड़ेयाक्आ।
|
|
|
|
|
|
एनटीएम आयाक् कामीको सेच् जागवार आगूय लागित् दिसाम जाक बुक फेयर रे सेलेदोक् काना।
जाहाँ लेका तोरजोमावाक् पुथी सोदोर रे हिजुक्, एनटीएम पोरचारानाक् कामीहोरा ओरामेत्
काना, जाहाँ रे ओनोलिया सेमलेत, तोरजोक्मा सेमलेत एमान ओना को हों सेलेत् दाड़ेयाक्आ।
|
|
|
|
|