বিব্লিওগ্রাফিগী পুৱারী

হন্দোকপগী ওইবা দেতাবেজগী বিব্লিওগ্রাফি অমা দরকার ওইবসি মতম শাংনদগী ফাওরকই। অনুক্রিতি.নেত হায়বা হন্দোকপগী থবক অমসুং পাউ লৌফমগী ওইবা দেতাবেজ অসি ভারতকী মাঙজিল থাবা মহৈতম্ফমশঙ অহুম হায়বদি সেন্ট্রেল ইন্সটিট্যুত ওফ ইন্দিয়ন লেংগোইজেস‚ সাহিত্য একাদমি অমসুং নেশনেল বুক ট্রস্তনা ইং ২০০২ শেমগতখিবনি। লাইরিক মমীং ২০০০০ লোমগী পাউ খোমজিন্দুনা থিবা য়াবা দেতাবেজ অমা অনুক্রিতিগী মখাদা শেমগতখি। অদুম ওইনমক‚ দেতাদুবু অচুম চুমদা য়েংথোকপা অমসুং মখা তানা চুমথোকপা অমা চঙই।

ইং ২০০৮ গী জুন থাদা এনতিএম হৌদোকখি অমসুং অনুক্রিতিবু এনতিএমদা পূনশিনখি। হন্দোকপখক্তগী দেতাবেজ বিব্লিওগ্রাফি শেম্বগী থবকসি এনতিএমদা মখা চত্থখি। ইং ২০১১গী অঙনবা শরূক্তা প্রোজেক্টসি অনৌবা থবকশিংগা লোয়ননা নৌহৌননা পায়খতখি। রোদম্যেপ অমা শেমখি অদুগা তোঙান-তোঙানবা সোর্সশিংদগী দেতাশিং খোমজিনখি। দেতাশিং লেপ্পা লৈতনা লৌশিন্নবগীদমক ভারতকী তোঙান-তোঙানবা তাইবং মহৈকোলশিং‚ লাইরিক ফোঙফম য়ূমশিং‚ লাইরিকশঙশিং‚ হন্দোকপগী এজেন্সিশিং‚ খোরিরোলগী সোসাইতিশিং অমসুং মহৈতম্ফমশঙশিংগা পাউ ফাওদোক্নবা হৌখি। ঐখোয়না চাউরাক্না লাইরিক মমিং ৭০‚০০০ রোমগী পাউ খোমজিল্লে অমসুং মদুবু খন্দোক–খঞ্জিন তৌরগা দিজিতাইজ তৌবা অমা চঙই। মতাংসিদা ২০১১ গী ময়ায় চল্লকপদা চহী কয়া ভারতকী লোনশিংদা লৈবা হন্দোক্লবা লাইরিকশিংগী দেতাশিং খোমজিনবগী থবক তৌরিবা ভাষা শন্সোধন কেন্দ্র‚ ভদোদরা‚ গুজরাতকী প্রোফ. জি.এন. দেবীনা মহাক্কী খোমজিঞ্জবা মমল লৈরবা লাইরিক ২০‚০০০ লোমগী পাউসু এনতিএমদা পীবিরকখি।

ইং ২০১১গী সেপ্টেম্বর থাদা, হন্দোকপগী ওইবা দেতাবেজ বিব্লিওগ্রাফিগী লৈরিবা লাইরিক মমিংশিংবু দিজিতাইজেশন তৌবগা মরী লৈননা তুংগী কোর্সপু খন্ননবা এনতিএমনা মৈশুরদা পাঙথোকখিবা নোংমগী ওইবা ৱর্কশোপ অমদা প্রোফ. দেবী অমসুং এনতিএম টিম উনখি। ৱর্কশোপ অদুদা প্রোফ. দেবীনা হন্দোক্লবা লাইরিক মমীং খূদিংমকপু অখন্নবা আইদি অমমম পীননবা ৱাফম অমা হৌদোকখি অদুগা মদুগী পোরম অমসু থমখি। দেতাবেজদুগী টেক্নিকেলগী ওইবা থবকশিংবু ফগতহন্নবা ইং ২০১১ গী নবেম্বর থাদা ৱদোদরাদা ৱর্কশোপ অমসু পাঙথোকখি। অইবা লাইরিক অমসুং হন্দোক্লবা লাইরিক্তুগী মরমদা হেক অফংবা পাউ খূদিংমক পীননবা পান্দম অমগা লোয়ননা টিমপ্লেত অমসু শেমখি। মদুবু এনতিএমনা মখা তানা রিফাইন তৌনবগী থবক চত্থরি। হৌজিকমক্কী ওইনা ৱেবসাইত অসিনা লোন ২৫ দা লাইরিক মমিং ২০০০০ ফিল্টর তৌখ্রে।