ট্রান্সলেতর্স এজ্যুকেশন প্রোগ্রাম (হন্দোক্লোয়শিংবু তাকপী-তম্বীবগী থৌরম)

এন.তি.এম.গী ট্রান্সলেতর্স এজ্যুকেশন প্রোগ্রামনা মরুওইনা হন্দোক্লোয়শিংবু লৌশিং-জ্ঞানগী লাইরিকশিং হন্দোকপগা মরী লৈননা তাকপী-তম্বীবগী থবক্তা পান্দম থম্মী৷ মসিনা হন্দোকপগী থবকপু শিনফম ওইনা পায়বা পাম্বা মীওইশিংদসু অখঙ-অহৈগী মতেং পীদুনা শৌগতপী৷ মসিনা হন্দোক্লোয়শিংদা ভারতকী ওইবা হন্দোকপগী পুৱারী অমসুং হন্দোকপগী মরমদা, লৌশিং-জ্ঞানগী লাইরিকশিংবু ভারতকী লোনশিংদা হন্দোকপদা থেংনগদবা খুরৌশিংগী মরমদা অমসুং হন্দোকপগী খূতলাইশিং হায়বদি ডিক্সনরিশিং, গ্লোসরিশিং অমসুং থিসোরসনচিংববু মতৌ করম্না শীজিন্নগদগে হায়বগী মরমদা তাকপী-তম্বীবগী থবক তৌই৷ মসিনা হীরম তূনা খঙবা অমসুং মতীক-মঙম লৈবা হন্দোক্লোয়শিংবু পুথোক্ননবা থৌরাংসু তৌই৷ হায়রিবা পান্দম অসি ফংননবা এন.তি.এম.না ৱর্কশোপ, ওরিএন্টেশন প্রোগ্রাম অমসুং সেমিনারগুম্বা থৌরমশিং পাঙথোকই৷ হন্দোক্লোয়শিংবু তাকপী-তম্বীবদা ট্রান্সলেশন টুদে (চহীদা অনীরক ফোঙবা এন.তি.এম.গী জর্নেল), হন্দোক্লোয়শিংগী খূতপায় লাইরিক, এন.তি.এম.গী মেদিয়া টিম্না পুথোকপা এ.ভি. মেটরিএলশিং অমসুং এন.তি.এম.গী কোর্স মেটরিএলশিংনা খূতলায় ওইনগনি৷