ডিক্সনরিশিং

অফবা মখলগী হন্দোক-খূতলায়শিং হায়বদি ডিক্সনরি অমসুং থিসোরসশিং পুথোকপসি এন.তি.এম.না ফংগে হায়না তাল্লিবা মরুওইবা পান্দমশিংগী মনুংদা অমনি৷ ভারতকী লোন ২২দা লোন অনীগী ওইবা ডিক্সনরিশিং অমসুং ই–ডিক্সনরিশিং শেম্লি৷ হায়রিবা অসি চুম্নগী ৱারী–ৱাতায় শানবদা শীজিন্নবা ৱাহৈ–ৱাতাশিং য়াওবা, মতাং মতমগা চূননা মহৌশাদগী শীজিন্নরক্লিবা ৱাহৈপরেং শেগতপগী মওঙশিং য়াওবা, অমসুং মখল–মখা কয়াগী খূদমশিং য়াওবা, তোয়না শীজিন্নবা ৱাহৈশিং অমসুং ৱাতপশিং য়াওবা, অমসুং মখোয়গী শীজিন্নবগী মওঙশিংদা থোইদোক্না তোপ তোপ্না মশক নাইবা অমা ওই৷

এন.তি.এম.না ভারতকী তোঙান তোঙানবা লোনশিংদা ডিক্সনরি শেম্বগী থবক পায়খতলক্লি৷ হৌজিক্কী ওইনা পায়খতলিবা ৱাহৈ শেম্বগা মরী লৈনবা থবক মখল অনী অদুদি:
   ১)    বাইলিঙ্গ্বেল বেসিক ডিক্সনরিশিং (লোন অনীগী ওইবা বেসিক ডিক্সনরিশিং)
    ২)    বাইলিঙ্গ্বেল ই–ডিক্সনরিশিং (লোন অনীগী ওইবা ই–ডিক্সনরিশিং)

বাইলিঙ্গ্বেল বেসিক ডিক্সনরিশিং (লোন অনীগী ওইবা বেসিক ডিক্সনরিশিং)
সেন্ট্রেল ইন্সটিট্যূত ওফ ইন্দিয়ন লেঙ্গ্বেজেজ, মৈশুরনা য়ুনাইটেদ কিংদমদা লৈবা লোংমন পিয়র্সন গ্রূপগা খূতশম্নরগা ইং ২০০৬কী মে–জুন থাদা লোন অনীগী ওইবা (বাইলিঙ্গ্বেল) ডিক্সনরিশিং পুথোকমিন্নবগী অপূনবা থবক অমা পায়খতখি৷ এন.তি.এম. লিংখতখিবা মতমদা হায়রিবা ডিক্সনরিশিং অসিবু হন্দোকপগী থবক্তা খূতলাই ওইনা শীজিন্ননবা তৌখিবনি; প্রোজেক্ট অসি ইং ২০০৮দা এন.তি.এম.গী মনুং চলহনখি৷ হায়রিবা লোন অনীগী ওইবা (বাইলিঙ্গ্বেল) ডিক্সনরিশিং অসি ব্রিটিশ নেশনেল কোর্পস (বি.এন.সি.)দা য়ুম্ফম ওইবা খ্বাইদগী তোয়না শীজিন্নবা ৱাহৈ অমসুং ৱাহৈ চবুল ১৪,০০০ রোম য়াওবা য়াম্না মমিং চতপা বেসিক ইংলিস–ইংলিস ডিক্সনরিগী মওং লৌরগা পুথোকপনি৷

লোংমন–এন.তি.এম.–সি.আই.আই.এল. বেসিক বাইলিঙ্গ্বেল ডিক্সনরিশিং অসি তাঙ্কক তরূক থোক্না পুথোক্নবা তৌরি৷ বাংলা, হিন্দি, কন্নডা, মলয়ালম, ওরিয়া অমসুং টমিল লোনগী ডিক্সনরিশিংদি হান্ননা ফোঙখ্রে (মসিগী লিষ্ট অমা মখাদা পীজরি); পঞ্জাবী, গুজরাতী, মরাথী, টেলুগু অমসুং উর্দু লোনগী ডিক্সনরিশিংসু থুনমক পুথোক্লগনি৷
 
ইং ২০১১–২০১২দা পিয়র্সন এজ্যুকেশন (ইন্দিয়া)না ফোঙখ্রবা ডিক্সনরিশিংগী লিষ্ট:

  ১. লোংমন–সি.আই.আই.এল. ইংলিস ইংলিস হিন্দি ডিক্সনরি
  ২. লোংমন–সি.আই.আই.এল. ইংলিস ইংলিস বেঙ্গলী ডিক্সনরি
  ৩. লোংমন–সি.আই.আই.এল. ইংলিস ইংলিস কন্নডা ডিক্সনরি
  ৪. লোংমন–এন.তি.এম.–সি.আই.আই.এল. ইংলিস ইংলিস ওরিয়া ডিক্সনরি
  ৫. লোংমন–এন.তি.এম.–সি.আই.আই.এল. ইংলিস ইংলিস মলয়ালম ডিক্সনরি
  ৬. লোংমন–এন.তি.এম.–সি.আই.আই.এল. ইংলিস ইংলিস টমিল ডিক্সনরি

এন.তি.এম.না ৱাহৈ শেমগতপগী থবকশিং অসিবু পাকথোক–চাউথোকহন্ননবা হোতনরি অদুগা ভারত সংবিধানগী ৮শুবা সেদ্যূলদা চল্লবা লোন ২২দা ডিক্সনরিশিং পুথোক্নবা হোতনরি৷

বাইলিঙ্গ্বেল ই–ডিক্সনরিশিং (লোন অনীগী ওইবা ই–ডিক্সনরিশিং):

এন.তি.এম.–সি.আই.আই.এল.না দোর্লিং কিন্দর্সলি (ইন্দিয়া) প্রাইবেত লিমিটেদকা মরী লৈনবা হীরমশিংদা ৱা তাথোক–তাশিন তৌবা য়ানবগী অমসুং 'লোংমন এদভান্স বাইলিঙ্গ্বেল ফ্রেমৱর্ক'(এল.এ.বি.এফ.)কী পিয়র্সন এজ্যুকেশন্স এক্স.এম.এল. ডেতাসেত অদুবু শীজিন্নবা য়াবগী লাইসেন্স পায়ননবা য়ানবা অমা পুরক্নবা হোতনরি৷ ময়েক 'এ'দগী 'জেত' ফাওবগী এল.এ.বি.এফ. ডেতাসেত অদু লোংমন য়ু.কে.না এন.তি.এম.গীদমক আই.ডি.এম.গী সর্বরদা হাপকতখ্রে৷ এল.এ.বি.এফ.কী ডেতাসেত অসি লোংমননা পুথোকখিবা অদুগা আই.দি.এম.‚ ফ্রান্সনা কৈথেলদা চতহনখিবা দিক্সনরি প্রদক্সন সিষ্টেম (দি.পি.এস.) অদুগী মতেং লৌরগা শীজিন্নগনি৷ এন.তি.এম.গী বাইলিঙ্গ্বেল ইলেক্ট্রোনিক ডিক্সনরি (লোন অনীগী ওইবা ই–ডিক্সনরি)শিং অসি মখাগী অসিদা য়ুম্ফম ওই:

  » লোংমন ডিক্সনরি ওফ কন্টেমপরেরী ইংলিস
  » লোংমন এডভান্স অমেরিকান ডিক্সনরি
  » লোংমন ডিক্সনরি ওফ ইংলিস এণ্ড কলচর
  » লোংমন ব্যুজিনেস ডিক্সনরি
  » লোংমন ডিক্সনরি ওফ ইংলিস লেঙ্গ্বেজ
  » ইনফোর্মেশন ফ্রোম ডি লোংমন কোর্পস নেটৱর্ক

লৈখায় তাথোক্কদবা তোঙান তোঙানবা মরুওইবা হীরম কয়াদা এন.তি.এম.না পিয়র্সন এজ্যুকেশনগা পাউ ফাওনরগা লৈরি৷