হন্দোকপগী বিব্লিওগ্রাফি

তৌফম থোকপা

ভারতকী ওইবা হন্দোকপগা মরী লৈনবা থবক থৌরম পূম্নমক্কী ক্লিয়রিং হাউজ অমা ওইবা
দেতাবেজসিবু দিজাইন তৌবদা দেতা অমসুং ইনপুত পীবিবগীদমক প্রোফ. জি.এন. দেবি‚ ভাষা সনশোধন কেন্দ্র‚ বদোদরাবু অখন্ননা থাগতপা ফোঙদোকচরি।

করিগীদমক বিব্লিওগ্রাফি?

বিব্লিওগ্রাফি হায়বসি লাইরিকশিংবু সিষ্টমেতিক নাইনা নৈনবা অমসুং শন্দোক্না তাকপবুনি। মসি হীরম অমদা, লোন অমদা নতত্রগা মতম অমনচিংবদা মান্নবা ফেক্টর অমা লৈবা লাইরিকশিংগী লিষ্ট অমনি। হায়রিবা লিষ্ট অসি কমপ্রেহেনসিব নতত্রগা সেলেক্টিব ওইবা য়াই।

বিব্লিওগ্রাফি অসিগী পান্দমদি অকক্নবা হীরম অমদা লৌশিং–জ্ঞান তানশিল্লিবা মীওইশিংদা মদুবু লায়না শীজিন্নবা য়াহন্নবগীদমক হীরম অদুগী লৈরিবা মচাক্তুগী মরমদা পাউ খোমজিনবনি। পাউ অদু লাইরিক অমগা নতত্রগা হায়রিবা থবকশিংদুগী পোত্থোক অমগা মরী লৈনৈ। মরম অদুনা‚ অমরোমদা হায়রগদি বিব্লিওগ্রাফি হায়বসি লাইরিক অদুগী পুৱারী তাকপা করিগুম্বা মচাক অমনি।

হন্দোকপা দেতাবেজগী বিব্লিওগ্রাফি শেম্বগী মরমদা হেন্না খঙনবগীদমক মফমসিদা ক্লিক তৌবীয়ু
  লৌথোরকফমশিং:
  » অনুক্রিতি (সিআইআইএল – সাহিত্য একাদমী অমসুং এনবিতি)
  » ভাষা সনশোধন কেন্দ্র‚ বদোদরা
  » ব্রিটিশ লাইব্রেরীগী ওরিয়েন্টেল অমসুং ইন্দিয়া ওফিস কলেক্সনশিং
  » তোঙান তোঙানবা ফোঙদোক্লোয়শিংগী কেটলোগশিং
  » সেন্ট্রেল রিফরেন্স লাইব্রেরী‚ কোলকতা
  » নেশনেল বিব্লিওগ্রাফি ওফ ইন্দিয়ন লিটরেচর (এনবিআইএল)
  » সাউথ এসিয়ন য়ুনিয়ন কেতলোগ‚ (য়ুনিভর্সিতি ওফ চিকাগো লাইব্রেরীজ সাউদর্ন এসিয়া দিপার্টমেন্ট)
  » য়ুনেসকো
  » য়ুনিভর্সিটি ওফ ইল্লিনোইস‚ অর্বানা–চেম্পেইন হৌজিক হৌজিকমক এনতিএমনা অতৈ সোর্সশিংদগীসু পাউ খোমজিল্লি অমসুং থুনমক দেতাবেজদা হাপ্ননবা দিজিতাইজ তৌরগনি।

বিব্লিওগ্রাফিগী ষ্টাইলশিং

বিব্লিওগ্রাফি অমগী ষ্টাইলশিংগী মরমদা সোর্স খেন্নবগী মতুংইন্না বিব্লিওগ্রাফি অমদা তোঙান তোঙানবা মখলগী ফোর্মেতশিং লৈ।

ফোর্মেত অসিগীদমক ময়াম্না খ্বাইদগী হেন্না শীজিন্নবা লমজীং পথাপ অনীদি এমএলএ (মোদর্ন লেঙ্গ্বেজ এসোসিএশন) অমসুং এপিএ (অমেরিকান সাইকোলোজিকেল এসোসিএশন) ফোর্মেতশিংনি। মোদর্ন লেঙ্গ্বেজ এসোসিএশন্দি থিজিন হূমজিনবা থবক্কী সোর্সশিং তাকপদা নতত্রগা মখল মখাগী হীরমশিংগী বিব্লিওগ্রাফি শেম্বদা পাক শন্না শীজিন্নৈ। নেশনেল ট্রান্সলেশন মিশননসু হায়রিবা ষ্টাইল অসিদা অখন্নবা মশীংগী ওইবা শক্তাক সিষ্টেম অমা হাপতুনা শীজিন্নরি।

এনটিএমনা পুথোকপা বিব্লিওগ্রাফিগী তোপ-তোপ্পা মগুনশিং

এনটিএমনা পুথোকপা বিব্লিওগ্রাফি অসিনা খোরিরোলগী অমসুং খোরিরোলগী নত্তবা হন্দোক্লবা লাইরিকশিংগী মমিংদা মীতয়েং থম্মী। মসিগীসু মথক্তা‚ মসিনা ভারত সংবিধানগী ৮শুবা সেদ্যূলগী মনুংদা চনবা নতত্রগা চন্দবা য়েংদনা ভারতকী লোন পূম্নমক্তা ফংবা হন্দোক্লবা লাইরিকশিংগী মমিংশিংবু থিজিন্নবা হোতনৈ।

ভারতকী লোনশিং নত্তবা অতোপ্পা লোনশিংদগী অমসুং অতোপ্পা লোনশিংদগী ভারতকী লোনশিংদা হন্দোক্লবা লাইরিক মমিংশিংগী অকূপ্পা মরোল হাপচিনবসু পোরমগী শরূক অমনি।

এনতিএমনা‚ বিব্লিওগ্রাফি অসিগী মতেংনা‚ ভারতকী লোনশিংদা ফংবা হন্দোক্লবা লাইরিকশিংদা আইএসটিএন (ইন্দিয়ন ষ্টেন্দর্দ ট্রান্সলেশন নম্বর) হায়না খঙনবা অখন্নবা শক্তাক মশীং অমমম পীননবা ৱাফম হৌদোক্লি। আইএসটিএন শেম্বগী মরমদি ভারতকী তোঙান-তোঙানবা লোনশিংদা ফোঙলবা হন্দোক্লবা লাইরিক মমিংশিংগী খোঙ্গুল লীবা ঙম্ননবনি। মসিনা লোন অমদা‚ অকক্নবা দিসিপ্লিন অমদা‚ অকক্নবা চহীনচিংবদা ফোঙলবা লাইরিকশিংগী মশীংগী মরমদা চাউরাকপা মরোল অমা থিজিন–হূমজিল্লোয়শিং/লাইরিক–লাইশু হৈরবশিং/লৌশিং–জ্ঞান তাল্লিবা মীওইশিংদা পীবদা মতেং ওইগনি।


এনতিএমনা দেতাবেজ অসিবু মীয়ামদা হেন্না শীজিন্নবা ফংহন্নবগীদমক ৱেব–বেজ ওইনা থম্ননবা ৱারেপ লৌই। মসিনা অনৌ-অনৌবা পাউশিং হাপচিন্দুনা দেতাবেজসিবু হেন্না ফগতহন্নবগী খুদোং চাবসু পীগনি।

অদোমগী মফমদা হান্ননা দেতাবেজদা য়াওদবা হন্দোক্লবা লাইরিক অমগী মরমদা অকূপ্পা মরোল লৈরগদি হায়রিবা পাউ অদুবু হাপচিনবীদুনা এনতিএমবু মতেং পাংবীনবা অদোম্বু নোল্লুক্না নীংশিংজরি। অদোম্না য়ুজর একাউন্ট অমা হাংবীরগা অদোম্না খঙবা হন্দোক্লবা লাইরিকশিংদুগী মরমদা রেকোর্দশিং চনশিনবীবা য়াগনি। অদোম্না অকূপ্পা মরোলদু ই–মেইল ওইনা ntmciil@gmail.com দা থাবীরকপসু য়াগনি অদুগা এনতিএমনা মদু দেতাবেজদা অপদেত তৌগনি। অদোম্না ফোঙদোক্লোয় অমা ওইরগদি‚ হন্দোকপদা ঙায়রিবা অদোমগী লাইরিকশিংগী অকূপ্পা মরোলদু অদোম্না হকথেংননা দেতাবেজদা অপদেত তৌননবা য়ুজর ইনপুতকী খুদোং চাবদু লৌবা য়াই। অকূপ্পা মরোলদু অদোম্না ই– মেইল ওইনা ntmciil@gmail.com দা থাবীরকপসু য়াগনি অদুগা এনতিএমনা মদু দেতাবেজদা অপদেত তৌগনি।

বিব্লিওগ্রাফি থিবা

ভারতকী লোনশিংদা ফংবা হন্দোক্লবা লাইরিক মমিং অমা হেক্তগী মরমদা খঙননবগীদমক মফমসিদা থিবিয়ু।