|
|
টর্মিনোলোজী
|
টেক্নিকেল অমসুং বিজ্ঞানগী ওইবা টর্মশিংবু হন্দোকপা অমসুং মদুবু পাকশন্না চতনহন্নবা
হোতনবা (ষ্টেন্দার্দাইজ তৌবা) হায়বসি লৌশিং–জ্ঞান পীবা লাইরিকশিংবু হন্দোক্নবা হোতনবগী
অহানবা লৌখতকদবা খোঙথাংনি৷ হৌজিক ফাওবগী ওইনদি, ভারতকী লোনশিংদা টর্মিনোলোজীশিং শীজিন্নবগী
হীরমদা মান্নবা ইরৈমক লৈত্রি৷ টমিল, বাংলানচিংবা লোন খরগীদি টেক্নিকেল টর্মিনোলোজীগী
সোর্ছ অসি অমদগী হেন্না লৈ অদুগা অমরোমদা লোন খরগীদি গ্লোসরি অমফাওবা লৈতে৷ এন.তি.এম.না
কমিশন ফোর সাইন্টিফিক অমসুং টেক্নিকেল টর্মিনোলোজী (সি.এস.টি.টি)গা খূতশম্নরগা টেক্নিকেল
টর্মশিংবু ভারতকী লোনশিংদা পাকশন্না চতনহন্নবা হোতনবগী (ষ্টেন্দার্দাইজ তৌনবগী) থবক
পায়খতলি৷ লৌশিং–জ্ঞান পীবা লাইরিকশিংবু মগুন লৈনা থুনা হন্দোকপা ঙমহন্নবা নেশনেল ট্রান্সলেশন
মিশননা পায়খতলিবা থবকশিং অসিনা কমিশন ফোর সাইন্টিফিক অমসুং টেক্নিকেল টর্মিনোলোজী (সি.এস.টি.টি.)বু
টেক্নিকেল অমসুং বিজ্ঞানগী ওইবা টর্মশিংবু ভারত সংবিধানগী ৮শুবা সেদ্যূলদা চল্লবা লোন
২২দা শেম্লগা ফংহনবদা হেন্না মতেং ওইগনি৷
|
|
|
|