লৌশিং-জ্ঞান পীবা লাইরিকশিং হন্দোক্নবগীদমক খঙদোকপা

হৌজিক্কী ওইনা এন.তি.এম.না লৌশিং–জ্ঞান পীবা লাইরিকশিংবু হন্দোক্নবগীদমক খঙদোক্নবা অমসুং লিষ্ট অমা শেমদোক্নবা য়ুনিভর্সিটিশিংগী সিল্লেবসশিংদা খ্বাইদগী হেন্না প্রেসক্রাইব তৌরবা লাইরিকশিংগী লিষ্ট অমা ইন্দিয়ন য়ুনিভর্সিতি ডেতাবেজদগী শেমদোক্লে৷ লিষ্ট অসিবু অখঙ-অহৈশিংনা য়াম্না চেকশিন্না য়েংশিল্লি৷ হায়রিবা লাইরিকশিং অসি ভারতকী লোনশিংদা কয়া য়াম্না পাম্নগনি নতত্রগা পাম্নরোই হায়বগী মতাংদা মোত লৌননবগীদমক ওজাশিং, মহৈরোয়শিং অমসুং তোঙান তোঙানবা লোনশিংগী ওইনা মরী লৈনবা ডিসিপ্লিনগী অতৈ অখঙ-অহৈশিংগা পাউ ফাওদোক্নৈ৷ লিষ্ট অসিবু মখা তানা অমুক্কসু য়েংশিল্লি অদুগা মহৈরোয়শিং অমসুং লাইরিক-লাইশু হৈরবা মীওই কয়াবু পাকশন্না কান্নবা ফংহনগদবা অদুগুম্বা লাইরিকশিং অদুখক্তমক খনগতলগা মখোয়গী লিষ্ট অমা শেমদোকই৷ অরোয়বা ওইনা হায়রিবা লাইরিকশিংগী লিষ্ট অদুবু সব–কমিটি ওন নোলেজ টেক্স অমসুং এন.তি.এম.–প্রোজেক্ট এডভাইজরি কমিটিনা হন্দোকপগী অয়াবা পী৷

অহৌবগী ওইনদি অখঙ-অহৈশিংগী মোত মতুংইন্না ডিসিপ্লিন কুনমাথোইদা হন্দোকপা য়ারে হায়রবা লাইরিকশিংগী লিষ্ট অমা এন.তি.এম.না খোমগতলে অদুগা হায়রিবা ডিসিপ্লিনশিং অসিদা হন্দোক্লবা লাইরিক ১০৫ পুথোক্নবা হোতনরি৷