টেক্নোলোজিগী ওইবা ৱাফমশিং

ভারতকী লোনশিং য়াওবা ইলেকত্রোনিক্কী মতেংনা হন্দোক্নবগী খূতলায়শিং অসি হৌজিকসু চাওখতলকপগী অহানবা থাক্তা লৈরি ৷ অসিগুম্বা খূতলায়শিং অসিদা মখাগী মচাকশিং অসি য়াওগনি- ৱার্দ প্রোসেশর, ৱাহৈ-লোনগৈ, মেনেজমেন্টকী খূতলায়শিং, তর্ম-বেঙ্ক, ওন-লাইনগী ৱাহৈ-লোনগৈ, ওনলাইন অমসুং ভিজুএল ৱাহন-লোনগৈ, ৱাহৈ থিনবা, হন্দোকপগী মেমোরি শোফৱ্যের, ই-হন্দোক্লোয় (মেচিননা লোন-হন্দোকপগী শোফৱ্যের), হন্দোকপগী মতাংদা তাক্লিবা শোফৱ্যের, গ্লোশারি, খোমজিন-ৱারোনশিং, বনান য়েংশিন্নবা, গ্রাম্মার য়েংশিন্নবা, গ্রাম্মারগী গ্লোশারি, ওনলাইনগী পাম্বৈশিং, নাত্কী ৱাহৈ পূক্কৈ অমসুং অতোপ্পা য়েংনবা খুদোং চাবা কয়া লৈগনি ৷ মেচিন্না হন্দোকপসি নত্তবা অতোপ্পা মখোয় খুদিংমক্তি হন্দোক্লোয়শিংদা তেংবাংই অদুবু হন্দোকপগী থবক্তা তশেংনমক্তি য়াওদে ৷

এন তি এমনা, মেচিন্না লোন-হন্দোকপা টেক্নোলোজিগী খুমাং চাওশিনবগী মতাংসিদা শিল্লম-শিন্দম অমসুং থবক খরদা মীওইবগী টেক্নিকেল ওইবা পোত্থোকশিংদা মতেং পাংদুনা অমসুং পূন্না থবক তৌমিন্নদুনা ফগত্হন্নবা হোতনগনি ৷ এন তি এমনা সি-দেক অমসুং ভারতকী লোনশিংবু চাওখত্হন্নবা টেক্নোলোজি (TDIL)গুম্বা কাঙবুশিংগা পূন্না চতমিন্নদুনা মখাগী হীরমশিং অসিদা মতেং পাংনবা হোতনগনি-

ক. হেন্না ফজনা অমসুং মপুঙ ফানা হন্দোকপা ঙম্নবগীদমক য়াম্না অথুবা মতমদা শীজিন্নগদৌরিবা মরু ওইবা দেজিটেল তুল, খুদম ওইনা ৱাহন-লোনগৈ, লোন অনীদা শেম্বা লোনগৈশিং, হন্দোক্নবা মেমোরিগী শোফৱ্যের অসিগুম্বা দরকার ওইবা মচাকশিং শেমগত্পদা৷
খ. শিন্দমশঙ কয়া অমগা খূতশম্নদুনা ই-লোনগৈশিং, ৱর্দনেটশিং, লোন নৈননবা অমসুং শেম্নবা খূতলায়শিং, কনকোর্দেন্সর (লাইরিক অমদা য়াওরিবা ৱাহৈশিংগী ময়েক মথঙ-মনাউগী মতুং ইন্না পরিং শেম্লিবা) হনজিনবা ৱাহৈগী মশীং তাক্লিবশিং অসিনচিংবা ৱাহৈগী পোত্থোকশিং শেম্বা অমসুং নীংথিনা থম্বদা তেংবাংবা ৷ এন তি এমনা মতাং অসিদা মীফম কয়া শীন্দুনা, ওন-লাইনদা খন্ন-নৈনবনচিংবা কয়া চত্থদুনা পূন্না থবক তৌমিন্ননবগী অপূনবা মফম অমা পীবা ঙমগনি৷
গ. এন তি এমগী দরকার ওইবা কোপিরাইটকী ৱাফমশিংগা লোয়ননা, হন্দোক্লিবা মচাক অমসুং হন্দোক্লবা মচাক অনীমক্তু ঙম্লিবমখৈ দেজিটেল ওইনা নীংথিনা ফংহনবা ঙম্নবা হোতনগদবনি৷ দিজিটেল ওইনা লৈরবা লন অসি XML তেগ অমসুং DTDs শীজিন্নদুনা এন তি এমনা থাক ৱাংবা মওংদা থম্বগী থাজবদু পীরি৷.
ঘ. মগুন য়াম্না লৈরবা পেরালেল কোর্পোরাশিং এল দি সি - আই এল প্রোজেক্টকী মখাদা এনোটেশন অমসুং এলাইনমেন্ট তৌদুনা পুথোকপা অমসুং থম্বদা তেংবাংবা৷ অসিগুম্বা কোর্পোরা অসি, মেচিন্না হন্দোকপগী থবকশিং মায় পাক্না পাঙথোকপা ঙম্নবগীদমক মেচিনবু মসিগা মরী লৈনবা টেক্নিকশিং খঙহন্নবা হোতনবদা শীজিন্নবা য়াই৷
ঙ. ইং ১৯৯৬ তা য়ুনাইটেদ নেশন্সনা হৌদোকখিবা লৈবাক ১৫না শরুক য়াবা য়ুনিভর্সেল নেটৱার্কিং লেঙ্গোইজ (UNL)গা মরী লৈনবা লোন কয়াদা য়ূম্ফম ওইবা এপ্রোচ অদুবু ফগত্হনবদা মতেং পীবা ৷ আই আই টি বোম্বেনা ইংলিশ অমসুং ভারতকী লোনশিংগী ওইবা ফোঙদোকপা য়ারগদবা এম তিগী পাম্বৈ, টেক্নিক অমসুং পোত্থোক কয়ামরোম অমা হান্ননা পুথোকখ্রে ৷