চেহাপ-৩:

জাতিগী লোন-হন্দোকপা মিশনগী মশাজিন
লৈজরিবা মশাগী মচাক-মরলশিং অসি য়েংলুরগদি এন তি এম অসি অপীকপা বোদি অমনি অদুগা থবক শীন্দোক-শীনজিনগী মতাংদা কোমথোকপা খরসু লৈখিগনি ৷ অদুবু মশক খঙদোক্লবা হীরমশিংদা থাদগদৌরিবা শেনফমশিংদু মতিক চানা পীথবা ঙম্বগী চাগা-চাদিং অদুদি নীংথিজনা লৈগনি ৷ থবক তৌমিন্ননবা ফুল তাইম একাদেমিক ষ্টাফ ১৫-২০ অমসুং মসিগা মশীং মান্ননা লৈবা থৌদোংবশিংনা তেংবাংলিবা দিরেক্টর-জেনেরেল অমা লৈগনি ৷ (য়াওগদৌরিবশিংদি একাউন্টস/ওদিত, লাইব্রেরি এন ইনফোর্মেসন, ৱেব-দিজাইনিং অমসুং নমথোকপগী থবক্তা খঙ-হৈরবশিং, ইদিটিং তৌবদা তেংবাংবশিং, থবক-থৌদোকশিং শীন-লাঙবদা তেংবাংবশিং, টেক্নিসিয়ানশিং/ দোকুমেন্ট নম্লিবা মীওইশিং অসিনচিংবা)৷ এন তি এমগী থবক-থৌরমশিংদা লমজিং-লমতাক্নবগীদমক পাউতাক্লোয় কাঙবু অমা লৈগনি ৷ ৱারেপ লৌগদৌরিবা কাঙবু (বোদি) অদু মীওই ১০না শাগনি ৷ মদুদা য়াওগদৌরিবা মীহুতশিংদি হন্দোক্লোয়, লাইরিক-লাইশুগী লমদগী, ফোঙদোক্লোয়শিংদগী অসিনচিংবনি ৷ মসিদা খরদি অতেনবা মতমগী ওইনা শিন্দোক-শিনজিন তৌদুনা অমুক-অমুক পুনগনি (খুদম ওইনা চহী ২-৩ গী মতমগী ওইবদা চহী খুদিংগী মীওই ২/২ শিন্দোক্কনি)৷

হন্দোকপগী হীরমদা লৈরিবা ঈ-পাউশিং, পাঙথোক্লিবা থবক-থৌরম, শিল্লম-শিন্তাকপা অমসুং অনৌবা মচাকশিং পুথোকপদসু এন তি এমগী মীতয়েং থম্লি৷ মসিনা মপুং ওইবা মওংদা থবক তৌদবদি য়াই অদুবু তোঙান-তোঙানবা তাংকক্ কয়াদা, রাজ্য অমসুং লৈকায়গী থাক য়াওনা এজেন্সি মখল কয়াগা খূতশম্নবদা শরুক য়াবগী তঙাইফদবা লৈরক্কনি ৷

মসিনা থবক হনজিন্না তৌবা থিংবা ঙম্নবা, খূত্শম্ননা হোতনমিন্নদুনা হেন্না ফবা মহৈ অমা ফংবা ঙম্নবা অমসুং ময়াম পূন্না হন্দোকপগী থবক-থৌরম্বু চাওখত্হনবা ঙম্নবা তোঙান-তোঙানবা লূপ কয়াগা পূনশিন্নগনি অমসুং থবক পূন্না তৌমিন্নগনি ৷ য়াওগদৌরিবা মীয়ামগী লূপশিং অদুদি নেসনেল বুক ট্রষ্ট, য়ু জি সি, সাহিত্য একাদেমি, হন্দোকপা লোয়শঙশিং, ভারতকী লোনশিংগী নৈন-শঙলেন(সি আই আই এল), হন্দোকপগী মহৈ তাকপী-তম্বীরিবা অমসুং থিজিন-হূমজিনবগী থৌরাংশিং হাংলিবা তাইবং মহৈকোলগী মশঙশিং, গ্রন্ঠ একাদেমিশিং, রাজ্যগী থাক্তা লৈরিবা অতোপ্পা শিন্দমশঙশিং, মীয়ামগী লাইব্রেরি নেটৱার্কশিং অসিনচিংবনি ৷ মসিদা ফোঙদোক্লোয়শিং, পাউচেশিং অমসুং অতোপ্পা ঈ-পাউগী কাঙবুশিং, কো-ওপোরেটেদ হাউজশিং, লাইরিক য়োনবশিংসু য়াওরি ৷ মসিগী মথক্তা, এন তি এমনা ওজাশিং, মহৈরোয়শিং, মমা-মপাশিং, হান্না তমখ্রবা মহৈরোয়শিং অমসুং অতোপ্পা মীওইশিংগী অৱাত্-অপা লৈরিবশিংগী মতাংদা খন্ন-নৈনদুনা তেংবাং পীগনি ৷ মসিগী মরু ওইবা মরমদি লৈরিবা সরকারগী লূপশিং অমসুং লন্নাই এজেন্সিশিং পূনশিন্দুনা অপূনবা, হেন্না ফবা মহৈশিং ফংহন্নবা হোতনবা হায়বসিনি ৷

মরৈ চাবা মরম খরদা, কন্সটিট্যুসনগী ৮শুবা তাংকক্তা চল্লবা মরু ওইরবা লোন ২২ মক য়াওহন্নবগী থাঙ্গতলকপা ৱাফমসিগা লোয়ননা থবক পায়খতপা হৌবনা এন তি এমগী হেন্না কান্নবা ওইগনি ৷ অদুবু লম-লমগী লোনশিংগী লৈরিবা পোতথোকশিং নীংথিনা থম্বা অমসুং মীয়াম পাক শন্না খঙহনবগী তঙাইফদবা অদুদি কাউরোইদবনি ৷

অসিগুম্বা থবকশিংসি পায়খতনবগীদমক জাতিগী লোন হন্দোকপা মিশন অমা ১১ শুবা থৌরাংগী মতমদা, মতমদুগী অপূনবা শেনফম লুপা ক্রোর ২৫০ গী চাগা-চাদিং অমা শীজিন্ননবা থাঙ্গত্তুনা শেম্বগী ৱাখল খনবা য়াই৷ (মসিদা লুপা ক্রোর ৮০না মিশন অসিগী ওইবা লূপকী শীন-লাঙবদা, থবক তৌরিবা মীওইশিংদা অমসুং শেলগী মতেং পীবদা, অদুগা লুপা ক্রোর ১৭০না অতোপ্পা খূতশম্নরিবা শিন্দমশঙশিং য়াওনা অতোপ্পা থবক-থৌরম খুদিংমক্তা) ৷ ১১ শুবা থৌরাং মতমগী মনুংদা হকথেংনরকপা অদুগী মখা পোন্না তেংবাংগী মতমসি কোন্না শাংদোকহল্লকপা য়াগনি ৷ এন তি এমনা, অহেনবা ওইনা দরকার ওইবা মচাক শেমগত্পদা অমুক্তংগী ফংবা তেংবাং খরা চঙলকপসু য়াই ৷

এন তি এম শেমগত্পা অমসুং চাওখত্হনবগী থবকসি মিনিস্ট্রি ওফ হ্যুমেন রিসোর্স দিভলপমেন্টতা (মরু ওইনা, অঙম লোয়শঙ অসিগী মখাদা লোনগী কাঙবু ওইনা লৈরগা থবক তৌরিবা এন বি তি) শিন্নগদ্রা হায়বসিসু লেপ্নবা অমা চঙলি ৷ মরমদি, তাইবং মহৈকোলশিং আই আই তি, এন বি তি অমসুং লোনগী শিন্দমশঙশিং- সি আই আই এলসু য়াওনা মসিগী মখাদা লৈ, নত্ত্রগা মিনিষ্ট্রি ওফ কলচর (হায়রিবসিগী মখাদা সাহিত্য একাদেমিনা থবক তৌরি)৷

ৱাফমসি থাঙ্গত্পদা মতিক চারবরা নত্ত্রগা শেমদোক-শাদোকপা মথৌ তারিবরা হায়বনচিংবদু সরকারদা পীখতত্রিঙৈদা খন্নবা কান্নগনি ৷ মরী লৈনবা অঙম লোয়শঙশিংগা (ঐচ আর দি, আই তি, নাত্কা মরী লৈনবা) খন্ন-নৈনবা অসিগী মথক্তা, মী ১০না শাবা কাঙবু অমা ৱাখল চূংশিন্ননবগীদমক শেম্বা য়াই ৷ মীওই তরা অদুদি:

১. প্রোফেসর বিপন চন্দ্র, চ্যেরমেন, এন বি তি
২. প্রোফেসর কে. সতচিদানন্দন (সেক্রেটারি, সাহিত্য একাদেমি) নত্ত্রগা দোক্টর নির্মল কান্তি ভট্টচার্য্য (ইদিতর, ইন্দিয়ান লিটরেচর অমসুং মেম্বর, সাহিত্য একাদেমি)
৩. প্রোফেসর প্রমোদ তালগেরি (সি আই ঈ এফ এলগী ভি সি ওইরম্বা অদুগা হৌজিক্না জে এন য়ুদা লৈরিবা) নত্ত্রগা প্রোফেসর অলোক ভল্লা, ((সি আই ঈ এফ এল, হায়দ্রবাদ)
৪. প্রোফেসর ইন্দ্রনাথ চৌধুরি (মমাঙদা দিল্লী তাইবং মহৈকোলদা হিন্দীগী প্রোফেসর, নেহরু সেন্তরগী দাইরেক্টর, অদুগা সাহিত্য একাদমিগী সেক্রেটারি ওইরম্বা)
৫. প্রোফেসর য়ু. আর. অনন্তমুর্তি (হান্না প্রেসিদেন্ট, সাহিত্য একাদেমি অমসুং ভি সি, মহাত্মা গান্ধি তাইবং মহৈকোল) নত্ত্রগা গিরিশ কর্নাদ (মমাঙদা নেহরু সেন্তরগী দিরেক্টর ওইরম্বা)
৬. প্রোফেসর আমিয়া দেব নত্ত্রগা প্রোফেসর নবনিতা দেব সেন (অনীমক হান্ননা যাদবপুর তাইবং মহৈকোলদা সাহিত্য চাংদম্নবগী মহৈদা প্রোফেসর ওইরম্বা)
৭. প্রোফেসর এস. বি. বর্মা (মমাঙদা জে এন য়ুদা জাপানিজ লোনগী প্রোফেসর ওইরম্বা, অদুগা মমিং লৈবা হন্দোক্লোয় অমসু ওইরিবা)
৮. প্রোফেসর হরিশ ত্রিবেদি, ইংলিশ মশঙ, দিল্লী তাইবং মহৈকোল
৯. প্রোফেসর পুষ্পক ভট্টচার্য্য (আই আই তি- মুম্বাই)
১০. প্রোফেসর উদয় নরায়ন সিংহ (দিরেক্টর, সি আই আই এল, মহিশুর)- কনভেনর