থবক্কী য়ানবা ঙমখৈ

এন তি এমসি সরকারগী য়াথং অমগী মতুং-ইন্না লিংখতখিবনি ৷ মসিগী ময়ায় লোয়শঙ(headquarter) মহিশুরদা লৈগনি অদুগা মরী লৈনবা লোয়শঙনা দিল্লিদা লৈগনি অমসুং নোদেল এজেন্সিদি সি আই আই এলনা ওইগনি ৷ মসি নীংথিজনা চত্থরকপা মতমদা মশাগী তোঙানবা কান্নবা শোয়দনা লৈরক্কনি ৷ অদুম ওইনমক, সি আই আই এলদগী তোঙান্না খাইদোরক্তুনা, সোসাইতিজ রেজিসত্রেশন এক্ট (১৮৬০, সেন্ত্রেল এক্ট)কী মখাদা মনীং তম্বা লূপ অমা ওইহল্লক্কদ্রা হায়বদু থৌরাং অসিনা খোঙফম চানা চত্থরবা মতুংদা অমুক হন্না খন্নগনি ৷
এন তি এমগী শীন-লাঙবগী মওং-মতৌ (structure) অসি য়ারিবমখৈ পীক্নবা, লায়নবা অমসুং ইনফ্রাস্ত্রকচর য়ামদনবা হোতনৈ ৷ অহানবদা মসি তাংকক ৩ খক্তদা লৈহন্নবা হৌদোক্নখি ৷ মখোয়দুদি-

  » হ্যুমেন রিসোর্সগী ইকায় খুম্নরবা অঙম্বনা লুচিংবা পাউতাকলূপ
  » সেনিয়ার স্কোলার নত্ত্রগা মিনিস্ত্রি ওফ ঐচ আর দিগী নোমিনিনা লুচিংবা গোভর্নিং বোর্দ (GB), মসিনা স্কিম অসিবু চাওখত্হন্নবা তোয়না উনদুনা য়েংশিনগনি ৷
  » মীওই ১০১ লৈবা জেনেরল কাউন্সিল (GC), মীওই কাঙবু অসি শিন্দমশঙ নত্ত্রগা লন্নাই মীওইশিংদগী ওইগনি ৷

অদুম ওইনমক, হৌজিক্তি শূপ্নগী মী ২৫না শেম্বা প্রোজেক্ট এদভাইজরি কমিতি (NTM-PAC) অমখক লৈবা হায়না লেপ্নখ্রে ৷ হায়রিবা কমিতি অসিনা লমজিং-লমতাকপগা লোয়ন-লোয়ননা অফ-ফত্তা য়েংশিনবগী থবকসু তৌগনি ৷ সি আই আই এলগী দাইরেক্টরনা এন তি এমগী নোদল ওফিসর ওইদুনা এন তি এম-পি এ সি (NTM-PAC)গী চ্যের পার্সন ওইবিগনি ৷ এন তি এমগী প্রোজেক্ট দিরেক্টর অমা খন্দ্রিবা ফাওবা, মিশনগী থবক্তি লেপ্লোই, মরম অসিনা সি আই আই এলগী একাদেমিক সেক্রেটরিনা এন তি এম-পি এ সিগী মেম্বর সেক্রেটরি ওইনা থবক পুগনি ৷ মসিদা এক্স-ওফিসিও মেম্বর ওইনা থৌ পুগদবা মীওই ৩ অমগা লৈরক্কনি ৷ মখোয়শিং অদুদি - জোইন্ট সেক্রেটরি (লোনশিংগী) নত্ত্রগা দিরেক্টর (লোনশিংগী) নোমিনি অমা, অৱাংবা থাক্কী মহৈ-তম্ফম মশঙ, এম ঐচ আর দি, ভারত সরকার, জে এস অমসুং এফ এ নত্ত্রগা আই এফ দি (ঐচ আর দি)গী নোমিনি অমা অমসুং নিয়ু দিল্লিদা লৈবা খূত্শু-খূতলাই অমসুং বিগ্যানগী ওইবা ৱাহৈ-ৱাতাশিং য়েংশিল্লিবা কাঙলূপ (CSTT)গী চ্যেরমেননি৷

মসিগী মঙা অসিগী মথক্তা অতোপ্পা মেম্বর কুন (২০) অমগা অমুক ঐচ আর দিগী মিনিস্ট্রিনা খনগনি ৷ মদু অমুক-অমুক শিন্দোক-শিনজিন তৌনদুনা পুনগনি ৷ মখোয় অদুদি- ১) তোঙান-তোঙানবা তাইবং মহৈকোলদা হন্দোকপগী মহৈ-মশিং তম্বীরিবা মশঙশিংদগী মীহুত অনী, ২) তোঙান-তোঙানবা ষ্টেটশিংদগী (শিন্দোক-শিনজিন তৌনদুনা) লোন অমসুং হন্দোকপদা মরী লৈনরিবা শিন্দম-শঙ/ একাদেমিশিংবু মহুত শিল্লিবা মীহুত অনী, ৩) লোনগী তাইবং মহৈকোল অমদগী ভাইস চাঞ্চেলর অমা ৪) লাইরিক য়োনবা অমসুং ফোঙদোক্লোয়শিংদগী মীহুত অহুম, ৫) সাহিত্য একাদমিগী সেক্রেটরি, ৬) নেসনল বুক ট্রষ্ট (এন বি টি)গী দাইরেক্তর, ৭) তোঙান-তোঙানবা আই আই টিশিং/এন আই টিশিং/হন্দোকপগী খুত্শু-খুতলায়/ টেক্নোলোজি শেম্বা অমসুং চাওখত্হনবগা মরী লৈনরিবা ইন্দাষ্ট্রিশিংদগী মীহুত অনী, ৮) ইংলিশ অমসুং ভারতকী লোনশিংগী মরক্তা হন্দোকপদা হৈ-শিংলবশিংদগী মীহুত মঙা, ৯) অতোপ্পা হীরম কয়াদগী মীহুত অনী, ১০) হন্দোকপগী থবক্তা থৱায় য়াওবা লন্নাই মীওই অমসুং কাঙলূপশিংদগী মীহুত অমা
পনখ্রিবশিং অসিগী মথক্তা, এন তি এমগী এদভাইজরি সব কমিতি নত্ত্রগা থবক তৌমিন্নরিবা কাঙবু কয়া অমসু লৈগনি ৷ মসিদা পাউতাক্লোয় কয়া অমা অমসুং অখন্নবা হীরমশিংদা (খুদম ওইনা বিগ্যানগী ওইবা মতাংদা হন্দোকপা, টেক্নিকেলগী ওইবা মতাংদা হন্দোকপা, লোন-ফাওনহনবদা নত্ত্রগা মেচিন্না হন্দোকপা অসিনচিংবা) খঙ-হৈরবা মীওইশিং য়াওগনি ৷

১. অহানবদা এন তি এমগী এদভাইজরি কমিতি অসি ঐচ আর দিনা য়াবগী মতুং ইন্না মীওই ২৫ লৈগনি অদুগা মসিনা এন তি এমগী খ্বায়দগী অৱাংবা ৱারেপ লৌফম ওইগনি হায়না খন্নরম্মী ৷

২. প্লান অসি হন্দোকপগী মতাংদা তাকপী-তম্বীরিবা তোঙান-তোঙানবা তাইবং মহৈকোলগী মশঙশিং, হন্দোকপগী মহৈদা থোইদোক্না মীতয়েং থম্লিবা ষ্টেটশিংগী তোঙান-তোঙানবা শিন্দমশঙশিং, টেক্নিকেল শিন্দমশঙশিংদগী মীহুতশিং, ফোঙদোকপগা মরী লৈনরিবা মীওইশিং, আই আই টিশিং, এন আই টিশিং, ইন্দাষ্ট্রিনচিংবশিংদগী হন্দোকপগী খূত্শু-খূতলায় অমসুং টেক্নোলোজিশিং শেমগতনবা হোতনরিবা মীওইশিং অমসুং হন্দোকপগী ওফিসিএল ষ্টোকহোল্দরশিং ময়াম অসিদগী গোভর্নিং বোর্দ (GB) গী মীওই খন্নবগীদমক্নি ৷ গোভর্নিং বোর্দতা মীহুত কয়া অমা য়াওহনবা য়াই হায়না হৌদোক্নরকখি৷ মখোয় অদুদি - লোন-হন্দোকপবু হীরম অমা ওইনা তম্বীরিবা তাইবং মহৈকোলশিংগী তোঙান-তোঙানবা মশঙশিংদগী মীহুত অনী; - লোন অমসুং লোন-হন্দোকপগী মরমদা থবক পায়খতলিবা অদুগুম্লবা ষ্টেটশিংগী (পালি নাইনা) শিন্দমশঙশিংদগী মীহুত অনী; - লাইরিক য়োনবা অমসুং লাইরিক ফোঙদোক্লোয়শিংদগী মীহুত অহুম; - হন্দোকপগী খূত্শু-খূতলায় অমসুং টেক্নোলোজিশিং চাওখতনবা হোতনরিবা আই আই টিশিং, এন আই টিশিং, ইন্দাষ্ট্রিনচিংবশিংদগী মীহুত অনী অদুগা – এন ই আর টি, এন বি টি অমসুং সাহিত্য একাদমিগুম্বা ওফিসিএল স্তেকহোল্দরশিংদগী অনী অসিনি ৷ নেশনেল নোলেজ কমিসন অমসুং প্লানিং কমিশননা থাংগতলকখিবা মতুং ইন্না শেমখিবা মীহুত কাঙবু অসিদা মীয়াম অমসুং লন্নাইগী লৈনরিবা অপুনবা মরী অদুদা মমি তাহল্লক্কনি হায়না থাজনখি ৷ এক্স ওফিসিও মেম্বর (মিনিষ্ট্রি ওফ হ্যুমেন রিসোর্স দেবলপমেন্ট জোইন্ট সেক্রেটারি(লোনশিংগী) অমসুং শেন-থুমগী পাউতাক্লোয় অমসুং সি এস টি টিগী চ্যেরমেননা খনগতলবা নোমিনিশিং) লোয়নবা মীহুত কাঙবুশিং অদুগী মতম চহী অনী-অনী ওইগনি ৷ চহী অনী লোইরকপা খুদিংগী ঐচ আর দি মিনিষ্ট্রিনা গোভর্নিং বোদি অদুবু অমুক নৌনা শেমগনি হায়না খন্নখি ৷

৩. অহৌবগী ওইনা জেনরেল কাউন্সিল (GC) দা মীহুত ১০১ লৈহন্নবা ৱাফম হৌদোক্নখি ৷ কাঙবু অহুমদুগী মরক্তা মরী লৈনহনবা হায়বসিদা গোভর্নিং বোর্দনা জেনরেল কাউন্সিলদগী পাউতাক কয়া ফংবা ঙমহনগনি হায়বগী ৱাফমসু খন্নখি৷ জেনরেল কাউন্সিলগী মরুপচাশিংগী মরক্তা মায়কৈ কয়াদগী মীহুতশিং য়াওগনি, মখোয়শিং অদুদি- লোন-হন্দোকপগী ইন্দাষ্ট্রি, লোন-হন্দোকপগী তোঙান-তোঙানবা লূপশিং, লন্নাই অইবশিং, লোনগৈ শেম্লিবশিং, তোঙান-তোঙানবা লোন অনীগী মরক্তা হন্দোক্লিবা হন্দোক্লোয়শিং, সি এস টি টি, নেশনেল বুক ত্রষ্ট, সাহিত্য একাদেমি, আই সি এস এস আর, আই সি পি আরকী সেক্রেটরিশিং/চ্যের পার্সনশিং/ দাইরেক্টরশিং অসিনচিংবা, লোন-হন্দোকপগী হীরমদা এম এ/এম ফিল/পিজি-দিপ্লোমা হাংলিবা নত্ত্রগা অতোপ্পা হীরমশিং (হিন্দী/ ইংলিশ/ লোন্মীতলোন/ সাহিত্য চাংদম্লোন অসিনচিংবা) হাংলিবা তাইবং মহৈকোলশিংগী মমিং লৈরবা একাদেমিশিং, তোঙান-তোঙানবা হীরমশিংদা (খুদম ওইনা ৱায়েল্লোন, হীদাক-লাংথক, হকশেলগী বিগ্যান, থৱায় পানবশিংগী ওইবা বিগ্যান, সমাজ বিগ্যান, সাহিত্য, কলা অসিনচিংবদা) লোন-হন্দোকপগী থবক্তা হান্নদগী শরুক য়ারক্লবা অখঙ-অহৈশিং, মশক নাইরবা শিন্দমশঙশিংদগী মীহুতশিং অসিনচিংবনি ৷ হায়রিবশিং অসিগী মথক্তা, ভারতকী লোন নত্ত্রগা হন্দোকপগা মরী লৈননা লৈরিবা সরকারগী তোঙান-তোঙানবা লোয়শঙশিংদগী খুদম ওইনা মিনিস্ত্রি ওফ হ্যুমেন রিসোর্স দেবলপমেন্ট, কলচর, হোম এফিয়ার্স (ওফিসিয়েল ওইবা লোনশিংগী মশঙ য়াওনা), ইনফোর্মেশন অমসুং ব্রোদকাষ্টিং, কম্যুনিকেশন এন্দ ইনফোর্মেশন টেক্নোলোজি, অমসুং এক্সটর্নেল এফিয়ার্স অসিনচিংবশিংদগীসু এন তি এমগী জেনরেল কাউন্সিলদা মফম লৈগনি ৷