|
|
খন্নগদবা ৱাফমশিং
থবক হনজিন্না তৌবা অমসুং চমম্নহনবা কয়া থিংবা ঙম্নবা তোঙান-তোঙানবা লূপশিংগা খূদম
ওইনা, খূত্শু-খূতলাই অমসুং বিগ্যানগী ওইবা ৱাহৈ-ৱাতাশিং য়েংশিল্লিবা কাঙলূপ (CSTT),
জাতিগী থাক্তা লাইরিক-লাইশু অমসুং থিজিন-হুমজিনবগী মতাংদা শিল্লম-শিন্তাক্লিবা কাঙবু
(NCERT), নেশনেল বুক ট্রষ্ট (NBT), য়ুনিভর্সিতি গ্রান্টস কমিসন (UGC), সাহিত্য একাদেমি,
ভারতকী লোনশিংগী নৈন-শঙলেন (CIIL), গ্রন্থ একাদেমি, পাব্লিক লাইব্রেরি নেটৱার্কস অসিনচিংবশিং
অসিগা খূতশম্নবগী তঙাইফদবা লৈ ৷ অসিগুম্বা মরী অসি ফোঙদোকলোয়শিং, পাউচে/মেদিয়া, কোপোরেত
হাওজশিং, লাইরিক য়োল্লিবশিং অসিগা লৈবগীসু তঙাইফদে ৷ মসিনা তাকপদি, পোরমশিং শেমগত্পা
অমসুং ফগত্হনবদা সরকারগী লৈরিবা সংস্থানশিং অমসুং লন্নাইগী এজেন্টশিংগা পূন্না খূতশম্নরগা
চতমিন্নগদবনি হায়বসিনি ৷
|
|
এন তি এমনা খন্নগদবা মরু ওইবা ৱাফমশিং শন্দোক্না খঙহন্নবগীদমক মখাগী অসুম্না পরিং শেম্লগা
থমজরি-
|
ভারত্তা লৈরিবা খেন্নবা লোনশিংগী ফীভমসিদা অয়েতপা লৈতনা ফাওনবা ঙমহন্নবা লম্বী নত্ত্রগা
পাম্বৈশিং পুথোকপা ঙম্লগদি, লোনশিংগী মরক্তা অনেম-অৱাং লৈহন্দনা লোন অমদগী অতোপ্পা
লোন অমদা লায়না হন্দোকপগী য়াম্না অচৌবা মফম অমা লৈ ৷
ৱাখল-লৌশিংগী লাইরিকশিং হন্দোকপদা য়াম্নমক মরু ওইরিবা অমদি, হীরমশিং অদুদা লৈরিবা
ৱাহৈ-ৱাতাশিংবু চাওখত্হনবগা লোয়ননা ফজদবা লোন্দা অমসুং চাওখত্তবা ৱাহৈশিং শীজিন্নদনবা
হায়বসিনি ৷ অদুগা অমুকসু, লোনশিংগী মরক্তা ফাওনহনবদা লায়নবা ৱাখল্লোন শেমগত্পা হায়বসিসু
অমনি ৷ এন তি এমগী খন্নগদৌরিবা ৱাফমশিংগী মনুংদা হায়রিবশিংসি মরু ওইবশিংনি ৷
|
|
লোন হন্দোকপা হায়বসিমক য়াম্না অখন্নবা থবক অমনি ৷ অখন্নবা হীরমশিংদা হন্দোকপগী ৱাফম
অসিদদি য়াম্না মপুং ফানা খঙ-হৈবগী মথৌ তাই ৷ হন্দোক্লোয়শিংবু মহৈ পীবগী মতাংদা মিশন
অসিনা মখাগী অসিগুম্বা খোঙথাংশিং লৌখত্পা য়াই-
|
|
১.
|
লোন ফাওনহনবা, সব-তাইতলিং, ৱায়েনগী হন্দোকপা, বিগ্যান, এপ্লাইদ সাইন্স, সমাজ বিগ্যাননচিংবা
অখন্ননা খন্নরিবা হীরমশিংদা খঙ-হৈরবা / মায়চৌশিং য়াওবা অতেনবা মতমগী ওইবা শিল্লম-শিন্দম্বগী
থৌরমশিং শীনবা
|
|
২.
|
লৈবাক শীন থুংনা তাকপী-তম্বীরিবা থৌরমশিংগী শরুক অমা ওইনা হন্দোক্লোয়শিংগীদমক্তা থৌরাং
কয়া পায়খত্পা নত্ত্রগা ছুটি মনুং, ক্লাশ নত্ত্রগা থবক লোইরবা মতুংদা পাঙথোক্নবা অখন্নবা
থৌরাং কয়া পায়খত্পা
|
|
৩.
|
লোন হন্দোকপগী টেক্নোলোজি অমসুং হীরমসিগা মরী লৈননা শিন্থা পুরিবা তাইবং মহৈকোল অমসুং
অতৈ মহৈ লোয়শঙশিংদা অখন্নবা তম্ন-থৌরাংশিং ফগত্হনবদা পূক্নীং থৌগত্পীবতা নত্তনা মতেং
পাংবা
|
|
৪.
|
শকখঙলবা অইবা মচাকশিংগী অফবা ৱাহন্দোকশিং খুদম ওইনা ফংহন্নবা হোতনরিবা থিজিন-হুমজিনবগী
থবকশিং অমসুং থিজিল্লিবা মহৈরোয়শিংবু পূক্নীং থৌগত্পগা লোয়ননা তাকপী-তম্বীবগী লমদা
মতেং পাংবা ঙম্নবা মচাক কয়া পুথোকপা
|
|
৫.
|
ভারতকী লোনশিংগী মরক্তা হন্দোকপগী অখন্নবা মীতয়েং থমদুনা মহৈশঙশিংগী মায়চৌশিং ওন্থোক-ওনসিন
নত্ত্রগা শিন্দোক-শিনজিন তৌনরকপা মতমদা শেলগী মতেং পীবা
|
|
৬.
|
মায়চৌশিং অমসুং শিন্দম্লিবশিং পূনশিল্লগা অইবা মচাকশিংগা মরী লৈনবা হীরমশিংবু খুদম
ওইনা লৌখত্তুনা মদুদা য়াওরিবা ৱাখল-লৌশিং পীরিবা মতাংশিং, ৱাহৈ-ৱাতা, নাত্ অমদি লোন্মীতলোনগী
মতাংদা য়াওরিবা মচাকশিংগী মরমদা খন্ন-নৈনবা অমসুং লৈখাই তাহন্নবগী খোঙথাং অমা ওইনা
নৈন-মীফমশিং শীনবা
|
|
৭.
|
লোন হন্দোকপগী মতাংদা চাংয়েং (ভেটিং), শেমদোক-শেমজিন (ইদিতিং) অমসুং শিন্দোক-শিনজিন
(কোপী ইদিতিং)গী ৱার্কসোপশিং শীনবা
|
লৈবাক অসিদা লোন-হন্দোকপা ঙম্নবগী লৈরিবা ৱাখল-লৌশিং অসি হৌজিকসু মপুং ফাদ্রি, মরমদি
অসিগুম্বা ঈ-পাউশিংগী ফংফম অমা ঙসি ফাওবা নীংথিনা লৈত্রি ৷ হন্দোক্লোয়শিংগী মতাংদা
হায়রবদা ভারতকী লৈরিবা অপূনবা ফীভম অসিদদি ইংলিশ লোন্দা হন্দোক্লিবশিংনা হেন্না খুদোং
চাবা ফংলি হায়বসি চুম্লে হায়বা য়াই ৷
অসিগুম্বা হন্দোক্লবা মচাকশিং ফংহনবদা খুদোং চাদবশিং অসি মিশন অসিনা খন্নগনি অমসুং
মখাগী পাম্বৈশিং অসিদা হৌজিক ফাওবদা ফংলিবা হৈ-শিংবশিংগী মতাংদা মখাগী পাম্বৈশিংসিদা
পুথোক্কনি ৷
|
|
১.
|
তোঙান-তোঙানবা হীরম অমসুং লমশিংদা মখল-মখা কয়াগী মগুন লৈবা অমদি হন্দোক্লোয়শিংগী
দাটা লীফম অমা হৈ-শিংনা শেম্বা ৷
|
|
২.
|
ভারতকী লোনশিংদা তোঙান-তোঙান্না হন্দোক্তুনা পাবা ফংলবা থবকশিং লোয়ননা ইংলিশ অমসুং
অতৈ মালেমগী লোনশিংদা ফংলিবা ভারতকী পোত্থোকশিংগী ওন-লাইন বিব্লিওগ্রাফি অমা শেম্বা,
মসিগা লোয়ননা তোঙান-তোঙানবা হীরমশিং নত্ত্রগা লোনশিংগী মরমদা থিবা য়াবা অদুগা শীজিন্নরিবশিংনা
হাপচিনবা য়াবগী খুদোং চাবশিং ফংহনবা ৷
মথক্তা পনজখ্রিবা অনীসি তাইবং-মহৈকোলশিং, ফোংদোক্লোয়শিং, জাতিগী ওইবা লাইরিক্কোনশিং,
একাদেমিশিং, নেশনেল বুক ট্রষ্ট (NBT), বিগ্যানগী ওইবা ৱাহৈ-ৱাতাশিং য়েংশিল্লিবা কাঙলূপ
(CSTT) অসিনচিংবা কয়াগা মরী শম্নদুনা লেপ্তনা ফগত্হনগনি ৷
সাহিত্য একাদেমিনা সাহিত্যগী হন্দোক্লবা মচাকশিংগী ওইবা বিব্লিওগ্রাফি অমা সি আই আই
এলগী ্নুকৃতি ৱেব-সাইত্তা হাপতুনা ফংহনখ্রে ৷ সাহিত্য একাদেমিনা ভারতকী লোনশিংদা লৈরিবা
হন্দোক্লোয় কয়া অমগী মমিং য়াওবা এন তি এমগী ৱেব-সাইততসু হাপ্পা য়াগদবা হন্দোক্লোয়শিংগী
রেজিষ্ট্রার অমা ফোঙদোকখ্রে ৷ ভারতকী নৌনা শকখঙলকপা লোনশিং হাপচিনবা য়ানবা অনীমকসি
ফগত্হনবা লোয়ননা পাকথোক-চাউথোকহনবগী তঙাইফদে ৷ হায়রিবশিংসি সাহিত্যগা মরী লৈনবখক
ওইবনা অতোপ্পা হীরমশিংদা লৈরিবা হন্দোক্লোয় অমসুং হন্দোক্লবা মচাকশিংগী মমিং নৌনা
শেমগত্পগী মথৌ তাই ৷ মসিগীদমক এন তি এমনা ভারতকী তোঙান-তোঙানবা মফমশিংদগী ইদিতর অমসুং
খোমজিল্লোয় কয়া অমা নেক্লবা য়াই ৷
|
হন্দোকপগী থবক অমসুং হন্দোক্লোয়শিংগী মরমদা হেন্না মীতয়েং থম্বগী মথৌ তারি ৷ নৌনা
য়েংশিনবগী মথৌ তাই হায়রিবসি হন্দোক্লোয়শিংগী খূত্শুমনগী ওইবা থাক্কী মতাংসিগসু মরী
লৈনরে ৷ ঐখোয়না হন্দোকপগী থবকপু শিন্ফম অমা ওইনা হৌজিক খন্নরিবা ওইবনা, মতম খরগী মতুংদা
ভারততা হন্দোকপগী ইন্দাষ্ট্রি অমা লৈরকপসু য়ারি ৷ মসিনা, অকক্নবা হীরম অমদবু ওইরবসু
হন্দোক্লোয়শিংনা শিন্ফম অসিদা লৈরগা তংদু-লৈতাবা পুন্সি অমা শেমজবা ঙম্নবা ঐখোয়না
ফীভম অমা শেমগত্পা তারি ৷
এন তি এমগী মখাদা লৈগদবা তোঙান-তোঙানবা হীরমশিংদা হন্দোক্লোয়শিং ফংবা ঙম্নবা পাম্বৈ
অমা পুথোকপা য়াগনি ৷ মসিনা অফ-ফত্তগী চাং য়েংশিনবগা লোয়ননা মমল লেপ্পসু ঙমহনগনি
৷ অকক্নবা হীরমশিংদগী অখঙ-অহৈশিং, হন্দোক্লিবা অমসুং হন্দোক্কদৌরিবা লোনশিংগী মায়চৌশিং,
ৱাখল-লৌশিং লৈরবা অপাবশিং ময়াম অসিনা মমল লেপকদৌরিবা বোর্দ অসি শেমগনি ৷ মসিনা হন্দোকপগী
মগুন য়েংশিনবগা লোয়ননা জাতিগী থাক্তা খনগত্পদা মতিক চারবরা হায়বদু লেপকনি ৷ হায়রিবা
মীওইশিং অদুসু শকখঙবগী সার্তিফিকেত পীবগী খুদোংচাবা ফংগনি ৷ অদুগা মখোয়গী মমিংশিংদু
এন তি এমগী ৱেবসাইততা ঊত্কনি ৷
|
|
হন্দোকপগী থবকশিংবু চাওখত্হনবা অমসুং মীয়াম্বু খঙহন্নবা অতৈ পাম্বৈ খরদি:
|
|
১.
|
লোন-হন্দোক্নবগীদমক লাইরিক পুথোক্নবা শীনবা
|
|
২.
|
মনা-মথুম অমদি শেলগী মতেং পীবা
|
|
৩.
|
হন্দোকপগা মরী লৈননা লম-লমগী চে পাবা, খন্ন-নৈনবা, লাইরিক মেলা, লম-লমদুগী হন্দোক্লোয়শিংদা
ইকায় খুম্নবা ঊত্পনচিংবগী থৌরম শীনবা
|
|
৪.
|
হন্দোকপগী অফবা মগুন লৈবা পোত্থোকশিং ফংহনবা ঙম্নবগীদমক লাইব্রেরি নেটৱার্ককা শম্নহনবা
|
|
৫.
|
অইবা, হন্দোক্লোয় অমসুং ফোঙদোক্লোয়শিংনা দরখাস্থ থারকপগী মতুং ইন্না এন তি এমগী মখাদা
শেন্থং পীথদুনা লাইরিক লৈনবগী থৌরাং শীনবা
|
|
৬.
|
হন্দোকপগী থবকপু শৌগত্পা ওইনা এন তি এমগী মখাদা পীরিবা খুদোংচাবশিংসি হন্দোক্লোয়শিং
অমসুং লাইরিক ফোঙফমশিংদা পীবা
|
|
৭.
|
কান্নবা কয়া য়াওরবা হন্দোক্লবা মচাকশিংবু লেম্না লৌথবগী (দাউনলোদ তৌবগী) খুদোং চাবা
ফংহনবা অমসুং নাকন অমরোমদনা লৌথবা খুদিংগী ফোঙলিবশিংদা মদুগী অৱামন য়ৌহন্নবা হোতনবগী
মতাংদা খন্নবা
|
|
৮.
|
হন্দোক্লোয়শিং, হন্দোকপগী তম্ফম হাংলিবা তাইবং মহৈকোলগী মশঙশিং, হন্দোক্লবা লাইরিকশিং
মরাং কায়না পুথোকপদা থৱায় য়াওরিবা ফোঙদোক্লোয়শিং, মীয়ামগী অমসুং লন্নাইগী থাক্তা
লৈদুনা থবক তৌরিবশিং অমসুং খ্বাইদগী মরু ওই হায়না লৌবা য়ারিবা হন্দোক্লবা লাইরিকশিং
লৈরিবা মীওইশিংগী মরক্তা ফম্মিন্নদুনা পাউ ফাওনহন্নবা শীনবা
|
|
৯.
|
হন্দোকপদা মীতয়েং থম্লগা ইংলিশ অমসুং ভারতকী লোনশিংদা চেফোঙ ফোঙবগী থবক্তা নত্ত্রগা
হন্দোকপগী ই-কন্তেন্ট পুথোকপগা মরী লৈননা ফোঙলিবা চেফোঙশিংদা, অমুকসু ফোঙদোকপদা, নমথোকপদা
অমসুং শিন্ফমগা মরী লৈনবা মরু ওইবা চেফোঙশিং লোন কয়াদা হন্দোকপদা নত্ত্রগা হীরম কয়াগী
পরীং নাইবা চেফোঙশিং ইংলিশতগী লম-লমগী লোনশিংদা ফোঙদোকপদা গ্রান্ট ইন এইদকী শেন্থং
পীথবা
|
|
১০.
|
জাতিগী/লম-লমগী করিকুলম ফ্রেমৱার্কশিংগা লোয়ননা মহৈশঙ, মহৈশঙলেন অমসুং তাইবং মহৈকোলগী
সিলেবাসশিংদা হন্দোক্লবা মচাকশিং য়াওহন্নবা/তমহন্নবা হোতনবদা থৌগতপা অমসুং ৱা হৌদোকপা
|
|
১১.
|
মহৈ তম্ফমশঙশিংগী লৈরিবা থাক খুদিংমক্তা হন্দোক্লবা লাইরিকশিং ফংহন্নবা লোনগী রিসোর্স
সেন্তরশিং অমসুং লাইরিক ফংফম/য়োন্ফমশিং লিংখত্পদা মতেং পাংবা
|
|
১২.
|
লোন অনী নত্ত্রগা অনীদগী হেন্না খঙ-হৈবগী মরু ওইবা অমসুং মদুগী শীজিন্নফম, চন্নফম অমদি
মদুনা চাংয়েং পরিক্ষাশিং অমসুং থবক ফংনবগী চাংয়েংশিংদা পীরিবা কান্নবশিংদু ঊত্তুনা
খঙহনবা
|
|
১৩.
|
মরু ওইনা, অপীকপা খুঙ্গং অমসুং শহরশিংদা, হন্দোক্লবা মচাকশিং হেন্না ফংহনবা ঙম্নবা
মীয়াম অমসুং প্রজাগীদমক লৈরিবা লূপশিংগা মরী থম্বা
|
|
|