ज़मीमो 1:

तर्जुमे जे उद्योग जो वाधारो
(जयती घोष जे नोट जो हवालो)
भारत जे जुदा जुदा बोलियुनि में ज्ञान जो वसीउ ज़खीरो मुयसर करणु ऐं उन जे इस्तैमाल जी ज़रूरत खे ध्यान में रखिजे त असरदार, तकिड़े ऐं उच दर्जे जे अनुवाद उद्योग खे वधाइणु जी ज़रूरत खां इन्कारु नथो करे सघिजे। इहा नोट करण जी गाल्हि आहे त सभु मुल्क जेे ज्ञान जे फहलाउ खे अहिमियत डियनि था उहे तर्जुमे जी सरगर्मीअ खे बि बाक़ाइदे वधाए जुदा जुदा क़िस्मनि जा मुम्किनि तर्जुमा अलगि अलगि बोलियुनि में मुयसर कराइनि था। इहा गाल्हि तरकी कंदड़ वडनि मुल्कनि लाइ सही आहे जीअं चीनु, जंहिं पंहिंजे मुल्क में तमाम असरदार ऐं ऊचे दर्जे जो तर्जुमो मुयसर करण लाइ तमाम वडो ऐं ज़ोरदार तर्जुमे जो उद्योग काइमु कयो आहे जंहिं द्वारां तर्जुमे जे माध्यम सां अलगि अलगि खेत्रनि जी ताज़ी जाण मुयसर कई व´ेे थी। इहा बि हकीकत आहे त नंढा तरकी कयल मुल्क जिते आदमशुमारीअ जो तमाम वडो हिसो पढ़ियलु आहे ऐं दुनिया जी अहम वडियुनि भाषाउनि जो तमाम असराइते नमूने इस्तैमाल करे सघे थो (जीअं यूरप में नीधरलैंड ऐं फिनिलैंड) उते बि मकानी भाषाऊं तर्जुमे जे घणे इस्तैमाल सबब काफी असराइतियूं रहनि थियूं।

तर्जुर्मुमे जी जरूरत
  » अंग्रेजी़ मां भारती भाषाउनि में
  » भारती भाषाउनि मां अग्रेजीअ में
  » भारती भाषाउनि जे विच में

हठीं सामग्री अनुवाद करण जी जरूरत आहे
  » स्कूली सतह जा दर्सी किताब
  » ऊच दर्जे जे तैलीम जा दर्सी किताब
  » बी तैलीमी सामग्री
  » साईंस (विज्ञान) समाजिक विज्ञानु कला वग़ैरह जा किताब
  » - हवाले जा किताब (इन्साइकिलोपीडिया वग़ैरह)
  » साहित्य
  » ज्ञान जा मौजदू ह चाह वारनि विषयनि जा किताब
  » हिदायत नामा
  » मख्ज़ऩू ऐं जर्नल्सि
  » वबे सां वास्तो रखंदड सामग्री

हिन वक्ति केतिरयूं ई सरकारी ऐं ग़ैर सरकारी संस्थाऊं आहिनि जेके जुदा जुदा हंधनि ते पंहिंजियुनि बियुनि सरगर्मियुनि सां गडि मथे बुधायल सरगर्मियूं बि हलाइनि थियूं जीअं नैशनल बुक ट्रस्ट जे पारां (अंग्रेज़ीअ मां मुख्य भारती भाषाउनि ऐं भारती भाषाउनि मां अंग्रेज़ीअ में) किनि मुख्य रचनाउनि, घणो करे मशहूर ऐं अवार्ड खटियल लेखकनि जे साहित्य जो अनुवाद कार्य कयो व´े थो। कुझु ख़ान्गी संस्थाऊं (जीअं कथा पब्लिशरस, प्रजाशक्ती, न्यूज़ पेपर ग्रूप वग़ैरह) मशहूर ऐं कुझु मौजूदह रचनाउनि जो अनुवाद करायो आहे। अहिड़ी का बि सरकारी संस्था कान्हे जेका बातरतीब मथे बुधायल सभिनी पहलुनि जो कार्य मुख्य बोलियुनि में करण लाइ वास्तेदारी काइमु करे, उन खे वधाए या उन जी नज़रदारी करे।

तर्जुमे सां वास्तेदार मौजूदा मसैला हेठियां आहिनि
(1) मथे बुधायल खेत्रनि सां वास्तेदार ध्यानु छिकाईंदड़ ऐं असरदारसामग्रीअ जी तमाम घणी खोटि आहे।
(2) तर्जुमो कयल सामग्री हासुलु करण सां वास्तेदार घणा ई अहम मसैला आहिनि। तर्जुमनि जो मयारु हिक जहिड़ो नाहे केतिरनि हवालनि में त तर्जुमा काफ़ी घटि दर्जे जा आहिनि। इएं डिसण में आयो आहे त तर्जुमा साहितिक भाषा में या पेचीदी ऐं मुंझियल भाषा में हुजनि था जंहिं जे करे उन्हनि जी हासिलात काफी घटिजी व´े थी। तर्जुमनि जे प्रकाशनि जी क्वालिटी बि हिक जहिड़ी नथी रहे।
(3) मूल रचना ऐं उन जे तर्जुमे जे विच में वक्त जी काफी वडी विथी थी रही । इन करे ताज़ियूं शाया थियलु रचनाउनि जो तर्जुमो बि केतिरनि सालनि खां पोइ मुयसर थो थिए।
(4) तर्जुमे जे वाधारे ऐं फहलाअ जो अणपूरो बंदोबस्तु आहे। इनकरे केतिरनि तर्जुमनि जी उन्हनि माण्हुनि खे ख़बर ई कोन थी पवे जिनि खे उन्हनि जी ज़रूरत आहे ऐं जेके सुठी मयार जा आहिनि।
(5) तर्जुमे जी सरगर्मीअ खे पाण में जोड़णु जो लगिभगि कोबि बंदोबस्त कोन्हे जंहिं जे नतीजे तोरि केतिरा तर्जुमा वरी वरी थियनि था। जेतोणीक मूल रचना ऐं तर्जुमनि जी विथी रहिजी थी वञे।
(6) तर्जुमनि जे अंग्रेज़ीअ मां मकानी (प्रातींय) भाषाउनि में ऐं मकानी भाषाउनि मां अंग्रेज़ीअ में वेब सर्विस अ´ा ताईं बारोतनि में आहे। मशीनी तर्जुमे MT. लाइ हेठियुनि संस्थाउनि जीअं त CDAC, VYAKARTA, MANTRA, NCST, मुम्बई - MaTra, IITs (ख़ासि करे कानपूर) & MaTra, IITs वग़ैरह इन दिशा में चङी कोशिश वर्ती आहे पर उन्हनि खे बि पंहिंजा मसैला आहिनि ऐं उहे घणे भाङे अहिड़ियुनि भाषाउनि लाइ कामयाब थिया आहिनि जिनि भाषाउनि जी वाक्य रचना हिक जहिड़ी आहे। आनलाइन ते शब्द भंडार जी मौजूदिगी ऐं शब्द भंडार सां वास्तेदार माध्यमनि जे विच में गांढापे जी आम तरह सां खोटि आहे।

पर हिंदुस्तान में के अहिड़ियूं फ़ाइदे वारियूं हालतूं बि मौजूद आहिनि जिनि जे करे तर्जुमे जी सरगर्मीअ खे हिंदुस्तान में वधाइणु में मदद मिली सघे थी, जीअं त:-
(1) हिंदुस्तान में ब बोलियूं जाणींदड़ पढ़ियलि माण्हुनि जो काफी तैदादु आहे जिनि खे हिननि सरगर्मियुनि में लगाए सघिजे थो। इएं हीउ पढ़ियल शख़्सनि जे लाइ रोज़गार जो बि अहम वसीलो थी सघे थो।
(2) हिंदुस्तान में भाषा सिखण जूं अगिमें ई केतिरियूं संस्थाऊं मौजूद आहिनि जिनि जो दाइरो आसानीअ सां वधाए सघिजे थो। सुठे तर्जुमे करण लाइ घुरिबलु डांउं या हुनुरु सिखणु अहिड़ो डुखियो न आहे इन करे उन खे हलंदड़ कोर्सनि में शामिल करे सघिजे थो।
(3) कापी राईट जो मसैलो ख़ासि तरह सां अहिड़ो डुखियो न आहे छो त तर्जुमे लाइ निस्बती काफी नंढो मार्केट आहे जंहिं जो मतलबु थियो त घटि कीमत वारा छापा आसानीअ सां मौजूद करे सघिजनि था।
(4) रुगो शुरूआती हिकु दफ़ो हिन जो ढांचो त्यारु थी वञे त तर्जुमनि जो तैदाद काफी घणो हूंदो, इन करे सस्ती छपाई ऐं ख़ान्गी संस्थाउनि जे हिसेदारीअ जी घणी ज़रूरत रहंदी।

जेके मसैला सोचणु ज़रूरी आहिनि उहे हिन रीति आहिनि:-
  » कहिड़ियूं ख़ान्गी संस्थाऊं आहिनि जेके अनुवाद जी सरगर्मीअ सां वास्तेदार आहिनि ऐं उहे केतिरियूं असराइतियूं आहिनि ?
  » ख़ान्गी संस्थाउनि जी हिन सरगर्मीअ सां वास्तेदारी कहिड़े किस्म जी हुजे ? छा अहिड़ियूं के अहम बुनियादी सहूलियतूं आहिनि जेके खुलीअ तरह सां डई सघिजनि ?
  » छा अहिड़ो को ख़ातिरीअ भरियो तरीको आहे जंहिं जे द्वारां ताज़ो शाया थियल जुदा जुदा किस्मनि जी सामग्री (जीअं ताज़ो साहित्य, चाहु पैदा कंदड़ ताज़ियूं रचनाऊं, अहम जर्नल्सि) मुख्य भाषाउनि में ख़ुदि बि ख़ुदि तर्जुमो थियनि ? इहो केरु तै कंदो त कहिड़ी सामग्री ?
  » छा इन किस्म जा फैसला मर्कज़ी सतह ते कया व´नि या राज्य सरकारनि जी गडियल वास्तेदारी द्वारां ?
  » छा कंहिं अहिड़ी पब्लिक संस्था जी ज़रूरत लगे थी जेका सामग्रीअ बाबति सोचींदी, कापी राईट जो हकु हासुलु कंदी, हिन सामग्रीअ खे वधाईंदी, उन जी नज़रदारी कंदी ऐं अलगि अलगि किस्मनि जे तर्जुमनि जो कार्य कराईंदी ?
  » हिन खेत्र में ख़ान्गी हिसेदारीअ खे कीअं वधाइजे ? छा आर्थिक मदद या बिए कंहिं किस्म जूं उत्साह डींदड़ सहूलियतूं डिनियूं व´नि जीअं हिन खेत्र जी सरगर्मियुनि में ख़ान्गी सीड़प धे? छा पब्लिशरनि सां भाईवारीअ जो कार्य वधाइजे ?
  » र्जुमे जी क्वालिटीअ जी कीअं ख़ातिरी कजे, नज़रदारी कजे ऐं रहनुमाई कजे? छा इहो ज़रूरी आहे त समर्पित ऐं सिख्या वर्तल तर्जुमे जी जाण पैदा करण लाइ ख़ासि साधन मुयसर कया व´नि ?
  » तर्जुमो कयल सामग्री खे तकिड़ो पहुचाइण लाइ कीअं हिमिथायो वञे ?
  » MT (मशीन ट्रांसलेशन) ऐं रवाइती तर्जुमे जे विच में वधीक सहयोगु करण लाइ कहिड़ियूं संभावनाऊं आहिनि ?

तकिड़ा खणण जोगा ज़रूरी कदम:-
हेठियुनि संस्थाउनि जे एवज़ियुनि द्वारां तर्जुमे जे मसैलनि ते वीचार करण लाइ कौमी सतह ते सलाहकार कामेटी काइमु करणु।
  » मर्कज़ी ऐं राज्य सरकारुनि जा अधिकारी (सरकारी भाषा, तैलीम, संस्कृती ऐं विज्ञान विभागु)
  » स्कूल यूनीवर्सिटियूं ऐं टेक्नीकल इन्सिटीट्यूट
  » उद्योग (जुदा जुदा दर्जनि जे कम कंदड़नि जी ज़रूरतुनि जा तर्जुमा)
  » संचार (मीडिया)
  » पब्लिकेशन उद्योग
  » भाषाई स्कूल

असां खे जल्दु वास्तेदार माण्हू ऐं संस्थाऊं चूंडे हिक किस्म जो बुनियादी नोटु त्यारु करे उन्हनि खे मोकिलणु घुरिजे जेको हिन खेत्र जे माहिरनि सां वीचारनि जी डे वठि करे त्यारु कयो वञे।