ज़मीमो 2:

कौमी तर्जुमो मिशन लाइ रिथा
श्री जयती घोष द्वारां छज्ञब् खे मोकिल्यलु
(यारहीं फेबरवरी 2006 ते थियलु छज्ञब् तर्जुमो वर्कशाप में बहस मुबाहिसो ऐं इन खां पोइ वर्कशाप में हिसो वठंदड़नि सां वीचारनि जी डे वठि करण खां पोइ त्यारु कयलु)

अलगि अलगि किस्म जे तर्जुमनि (माण्हुनि द्वारां, मशीन जी मदद सां, तुर्तु वग़ैरह) खां जुदा खेत्रनि (साहितिक विज्ञानिक, टेक्नीकल वग़ैरह) जे विस्तार जे तर्जुमे जे मयार खे सुधारण जी तकिड़ी ज़रूरत आहे, जंहिं सां सजे मुल्क में ज्ञान हासिलात जी पहुच वधी सघंदी। इन जी सुठी ऐं तुर्तु शुरूआत करणु जे लाइ ऐं उन खे वधाइणु ऐं मयारी तर्जुमे खे सजे मुल्क में फहिलाइण लाइ कौमी तर्जुमो मिशन काइमु करण जी ज़रूरत आहे उहा मयारी तर्जुमे जे विच में जेका कमी आहे उन खे समुझणु, ऊंचे दर्जे जे तर्जुमे खे वधाइणु, तर्जुमे जी ट्रेनिंग डियणु, हलंदड़ कम जे विच में सहयोगु काइमु करण जो कमु तुर्तु खणी सघंदी। इन जो मक़्सदु ख़ान्गी ऐं सरकारी संस्थाउनि द्वारां अगिमें हलंदड़ कम खे दुहिराइणु या ख़ान्गी ऐं सरकारी संस्थाउनि जे मथां चढ़ति करणु न आहे पर उनजो मक़्सदु उन्हनि खे मदद करणु आहे त जीअं हू पंहिंजे कम जी अगिरायुनि खे वरी जाचीन, तर्जुमे जे मयार खे बिहतरि बणाईनि ऐं इन बाबति जाण जो दाइरो वसीउ कनि।

तर्जुमे जी सरगर्मी हिन भारती उपखंड में चङे वक्ति खां जुदा जुदा वास्तेदार भाषाउनि में हलंदी रही आहे। घणे उत्साह सां तर्जुमे जी सरगर्मी केतिरियुनि ई जातियुनि जे आला शख़्सनि द्वारां भारत में ऐं बियनि हंधि बि वहिंवार जे रूप में काइमु आहे। हिक प्रोफेशन जे रूप में वेझनि डहाकनि में तर्जुमो काफी जफ़ाकशीअ वारो ऐं लाभदायक कार्य साबित थी रहियो आहे। खोजना जे रूप में अनुवाद बियनि केतिरनि ई खेत्रनि जीअं त भाषा विज्ञान, फ़िलासाफ़ी साहितिक अभ्यास, भाषा प्रतीक विज्ञान, कोश विज्ञान, मानव शास्त्र विज्ञान, काम्प्यूटर विज्ञान वग़ैरह जे अभ्यासनि सां गडिजी काफी उभरी आयो आहे पर देश में मौजूद अनेक भाषाउनि, संस्कृतयुनि ऐं कौमुनि जे हवाले में हिक बिए सां सरगर्मियुनि जे सहयोग में उनजी रफ़्तार अ´ां एतिरी तेज़ कोन्हे।

भारत जेको अनेक भाषाउनि, अनेक संस्कृतियुनि जो ऐं ज्ञान जो प्राचीन मर्कज़ु रहियो आहे उन में तर्जुमे जी सरगर्मी सदियुनि खां अगिरी पिए रही आहे। घणियुनि भाषाउनि ऐं घणियुनि संस्कृतियुनि जो खेत्रु हुअण सबबि हीउ देश केतिरनि ई साहितिक ऐं मशीनी तर्जुमे जी सिधांतिक परखुनि जो आधारु आहे। इहा उमेद कई थी व´े त रिथियल नैशनल ट्रांसलेशन मिशन NTM. समाज जे जुदा जुदा तबिकनि जीअं त उस्ताद, सिखंदड़, भाषा जा टेक्नीकल जाणू, वापारी ग्रूप, अख़बारूं हलाईंदड़ संस्थाऊं ऐं बिया मीडिया ग्रूप, तख़्लीकी अदीब, पाठक, भेटा भेटी अभ्यास कंदड़ ऐं सिधांतिक तर्जुमे सां जुड़ियल वास्तेदारनि जूं घणे वक़्त खां महसूस थींदड़ ज़रूरतुनि खे पूरो करे सघंदी।

NTM जा हेठियां मक़्सद रहंदा:
(1) तर्जुमे सां वास्तेदार भारती भाषाउनि में सूचना खे गडु करणु, तर्जुमे सां वास्तेदार सूचना हथि करणु, उन खे संभालणु, प्रकाशित थियल तर्जुमनि जी सूचना पूरी तरह सां संभाले अपडेट करणु, तर्जुमे जे ट्रेनिंग प्रोग्रामनि, तर्जुमे सां वास्तेदार साधननि खे मौजूद कराइणु ऐं नयूं सहूलियतूं, जीअं तर्जुमाननि जो ‘नैशनल रजिस्टर’ मौजूद करणु।
(2) तर्जुमे सां वास्तेदार सिधांतिक ऐं वहिंवारिक, जेतिरियूं बि भारती भाषाउनि में मुम्किनि थी सघे, उन्हनि लाइ क्लीअरिंग हाऊस थी कमु करणु।
(3) भारती भाषाउनि जे तर्जुमे ऐं तर्जुमे सां वास्तेदार सरगर्मीअ सां जुड़ियल बियुनि संस्थाउनि ऐं एजंसियुनि लाइ गां
(4) भारती भाषाउनि ऐं उनजे साहित्य जी उन प्रदेश ऐं बाहिर विदेश में आला तर्जुमनि जे द्वारां अहिमियत वधाइणु।
(5) तर्जुमे लाइ ज़रूरी साधन जीअं त बि भाषाई ऐं घण भाषाई बोलियुनि जूं मयारी डिक्शिनरियूं, जनरल ऐं स्पेशियल डिक्शिनरियूं, लफ़्ज़ गोल्हींदड़ु word finder., हम माना शब्द कोश Thesarus. वग़ैरह मौजूद कराइणु ऐं उन्हनि जो रखु रखाअ जे अभ्यास जो बंदोबस्त करणु।
(6) तर्जुमे सां वास्तेदार अभ्यास कंदड़ शख़्सनि या संस्थाउनि सां गडिजी, चाहु रखंदड़ शख़्सनि यां संस्थाउनि जे रचनाउनि खे छपाइण में मदद करणु या अकेले सिरि ख़्वाह बियनि सां गडिजी शाया करणु।
(7) अहिड़े किस्म जो फ़ोरमु त्यारु करणु जंहिं में वीचारनि जी डे वठि बाबति हिक किस्म जो समाचारु साधनु काइमु कयो वञे जंहिं में माण्हूं पंहिंजा सुवाल जवाब मोकिले सघनि।
(8) तर्जुमे जी सरगर्मियुनि बाबति Methodology ऐं रहबरीअ जी तैलीम ऐं सिख्या डियणु।

कौमी तर्जुमो मिशन जूं रिथियल मुख्य सरगर्मियूं:
rtqZekufu th rSyhe %
इहा हकीकत आहे त तर्जुमे में बि भाषापिणो हिक अहम शर्त आहे पर हीअ हिक खासि किस्म जी सरगर्मी आहे जेका उन सां वास्तेदार नुक़्तनि खे समुझण खां सवाइ नथी करे सघिजे। उन खां सवाइ अलगि अलगि किस्मनि जे कमनि लाइ जुदा जुदा हुनुर जी ज़रूरत हूंदी आहे। मिसाल तोरि विज्ञानिक ऐं तकनीकी कम जे तर्जुमे लाइ साहितिक तर्जुमे जे हुनुर खां अलगि हुनुर जी ज़रूरत हूंदी आहे। सागीअ तरह सां जुबानी तर्जुमे interpetation. जो हुनुर अ´ा एतिरो वाधारेा कयल कोन्हे। इन लाइ ख़ासि किस्म जी ट्रेनिंग जी ज़रूरत आहे जेका वास्तेदार मीडिया (रेडियो या टी.वी) सां जुड़ियल हुजे।

इन हवाले में कौमी तर्जुमो मिशन NTM. जी सरगर्मियुनि में हेठियूं सरगर्मियूं शामिल हूंदियूं:
  » थोरे वक्त जा ट्रेनिंग प्रोग्राम हलाइणु।
  » तर्जुमाननि लाइ हिकु कोर्स पैकेज जेको सजे मुल्क जे भाषा सिख्या प्रोग्राम जो हिसो थी सघे थो।
  » फेलोशिप प्रोग्राम जंहिं ज़रीए संस्थाउनि जे विच में फेलो जी डे वठु थी सघे थी उन में ख़ासि ज़ोर इन गाल्हि ते हुजे त तर्जुमो रुगो अंग्रेज़ी भाषा मां ऐं अंग्रेज़ी भाषा में थियण जे बदिरां भारत जी भाषाउनि में थिए।
  » रिर्सच प्रोजेक्ट खे हिमिथाइण जंहिं में विद्यार्थियुनि जी रिसर्च बि शामिल आहे जंहिं में ख़ासि करे मुक़रर पाठनि जा तर्जुमा मिसाल जी तोरि मौजूद कया व´नि जेके तैलीमी मक़्सदनि खे पूरो करण जे साधननि खे वधाईनि।

सूचना जो फहलाउ
जीअं त तर्जुमो हिन वक्ति घणी मशहूर ऐं फाइदेमंद सरगर्मी न आहे इनकरे तर्जुमे बाबति योग्यता जी जाण बि मुल्क में अणपूरी आहे। इहा जाण उन्हनि खे बि पूरी कान्हे जेके तर्जुमे जा इस्तैमाल कंदड़ थी सघनि था। मिसाल तोरि कंहिं ख़ासि प्रांतिक भाषा में सुठा तर्जुमान मौजूद आहिनि पर जिनि जी पब्लिशरनि खे जाण कान्हे या उन्हनि खे बि जाण कोन्हे जेके उन्हनि तर्जुमाननि जूं सेवाऊं वठी सघनि था। मैसूर जो मर्कज़ी भारती भाषा संस्थानु लगिभगि 400 उस्तादनि खे हर साल संदनि भाषा खां सवाइ बीअ हिक भारती भाषा में सिख्या डई महारत हासुलु कराए थो। इहो कार्य संस्थान जे सतनि रीजनल सेंटरनि में वीहनि भारती भाषाउनि में महारत हासुलु कराइण लाइ कयो व´े थो। इन किस्म जी सिख्या जी अहिमियत धीरे धीरे वधी रही आहे। पर सागिए वक्ति इहो डुख्यो हुनुर बि समुझियो वञे थो। जेतोणीक अहिड़नि सिख्या वर्तल (लगिभगि 11 हज़ार) माण्हुनि जी उन्हनि माण्हुनि खे बि जाण कोन्हे जेके उन्हनि जो फ़ाइदो वठी सघनि था। केतिरियुनि भाषाउनि में नंढा पब्लिशर केतिरनि ई खेत्रनि में तर्जुमा शाया कनि था पर घणनि माण्हुनि खे इन जी जाण कोन्हे।

इनकरे इन हवाले में कौमी तर्जुमो मिशन जूं मुख्य सरगर्मियूं थींदियूं:
  » तर्जुमाननि जी संदनि अलगि अलगि खेत्रनि में तर्जुमे जी महारत, हुनुर, तैलीमी योग्यता जे आधार ते तर्जुमाननि जो भंडार repository. त्यारु करणु।
  » अलगि अलगि खेत्रनि में मौजूदह तर्जुमनि जो भंडार काइमु करणु उन्हनि खे दर्जेवार विरिहाइणु उन्हनि जो केटलाग त्यारु कराइणु ऐं उन्हनि जूं खेत्रनि जे आधार ते नयूं फहिरिस्तूं त्यारु करे उहे नेम सां सभिनी तैलीमी संस्थाउनि लाइबररियुनि वग़ैरह खे मोकिलणु।

आला दर्जे जे तर्जुमनि जी सामग्रीअ खे फहलाइणु ऐं उनजो वाधारो करणु:
इहो दलील डई सघिजे थो त जुदा जुदा क़िस्म जे तर्जुमनि जी ज़रूरत आहे त पोइ मार्केट इन ज़रूरत खे पूरो करण लाइ सुठा तर्जुमा मुयसर कराईंदो हूंदो पर जाण जी कमी तर्जुमनि जी ज़रूरत खे उभरी अचण में रुकावट बणिजे थी, जीअं ज्ञान जे बियनि खेत्रनि में बि आहे। तव्हां खे ख़बर नथी पवे त तव्हां खे कहिड़ी जाण न आहे जेसिताईं तव्हीं उन जाण खां वाकुफ़ नथा थियो। इन खां सवाइ, उहे संस्थाऊं जेके साहितिक सामग्रीअ जे तर्जुमे जी सरगर्मीअ सां जुड़ियल आहिनि (जीअं नैशनल बुक ट्रस्ट, ग्रंथ अकादमी वग़ैरह) उहे साबिती डींदियूं त मकानी भाषा में तर्जुमो थी शाया थियल किताबनि जी केतिरी घणी घुर आहे।

इहो यादि रखणु ज़रुरी आहे त इन किस्म जा तर्जुमा हिक तरफ़ा अंग्रेज़ीअ मां बियुनि भारती भाषाउनि में न थींदा रहनि, पर भारती भाषाउनि में जेका अणमई सामग्री मौजूद आहे उन जो फहलाउ अंग्रेज़ी ऐं बियुनि भारती भाषाउनि में थिए, ख़ासि करे सर्जनात्मक साहित्य जे अनूवाद खे बराबरीअ जी नज़र सां डिठो व´े जीअं डिसण जी परम्परा आहे। उन गाल्हि जी ज़रूरत आहे त बराबरी जे ख़्याल खां, फहलाअ जे घटि वधि वाधारे जे ख़्याल खां, भाषाउनि जी जेका हूंअ हिक जहिड़ाई आहे उन में फ़र्कु न कयो व´े। इन में मूल भाषा ऐं उन मां अनुवाद कंदड़ भाषा जे विच मं फ़र्कु न कयो व´े ऐं भारत में घणभाषाईपिणे ऐं घणसंस्कृतीपिणे जे ख़़्याल खे हिमिथायो व´े। कुछु तर्जुमनि जो किनि खेत्रनि में अगि में फहिलजणु शुरू थी वियो आहे (जीअं डाक्टर आम्बेडकर जी रचनाउनि जो केतिरियुनि ई अलगि अलगि भाषाउनि में तर्जुमो थियो आहे।) जंहिं मां नईं समाजिक जाग्रिती ऐं नवनि पढ़ंदड़नि जी ज़रूरत ऐं इछाउनि जो अनूमानु लगाए सघिजे थो।

साहितिक तर्जुमे जे बनस्बति विज्ञान ऐं टेक्नीकल तर्जुमे में धारणाउनि ऐं वसफी लफ़्ज़नि जो मयारी हुअणु वधीक ज़रूरी आहे जीअं धारणाउनि खे वधीक बिहतरि नमूने समुझी सघिजे ऐं भाषाउनि जे विच में सविलाईअ सां डे वठि करे सघिजे। इन खां सवाइ अजु कल्ह तर्जुमो घटि अहिमियत वारी सरगर्मी आहे, उजूरे जे ख़्याल खां बि ऐं समाजिक कदुर जे ख़्याल खां बि, उनखे बदिलाइणु ज़रूरी आहे। हिते इहो बि ध्यानु रखणु ज़रूरी आहे त तर्जुमो हिक शख़्सी सरगर्मी आहे पर तंहिं खां सवाइ हूअ समाजिक सरगर्मी बि आहे जंहिं में कामयाबीअ जे लाइ जुदा जुदा माण्हुनि जी अलगि अलगि सतहुनि ते टीम वर्क जी ज़रूरत आहे।

हिन हवाले में NTM जूं हेठियूं ख़ासि सरगर्मियूं सोचे सघिजनि थियूं।
  » हिन हवाले में छज्ड जूं हेठियूं ख़ासि सरगर्मियूं सोचे सघिजनि थियूं।
  » तर्जुमे जी सहकारी सरगर्मी ऐं वडे अर्से जे घणभाषाई तर्जुमे जे प्रोजेक्टनि, तर्जुमाननि जा वर्कशाप जीअं हू हिक बिए सां वीचारनि जी ऐं पंहिंजे अनूभव जी डे वठि करे सघनि, उनखे हिमिथाइणु।
  » मयारी तर्जुमे जी शुरूआती विकिरे जे ख़्याल खां पब्लिशर ऐं लाइबररियुनि जे विच में संबंधु काइमु करणु ऐं मोटाए ख़रीदणु।
  » सरकारी ऐं ख़ान्गी संस्थाउनि, पब्लिशरनि ऐं ख़रीदारनि जो तर्जुमे जी सामग्री त्यारु कंदड़नि जे विच में गांढापो काइमु करणु।
  » जीअं मकानी भाषाउनि में उन्हनि जो वधीक फहलाउ थिए इन लाइ मौजूदह मसैलनि ऐं बिए दिलचस्पीअ भरियूं ऐं तर्जुमे जी कारगर मौज़ूनु खे मख़्ज़नुनि में शुरूआती तर्जुमनि लाइ रिआयतूं डियणु (जीअं नयूं विज्ञानिक, इकोनोमिक ऐं राजनैतिक हफ़्तेवार अख़बारूं वग़ैरह)
  » इस्कूलनि, कालेजनि ऐं यूनीवर्सिटयुनि जे पाठ्यक्रम Syllabus. ख़ासि करे साहित्य अभ्यास जे पाठयक्रम में बियुनि भाषाउनि मां तर्जुमो कयल सामग्रीअ खे शामिल करण लाइ सुझाव डियणु।
  » इहो सुझावु डियणु त इस्कूलनि ऐं कालेजनि में रिर्सच सेंटर ऐं ख़ासि किताबी कुंड (ख़ासि करे तर्जुमे जी सामग्री सां वास्तेदार) क़ाइमु करणु।
  » घटि नज़र ईंदड़ हमेशह हलंदड़ सरगर्मी जंहिं में बि भाषाई लियाकत ते ज़ोरु हुजे (जीअं कर्नाटक पोलीस आफ़ीसरसि परीक्षा में तर्जुमे में लाज़मी विभाग) उनखे वधाइणु।
  » नंढनि शहरनि ऐं गोठनि ताईं तर्जुमो कयल सामग्री पहुचाइणु जे साधननि ते वीचारु करणु उन लाइ बियुनि सरकारी ऐं समाजिक संस्थाउनि (जीअं त नैशनल लिट्रसी मिशन ऐं भारत ज्ञान विज्ञान समिती) जो इस्तैमाल करणु।

मशीनी तर्जुमे जो वाधारो
नईं टेक्नीकल जाण, जल्दु ऐं वडी तैदाद में घटि ख़र्च सां तर्जुमो करण लाइ उत्साह डींदड़ वझ मुयसर करे थी जेतोणीक टेक्नीकल तोड़े इन्सानी साधननि जे ख़्याल खां बिन्ही हवालनि में केतराई सोचणु जोगा विषय आहिनि। कौमी तर्जुमो मिशन, मशीनी तर्जुमे जे हवाले में हेठियें नमूने मदद करे सघे थी
  » ज़रूरी साधन, ख़ासि करे डिजिटल साधन, जीअं त हम माना शब्द कोश Thesarus., बि भाषाई डिक्शिनरी, तर्जुमे जी मेमरी memory. जो साफ़्ट वेअर मुयसर करणु जिनि जो असरदार ऐं सुठे तर्जुमे करण में र्तुतु इस्तैमाल थी सघे थो।
  » शब्द साधन जीअं त ई-डिक्शिनरी, वर्ड नेट्सि, भाषाई विश्लेषण ऐं संयोजन जा साधन शब्द दुहरावट विश्लेषण करण जा साधन मशीनी तर्जुमे जा लाज़मी जुदा आहिनि। हीउ साधन कंहिं बि हिक संस्था द्वारां मौजूद करणु मुम्किनि न आहिनि पर इन लाइ घणियुनि संस्थाउनि जी घणे वक्ति लाइ थींदड़ कोशिशि जी ज़रूरत आहे। कौमी तर्जुमो मिशन उन्हनि जे लाइ हिकिड़ो प्लेटफार्म मौजूद करे सघे थी जिते लगातार हिक बिए सां वीचारनि जी डे वठि द्वारां इन किस्म जो कार्य थी सघे थो।
  » मूल पाठ ऐं रचना ऐं उन्हनि जा तर्जुमा साफ सुठे डिजिटल रूप में जेतिरे कदुरु थी सघे कौमी तर्जुमो मिशन वटि मौजूद थियनि ऐं कौमी तर्जुमो मिशन उन्हनि जा कापी राईटस या इस्तैमाल जा हक वास्ता हासुलु करण जी कोशिशि करे- कौमी तर्जुमो मिशन लाइ इहो ज़रूरी थींदो त उहा हिन हासुलु थियल डिजिटल सामग्रीअ जी XNL ऐं DTDs जी निशानियुन सां मयारी रूप में सार संभाल लहे।
  » अजुकल्ह अंतरराष्ट्रीय लाड़ो इन किस्म जो आहे त वसीउ शब्द भंडार Carpora. जो पूरियुनि मानाउनि निशानियुनि सां बियो मयारी समानान्तर शब्द भंडार विकसित कयो वञे। इन किस्म जे माना ऐं लफ़्ज़नि जी वास्तेदारी जोड़ींदड़ वसीउ शब्द भंडार Carpora मशीन लर्निंग तकनीक सां वास्तेदार मशीनी तर्जुमे जे लाइ ज़रूरी समुझयो थो व´े। हिन किस्म जी वसीउ डेटा जो अनूमान करे इहो सोचे सघिजे थो त इन लाइ शुरूआती काफी घणी सीड़प जी ज़रूरत आहे जेका कंहिं बि हिक संस्था न कई आहे, पर NTM इन्हनि कोशिशुनि में सहकार डई मददगार थी सघे थी।
  » यूनाईटेड नेशनस जे पारां 1996 में ‘यूनीर्वसल नेटर्वकिंग लैंग्वेज UNL. शुरू कई वई हुई जंहिंमें 15 मुल्कनि जी शिर्कत हुई, इन ई तर्ज़ ते (इंटरलिंग्वल) आपसी भाषाई संबंध जी बुनियाद ते तर्जुमे जी कोशिश खे वधाइणु। (IIT मुम्बई अगि में ई केतिरनि साधननि ऐं तकनीक जो अंग्रेज़ी ऐं भारती भाषाउनि जो मशीनी तर्जुमे जे हवाले में विकास कयो आहे जंहिं खे वधाए आम इस्तेमाल जो बणाए सघिजे थो।)