|
|
ज़मीमो 3:
|
|
NTM जो ढांचो
|
बियुनि संस्थाउनि जे ख़्याल खां, कौमी तर्जुमो मिशन जी रचना लचीले रूप में हिकिड़ी नंढी
संस्था हूंदी पर इन जी बजेट ऐतिरी हूंदी जो हू पंहिंजे मक़्सदनि सां वास्तेदार खेत्रनि
खे धनु मुयसर कराए सघे। NTM जो हिकिड़ो डाइरेक्टर जनरल हूंदो जंहिं खे मदद करण लाइ 15
खां 20 माण्हुनि जो पूरे वक्त वारो एकेडिमिक अमलो, हूंदो ऐं एतिरी ई तैदाद में बियो
मददगार अमलो हूंदो (जंहिं में अकाउंट/आडिट, लाइबररी ऐं सूचना, वेब बनावट ऐं प्रिंट
माहिर, एडिटिंग सहायक, प्रोग्राम आयोजन कंदड़ सहायक, टेक्निशन/दस्तावेज़ अमलो वग़ैरह शामिल
हूंदा।) NTM जी हिक सलाहकार समिती हूंदी जेका हिन खे सरगर्मियूं हलाइण में मदद कंदी।
फ़ैसिला करण वारी समितीअ जा डह मेम्बर हूंदा, जेके तर्जुमाननि, अकेडिमिशन, प्रकाशकनि
वग़ैरह जा एवज़ी हूंदा जिनि जी मुकररी कंहिं वारेसिरि नमूने (मिसाल तोरि बिनि या टिन
सालनि जे मुदे खां पोइ बिनि मेम्बरनि जी हर साल बदल सदल) थींदी।
NTM जो मुख्य ध्यानु सूचना, सूचना जो इस्तैमाल, ट्रेनिंग ऐं तर्जुमे जे खेत्र में सर्जनात्मकता
ते हूंदो। छज्ड मर्कज़ी ढंग सां कमु न कंदी पर घणनि ई सतहुनि सां वास्तेदार हूंदी जिनि
में राज्य ऐं मकानी सतह जी जुदा जुदा संस्थाउनि में सहकारु काइमु करणु शामिल आहे।
NTM जुदा जुदा संस्थाउनि खे पाण में गंढण ऐं उन्हनि खे सहकारु डियण जो कमु कंदी जीअं
दुहरावट खे रोके सघिजे ऐं सहकार खे वधाईंदे तर्जुमे जी सरगर्मीअ खे हिक गडियल पर लचीले
रूप में वधाए सघिजे। इन्हनि संस्थाउनि में हेठियूं संस्थाऊं अची व´नि थियूं जीअं नैशनल
बुक ट्रस्ट, यू.जी.सी U.G.C., साहित्य अकादमी, तर्जुमे जा सेंटर, सेंट्रल इन्सिटीट्यूट
आफ़ इन्डियन लैंगवेजिज़ CIIL., यूनीवर्सिटी जा उहे विभाग जेके तर्जुमे जा कोर्स ऐं तर्जुमे
सां वास्तेदार रिसर्च जो प्रोग्राम हलाइनि था, ग्रंथ अकादमी ऐं बियूं राज्य जी सतह
जूं संस्थाऊं पब्लिक लाइबररियूं वग़ैरह। इन खां सवाइ इन कम में पब्लिशर, अख़बारूं ऐं
बिया मीडिया जा साधन कार्पोरेशनूं किताब फ़ुरोश बि शामिल हूंदा। तंहिं खां सवाइ NTM
उस्ताद, शार्गिद, माइट सुजागु सिखंदड़ ऐं बियनि नगरवासियुनि सां लहविचड़ में ईंदी जीअं
उन्हनि जी ज़रूरतुनि ऐं शख़्सी कमु कंदड़नि जे विच में लागापो काइमु थिए ऐं उन्हनि जे
विच में सहकारु वधे।
दलील जे ख़्याल खां NTM जे लाइ इहो सहूलियत भरियो थींदो त उहा लाज़िमी तोरि भारत जे जोड़जक
जे अठें शिडयूल में बुधायल 22 मुख्य भाषाउनि सां पंहिंजो कार्य शुरू करे पर बियुनि
मकानी बोलियुनि जी अहिमियत, संभाल ऐं उन्हनि सां जाण जी डे वठि खे बि विसारणु न घुरिजे।
इहो सोचियो वञे थो त ही सरगर्मियूं करण लाइ कौमी तर्जुमो मिशन यारहीं योजना में काइमु
कई वञे जंहिं जी रिथयल बजेट सजी योजना लाइ 250 करोड़ थींदी (जंहिं मां लगिभगि 80 करोड़
रुपया व्यवस्था, अमले ऐं इस्कालरशिप जे लाइ ऐं लगिभगि 170 करोड़ बाकी बियुनि सरगर्मियुनि
लाइ जंहिं में बियुनि संस्थाउनि खे माली मदद बि शामिल हूंदी)। यारहीं योजना जे अनूभव
जे आधार ते हीअ मुदो वधाए बि सघिजे थो। कौमी तर्जुमो मिशन खे ज़रूरी बुनियादी ढांचो
खड़ो करण लाइ हिक वक्ति जी, कंहिं यकी रकम जी ज़रूरत पइजी सघे थी।
इहो बि फ़ैसिलो करिणो आहे त कौमी तर्जुमो मिशन क़ाइमु करणु ऐं उन खे वधाइणु जो कार्य
मानव संसाधन विकास मंत्रालय ख़ासि करे लैंगवेज ब्यूरो खे सोंपियो व´े जंहिं जे हथ हेठि
यूनीवर्सिटयूं IITs, NBT ऐं केतिराई भाषा विभाग - सेंट्रल इन्सिटीट्यूट आफ़ इन्डियन
लैंगवेजिज़ सूधो कमु करे रहिया आहिनि या NTM संस्कृती मंत्रालय (जंहिं जे अंदर साहित्य
अकादमी आहे) खे सोंपियो वञे।
इहा बि वीचारु करणु जहिड़ी गाल्हि आहे त छा सरकार खे सोंपणु खां अवलि हिन रिथा ते वधीक
गंभीरता सां वीचारु करण जी ज़रूरत आहे इन खां सवाइ वास्तेदार मंत्रालयनि IT Culture,
HRD. सां सलाह मसिलहत करण खां सवाइ हिक कामेटी जे क़ाइमु करण जी संभावना आहे जंहिं कामेटीअ
जा हेठियां डह मेम्बर हुजनि ऐं जेका थिंक टेंक Think Tank. बणिजी कमु करे।
|
|
(1)
|
प्रोफेसर बिपिन चंदर (चैरमेन NBT)
|
|
(2)
|
प्रोफेसर सत्चिदानंदन (सेक्रेट्री साहित्य अकादमी) या डाक्टर निर्मल कांती भटाचारजी (संपादक, इन्डियन लिटरेचर ऐें मेम्बर साहित्य अकादमी)
|
|
(3)
|
प्रोफेसर प्रमोद तलगेरी (अगियों V.C, CIEFL हाणे JNU में) या प्रोफेसर अलोक भला CIEFL
Hyderabad.
|
|
(4)
|
प्रोफेसर इंद्रनाथ चैधरी (अगियों हिंदी जो प्रोफेसर दहली यूनीर्वसिटी, डाइरेक्टर नेहरू सेंटर ऐं सेक्रेट्री साहित्य अकादमी)
|
|
(5)
|
प्रोफेसर अनन्थमूर्थि (अगियों प्रेज़ीडेंट साहित्य अकादमी ऐं V.C महात्मा गांधी यूनीवर्सिटी) या गिरीश कर्नाड (अगियों डाइरेक्टर, नेहरू सेंटर)
|
|
(6)
|
प्रोफेसर अमिया देव या प्रोफेसर नबनीता देव सेन (बई अगियां प्रोफेसर कम्पेरेटिव लिटरेचर जादवपुर यूनीवर्सिटी)
|
|
(7)
|
प्रोफेसर एस.बी.वर्मा (अगियों जापान जो प्रोफेसर, JNU ऐं मशहूर तर्जुमान)
|
|
(8)
|
प्रोफेसर हरीश त्रिवेदी, अंग्रेज़ी विभागु, दहली यूनीवर्सिटी
|
|
(9)
|
प्रोफेसर पुष्पक भटाचार्य (IIT मुम्बई)
|
|
(10)
|
प्रोफेसर उदय नारायण सिंघ (डाइरेक्टर CIIL मैसूर) - संयोजक
|
|
|
|
|
|