|
|
ध्यानु छिकाईंदड़ मुष्किलातूं
हिन कम लाइ केतिरनि ई इदारनि ऐं संस्थाउनि सां लह विचड़ में अचण ऐं गांढापो क़ाइमु करण
जी ज़रूरत आहे जीअं कम जो दुहराउ ऐं दख़्ल अन्दाज़ी न थिए। मुख्य तोरि इहे संस्थाऊं आहिनि-कमीशन
फ़ार साईंटिफ़िक ऐन्ड टेक्नीकल टरमिनालाजी (CSTT), नैशनल बुक ट्रस्ट (NBT), यूनीवर्सिटी
ग्रांटस कमीशन (UGC), साहित्य अकादमी, सेन्ट्रल इन्सिटीट्यूट आफ़ इन्डियन लेंगवेजिज़
(CIIL) मैसूर, ग्रंथ अकादमियूं, आम लाइबररियूं, वगै़रह। सागीअ तरह प्रकाशकनि, अख़्बारुनि
ऐं बियुनि सूचनाउनि जे ज़रीअनि, वापारी घराणनि ऐं बुक सेलरनि सां पिणु रिश्ता क़ाइमु
करिणा पवंदा मतलबु त मौजूदह सभिनी अहिड़ियुनि संस्थाउनि, जेके हिन डिस में कमु करे रहियूं
आहिनि, इन्हनि में हिकु संबंधु क़ाइमु कयो वञे ऐं इन्हनि सां गडिजी नईं ताक़त सां गडु
कमु कयो वञे।
|
|
क़ौमी तर्जुमो मिशन जे साम्हूं हेठियां मुख्य मसैला आहिनि
|
हिन्दुस्तानु घणियुनि बोलियुनि जो मुल्क़ हुअण करे, हिक बोलीअ मां बीअ बोलीअ में तर्जुमो
करण में काफ़ी गंुजाइश मौजूद आहे, हिननि में का बि बोली नंढी या वडी हुअण जो सुवालु
पैदा नथो थिए, बशर्तीक असीं अहिड़ा वसीला गोल्हियूं जीअं हीउ सिरिश्तो सवलाईअ सां हली
सघे।
ज्ञान जे किताबनि जे तर्जुमे लाइ तक्नीकी ऐं विज्ञानिक लफ़्ज़नि जी ज़रूरत पवंदी ऐं बोलीअ
में ग़ैर मयारी ऐं कंहिं ख़ासि हंध जा मख़सूस लफ़्ज कमि आणण खां परहेज़ करिणी पवंदी ऐं इन
सां गडु ज़हनी सतह ते लफ़्ज़नि जे मफ़हूम बाबति चिटाईअ जी ज़रूरत पवंदी, जीअं हिक बोलीअ
मां बी बोलीअ में तर्जुमो सविलो थी सघे। इहो हिन संस्था जे साम्हूं हिकु मुख्यु मसैलो
आहे।
|
|
तर्जुमो हिक महारत जो कमु आहे ऐं जंहिं में वधीक महारत हासुलु करण जी हमेशह ज़रूरत आहे,
ख़ासि करे उन हालत में जडहिं तर्जुमो किन ख़ासि विषयनि जे किताबनि में करिणो हुजे। मिशन
तर्जुमाननि जी वधीक ख़ासि सिख्या लाइ हेठियां क़दम खणी सघे थी
|
|
1-
|
तर्जुमाननि लाइ थोरे वक़्त जा कोर्स हलाइणु जेके कंहिं ख़ासि मक़्सद लाइ हुजनि जीअं
त तुर्तु तर्जुमो, हेठियां सिरा डियणु, क़ानूनु, मूल विज्ञानु, वहंवारिक विज्ञानु, समाज-शास्त्र
विज्ञानु वगै़रह विषयनि जे तर्जुमे बाबति जंहिं में इन्हनि विषयनि जे माहिरनि खे पिणु
शामिल कयो वञे।
|
|
2-
|
तर्जुमाननि जे सहूलियत लाइ सिख्या जा नंढा कोर्स ऐं पाठ त्यारु कया व´नि जेके बोली
सेखारण जे पाठ्यक्रम जो हिसो हुजनि जेके पाठ्यक्रम सजे मुल्क में हली रहिया आहिनि या
वरी रोज़मिरह जे सिख्या बैदि या मोकलुनि में हिननि जा क्लास हलाया वञनि।
|
|
3-
|
तर्जुमे जे ख़ासि वाधारे लाइ युनीवर्सिटियुनि ऐं बियुनि संस्थाउनि खे हिमिथाए ऐं मदद
करे अहिड़ी सिख्या जो बंदोबस्त करणु।
|
|
4-
|
खोजना जे कार्यनि खे उत्साहित करणु जंहिं में शागिर्दन में खोजकार्य लाइ चाहु पैदा
करणु जो इस्मु पिणु शामिल हुजे जीअं किताबनि जो सुठो तर्जुमो करे सघिजे ऐं सिख्या जे
मक़्सद जी पूराईअ लाइ जोगो मवादु मुयसर करे सघिजे।
|
|
5-
|
फ़ेलोशिप जो सिरिश्तो क़ाइमु करणु जंहिं सां आलिमनि ऐं इदारनि विच में लह विचड़ जो रिश्तो
जुड़े जंहिं मां हिंदुस्तानी बोलियुनि जे विच में तर्जुमनि खे हथी मिले।
|
|
6-
|
किन ख़ासि मिसाली किताबनि खे खणी कार्य शालाऊं हलाइणु जिते आलिम ऐं शागिर्द गडु थियनि
ऐं किताबनि जे मख़सूस पहलुनि, जीअं त जाण जो हिसो, वस्फी लफ़्ज़नि जो अभ्यासु ऐं सभ्यतिक
ऐं बोलीवार पहलुनि ते ग़ौरु कनि ऐं ख़ातिर ख़्वाह नतीजा हासुलु करे सघनि।
|
|
7-
|
सागीअ तोरि तर्जुमनि जी नज़रसानी, संपादन ऐं दस्तावेज़नि जे संपादन जे हुनुर बाबति कार्य
शालाऊं हलाइणु।
|
मुल्क में तर्जुमाननि खे अणपूरो ज्ञानु हासुलु आहे, छाकाणि जो को हिकु मर्कज़ु न आहे
जितां इहो ज्ञानु हासुलु करे सघिजे ऐं बियनि बोलियुनि जे तर्जुमाननि जे भेट में अंग्रेज़ी
बोलीअ जे तर्जुमाननि जे ज्ञानु चङेरो आहे छाकाणि जो उहे समूरे मुल्क खे ध्यान में रखी
कमु कनि था
हिन मुश्किलात खे मुंहुं डियण लाइ मिशन तर्जुमो थियल किताब हासुलु करे ऐं तर्जुमाननि
बाबति जाण हासुलु करे हेठियां क़दम खणी सघे थी।
|
|
1-
|
तर्जुमाननि जा तफ़सील ऐं तर्जुमाननि जो भंडारु त्यारु करणु, जंहिं में जुदा जुदा विषयनि
जे बोलियुनि जी ऐं महारत जी जाण डिनल हुजे।
|
|
2-
|
काम्प्यूटर ते मौजूदह तर्जुमनि जी, अलगि अलगि विषयनि मूजिब हिंदुस्तान जी जुदा जुदा
बोलियुनि में किताबनि जी यादाशित त्यारु करणु, जंहिं में अंग्रेज़ीअ सां गडु बियूं बोलियूं
पिणु शामिल हुजनि। हिन काम्प्यूटर प्रोग्राम में इहा सहूलियत पिणु हुअणु घुरिजे त जे
कडहिं को जाण में इज़ाफ़ो करणु चाहे त करे सघे।
हिननि बिनि कमनि खे लगातारि नितु नओं रखणु घुरिजे, जंहिं लाइ यूनीवर्सिटियुनि, प्रकाशकनि,
क़ौमी लाइब्रेरियुनि, अकाडमियुनि, नैशनल बुक ट्रस्ट, कमीशन फ़ार साईंटिफिक ऐंड टेक्नीकल
टर्मिनालाजी वग़ैरह सां काम्प्यूटर ते लागापो क़ाइमु कजे।
साहित्य अकादमीअ साहितिक तर्जुमनि जो भंडार ठाहियो आहे जो ‘अनूकृती’ वेबसाइट CIIL ते
मौजूदु आहे। साहित्य अकादमी तर्जुमाननि जे यादाशित जो किताब पिणु छपायो आहे जंहिं में
हिंदुस्तानी बोलियुनि जे मुख़्तलफ़ बोलियुनि जे तर्जुमाननि जा तफ़्सील आहिनि, पर उन्हनि
खे ताज़ो रखण ऐं वधाइण में तसलीम थियल बोलियुनि खे पिणु शामिल कयो व´े। जीअं त हीअ फ़हिरिस्त
सिर्फ़ साहित सां वाबसता तर्जुमाननि जी आहे, तंहिं करे क़ौमी तर्जुमो मिशन खे सभिनी
जुदा जुदा विषयनि जी लिस्टि त्यारु करण लाइ हिंदुस्तान जे जुदा जुदा भाङनि मां संपादकनि
सां राब्तो क़ाइमु करे हिन लिस्टि खे मुकमिल बणाइणु घुरिजे।
|
तर्जुमा ऐं तर्जुमान वधीक अवाम जे नज़रुनि में अचणु खपनि। तर्जुमान खे संदसि कम लाइ
केतिरो लवाज़मो थो मिले, इहो पिणु हिकु पहलू आहे, जंहिं जी नएं सिर नज़रसानी करणु ज़रूरी
आहे। हाणे असां तर्जुमे खे हिकु पेशो करे मञू था ऐं अगिते हली हीउ हिक उद्योग जो दर्जो
हासुलु कंदो। असां खे अहिड़ियूं हालतूं पैदा करिण्यूं आहिनि जंहिं में तर्जुमानु हिक
आबरूदार ज़िन्दगी घारे सघे, भले उहो खेत्रु कहिड़ो बि हुजे।
इहो पिणु मुम्किन आहे त जुदा जुदा एराज़ियुनि जा तर्जुमा NTM में रजिस्टर थियनि जीअं
कंहिं तरह जो मयारु ऐं मापा मुक़रर करे सघिजनि ऐं सुठे कम जी क़दुरशनासी थी सघे। विषयनि
सां वास्तेदार माहिरनि ऐं शामिल कयल बोलियुनि जे असुलोकनि माहिरन ऐं सुजाण पाठकनि जूं
कामेटियूं त्यारु कयूं व´नि जे तर्जुमे जे मयार बाबति फ़ैसिलो कनि त तर्जुमान क़ौमी सतह
ते तर्जुमाननि जे ग्रूप जो हिसो थी सघण जे लाइकु़ आहिनि ऐं जेके लाइकु़ मेम्बर हुजनि
तिनि खे सर्टीफ़िकेट डिना वञनि ऐं इख़ित्यारीअ पारां तैलीम डिनी वञे ऐं संदनि नाला NTM
जे वेबसाईट ते डिना वञनि।
|
|
तर्जुमनि बाबति अवाम खे जाण डियणु ऐं उन्हनि ताईं पहुचाइण लाइ के तजिवीज़ूं हिन रीति
आहिनि।
|
|
1-
|
तर्जुमनि जे किताबनि जो महूरत उत्सवु कयो वञे।
|
|
2-
|
तर्जुमनि लाइ इनाम ऐं तर्जुमाननि लाइ यूनीवर्सिटीअ में फेलोशिप जो बंदोबस्त कयो वञे।
|
|
3-
|
जुदा जुदा हंधनि ते अनुवाद मेला कया व´नि, बहस कया वञनि, प्रदर्शिनियूं कयूं वञनि।
|
|
4-
|
लाइबे्ररियुनि सां गांढापो क़ाइमु कयो वञ जेका मयारी तर्जुमनि लाइ शुरूआती विकिरे जो
मौक़ो मुयसर करे।
|
|
5-
|
सरकारी इमदाद हेठि, प्रकाशकनि, लेखकनि ऐं तर्जुमाननि खां अर्ज़ियूं घुराए, ख़रीदीअ जे
हिसाब मूजिबु खेनि जोगी मदद करणु।
|
|
6-
|
तर्जुमाननि ऐं प्रकाशकनि खे क़ौमी तर्जुमो इख़ित्यारीअ NTM-GIA पारां सरकारी मदद डई उत्साहित
करणु।
|
|
7-
|
वेबसाईट तां तर्जुमो, ख़ासि करे तैलीमी मवादु बिना कंहिं कीमत डियण जे उतारे सघणु या
उन लाइ प्रकाशकनि खे नाले मात्र कीमत डियणु।
|
|
8-
|
तर्जुमाननि, यूनीवर्सिटीअ जे डिपार्टमेन्टनि जिनि में तर्जुमे करण लाइ ख़ासि कोर्स हलनि
था ऐं उहे प्रकाशक जेके घणा तर्जुमा शाया करण लाइ ख़्वाहनि आहिनि, तर्जुमनि जे ख़रीदारनि
ऐं कमु आणींदड़नि खे हिक हंधु गडु करणु ऐं लह विचड़ में अचण जो वसीलो जोड़णु।
|
|
9-
|
अंग्रेज़ी तोड़े हिंदुस्तानी बोलियुनि में तर्जुमो करण लाइकु़ किताबनि या उन्हनि मख़्ज़नुनि
खे जेके काम्प्यूटर तां मवाद जो तर्जुमो छापीनि ऐं मुख्य मख़्ज़नुनि खे या जेके मख़्ज़नूं
अलगि अलगि विषयनि ते हिंदुस्तानी बोलियुनि में सिलसिलेवारु मवाद छापीनि, तिनि सभिनी
खे सरकारी मदद डियणु।
|
|
10-
|
क़ौमी ऐं राज्य जे सतह ते अभ्यासी सिरिश्ते में तर्जुमो थियल मवाद खे जोगी जाइ डियणु
लाइ खेनि आमादह करणु ऐं उत्साहित करणु।
|
|
11-
|
तैलीमी इदारनि में तर्जुमो थियल किताबनि लाइ ख़ासि मर्कज़ बर्पा करणु ऐं लाइबररियुनि
में मख़्सूसु जाइ रखण जी कोशिश करणु।
|
|
12-
|
घणियुनि बोलियुनि जी जाण जी अहमियत खे ज़ाहिर करण लाइ किथे उहो हुनरमंदीअ वारो आहे ऐं
कमाइतो आहे, उहा जाण पखेड़णु ऐं आम इम्तहाननि, नौकरीअ लाइ इम्तहाननि में इन्हनि जी ज़रूरत
जी अहमियत ज़ाहिर करणु।
|
|
13-
|
हिंदुस्तान जे नंढनि शहरनि ऐं गोठनि में समाजी संस्थाउनि सां लागापो पैदा करणु, जीअं
तर्जुमो थियल किताब खेनि मुयसर थी सघनि।
|
|
|