कानूनी

‘क़ौमी तर्जुमो मिशन’ कारोबारी फ़रमान जे द्वारां वजूद में ईंदी, जंहिं जो मुख्य मर्कज़ सेन्ट्रल इन्सिटीट्यूट आफ़ इन्डियन लैंगवेजिज़ CIIL थींदो। CIIL जी मुख्य आफ़ीस मैसूर में आहे पर वास्तो रखंदड़ आफ़ीस दहलीअ में पिणु आहे। हिन तरह कम करण सां केतिरा ई फ़ाइदा थींदा। मौजूदा पंज साली योजना बैदि जडहिं क़ौमी तर्जुमो मिशन पंहिंजनि पेरनि ते पुख़्तो बीहणु शुरू कंदी तडहिं हिन खे CIIL खां अलगि करे हिक ख़ुदमुख़्तियार संस्था जो दर्जो डिनो वेंदो, जंहिं खे सोसाइटीज़ रजिस्ट्रेशन ऐक्ट 1860 जे द्वारां बर्पा कयो वेंदो।

क़ौमी तर्जुमो मिशन जो इंतिज़ामी सिरिश्तो नन्ढो ऐं लिचकिणो बणायो वियो आहे, जंहिं में घटि में घटि बाहिरियनि साधननि जी ज़रूरत पवे। शुरूअ में हिन सजे सिरिश्ते में टे सतह रखण जी मुराद आहे।

  » सलाहकार कामेटी, जंहिं जो अगुवान Human Resource Minister HRM. जो मानवारो मंत्री थींदो।
  » कारोबारी बोर्डु जंहिं जो सरकरदो HRD मिनिस्टर पारां को नामियारो विद्वान थाफियो वेंदो ऐं इहो वक़्ति बि वक़्ति बोर्डु ऐं हिन इस्कीम जे कम ते नज़रसानी कंदो रहंदो।
  » आम काऊंसिल जंहिं में हिकु सौ हिकु मेम्बर हूंदा, जेका क़ौमी तर्जुमो मिशन जी नुमाईंदी कंदड़ संस्थाउनि ऐं शख़्सनि जी ठहियल हूंदी जेके क़ौमी तर्जुमो मिशन जो हिसो हूंदा।

घणे सोच वीचार खां पोइ इहो तै कयो वियो आहे त फ़क़ति सलाहकार कामेटी ठाही वेंदी, जा 25 मेम्बरनि जी हूंदी, जंहिं जो कमु रिथा जी रहनुमाई करणु ऐं नज़रसानी करणु हूंदो। CIIL जो डाइरेक्टर, क़ौमी तर्जुमो मिशन सलाहकार कामेटीअ जे विच में गांढापे जो कमु कंदो ऐं हू जेसिताईं क़ौमी तर्जुमो मिशन जे रिथा लाइ डाइरेक्टर मुक़रर न कयो वियो आहे, तेसिताईं कम खे बिना रोक हलाइण लाइ CIIL जो तैलीमी सेक्रेट्री, क़ौमी तर्जुमो मिशन ऐं रिथा सलाहकार कामेटीअ जो सेक्रेट्री पिणु थी रहंदो। हिन कामेटीअ में भारत सरकार जे आला तैलीम जो डाइरेक्टर, MHRD या आला तैलीम जो निमाइंदो, JD &FA या IFD HRD. ऐं कमीशन फ़ार साईंटिफिक ऐंड टेक्नीकल टर्मिनालाजी याने CSTT नईं दहलीअ जो सदरु बि नुमाईंदे तोरि रहंदा।

मथियनि पंजनि मेम्बरनि बैदि बिया वीह मेम्बर मिनिस्ट्री आफ़ HRD पारां वारे वटीअ सां थाफिया वेंदा। a. ब एवज़ी उन्हनि यूनीवर्सिटियुनि मां हूंदा जिते तर्जुमो सेखारण जो बंदोबस्त आहे। b. ब एवज़ी उन्हनि राज्यनि पारां खंया वेंदा जिते बोलियूं ऐं तर्जुमा सेखारण जो बंदोबस्त आहे। c. कंहिं बोलीअ जी यूनीवर्सिटीअ जो वाईस चांसिलर। d. टे Book Sellers & Publishers जा एवज़ी हूंदा। e. साहित्य आकदमीअ जो सेक्रेट्री। f. डाइरेक्टर, नैशनल बुक ट्रस्ट g. ब एवज़ी NITs ऐं IITs उन्हनि संस्थाउनि ऐं उधोगनि पारां जेकी तर्जुमे जे वाधारे लाइ नवां तरीका ऐं साधन त्यारु करण में रुधल आहिनि।h. पंज भारती बोलियुनि ऐं अंग्रेजी बोलीअ में तर्जुमे जा माहिर i. ब एवज़ी मुख़्तलफ़ विषयनि जा माहिर। j. हिकु एवज़ी ख़ान्गी संस्था, वापारी संस्था या को शख़्सु जंहिं खे तर्जुमे जे कम में दिलचस्पी हुजे।

इन खां सवाइ क़ौमी तर्जुमो मिशन के सलाहकार कामेटियूं ऐं कमु कंदड़ ग्रूप पिणु ठाहींदी जिनि में के सलाहकार ऐं हर कंहिं विषय में माहिर शामिल हूंदा (जीअं विज्ञानिक तर्जुमा तकनीकी तर्जुमा, तुर्त तर्जुमा, बहू भाषी ऐं काम्प्यूटर तर्जुमा वग़ैरह)।

1. अगिमें इऐं सोचियो वियो हो त क़ौमी तर्जुमो मिशन NTM. जे लाइ हिक सलाहकार कामेटी थींदी जंहिं जा 25 मेम्बर थींदा जेके HRD मिनिस्ट्री द्वारां चूंडिया वेंदा। हीअ कामेटी NTM बाबति फ़ैसला कंदड़ कामेटी थींदी।

2. रिथा मूजिब कारोबारी काऊंसिल (गवर्निंग काऊंसिल) जा मेम्बर जुदा जुदा यूनीवर्सिटियुनि, संस्थाउनि, तर्जुमो विषय पाढ़ींदड़, तर्जुमे सां वास्तोदार सरगर्मीअ सां जुड़ियल, प्रकाशन संस्थाऊं ऐं सरकारी तरह सां तर्जुमे सां वास्तेदार शख़्स थींदा। इहा सलाह डिनी वई हुई त गवर्निंग बोर्ड जा ब मेम्बर उन्हनि यूनीवर्सिटियुनि मां खंया वञनि जिनि में तर्जुमो सेखारण जा डिपार्टमेन्ट आहिनि, ब मेम्बर वारे सां उन्हनि प्रांतनि जे अकाडमियुनि ऐं संस्थाउनि जा एवज़ी खंया व´नि जेके तर्जुमे जे अभ्यास सां जुड़ियल आहिनि। टे मेम्बर बुक सेलर्स ऐं पब्लिशर्स जे गिल्डि पारां थाफिया वेंदा, ब मेम्बर इन्हनि IITs, NITs, इन्डसट्रीज़ वग़ैरह मां खंया वेंदा जेके तर्जुमे ऐ भाषा जे वाधारे सां जुड़ियल सरगर्मियुनि सां वास्तेदार हूंदा, ब आफ़ीसर जेके NBT, NCERT ऐं साहित्य अकादमी जहिड़ियुनि संस्थाउनि जे तर्जुमे जे सरगर्मीअ सां जुड़ियल हूंदा। इऐं सोचियो वियो त हिन तरह सां सरकारी ऐं ग़ैर सरकारी संस्थाउनि जी हिक गडियल संस्था ठहंदी जहिड़ी संस्था जी हिमायत ज्ञान Knowledge. कमीशन ऐं प्लानिंग कमीशन पिए कई आहे। इऐं रिथ्यो वियो त मेम्बरशिप जो मुदो ब साल थींदो। इन खां सवाइ कुझ x-officio मेम्बर थींदा (जीअं त HRD मिनिस्ट्रिीअ जो जाइन्ट सेके्रट्री (भाषाऊं), फ़िनैनशल एडवाइज़र ऐं CSTT जो चैरमेन)। इऐं सोचियो वियो त हर बिनि सालनि खां पोइ गवर्निंग बोर्डु खे वरी ठाहियो वेंदो।

3. इऐं सलाह डिनी वई त गवर्निंग काऊंसिल में शुरूआत में 101 मेम्बर रखी सघिजनि था। टिनि सतहुनि वारे हिन ढांचे लाइ इऐं सोचियो वियो त गवर्निंग बोर्ड खे गवर्निंग काऊंसिल पंहिंजियूं सलाहूं मोकिलींदी। सोसाइटीअ जे गवर्निंग काऊंसिल जा मेम्बर उहे थींदा जेके तर्जुमे जी सरगर्मीअ सां जुड़ियल हूंदा जीअं तर्जुमो संस्थाऊं, लेखक, लुग़ति नवीस ऐं तर्जुमान जेके जुदा जुदा भाषाउनि जा एवज़ी हूंदा, CSTT जो चैरपर्सन, NBT. National Book Trust जो डाइरेक्टर, साहित्य अकादमी ICPR ICSSR. साहित्य वगैरह सेक्रेट्री, मशहूर तैलीमदान ऐं यूनीवर्सिटियूं जेके बियनि विषयनि (हिंदी, अंग्रेज़ी, तुलनात्मिक साहित्य) या M.phil/ MA तर्जुमे जे अभ्यास में PG Diploma programmes जा कोर्स हलाईनि थियूं। ज्ञान जे जुदा जुदा खेत्रनि (क़ानून, मेडिसिन, भौतक विज्ञान, साहित्य कला वग़ैरह) सां वास्तेदार माहिरन खां सवाइ सरकार जे जुदा जुदा खातनि में भाषा ऐं तर्जुमे सां वास्तो रखंदड़ HRD मिनिस्ट्री, कल्चर मिनिस्ट्री, होम अफ़ेअर्स मिनिस्ट्री (आफ़ीशल लैंगवेज़ डिपार्टमेन्ट पिणु) इन्फ़रमेशन ऐंड ब्रोडकास्टिंग, कम्यूनिकेशन ऐं इन्फ़रमेशन टेक्नालाजी ऐं External affairs मिनिस्ट्री वग़ैरह जा एवज़ी बि क़ौमी तर्जुमो मिशन जे जनरल काऊंसिल में शामिल थी सघनि था।