|
|
फ़ाइदो वठंदड़नि जी निषान देही
हिन मिशन जे कार्य सां घणनि ई तब्क़नि खे फ़ाइदो रसण जी उमेद आहे पर हिन कार्य जो मुख्य
फ़ाइदो वठंदड़नि में मुख्य तोरि उहो तब्क़ो आहे जो कमज़ोर में कमज़ोर आहे। उहे शार्गिद जे
समाज में हाशिये ते आहिनि, जे पंहिंजी हालत ऐं पसमंज़र करे, ख़ासि करे गोठनि ऐं नंढनि
शहरनि में हुअण करे, समाजी तोरि ऐं ज़ात पाति जे आधार ते फ़ाइदनि खां वांझियल आहिनि,
जिनि वटि तैलीम जो ऐं विज्ञानिक ज्ञान जी पहुच जो वसीलो न जहिड़ो आहे। छाकाणि त इहा
सभु जाण अंग्रेज़ी बोलीअ में आहे ऐं संदनि अंग्रेज़ी बोलीअ जो ज्ञानु न बराबर या महदूद
आहे। मिशन जो मक़्सदु तडहिं पूरो थींदो जडहिं जुदा जुदा विषयनि जा तर्जुमो थियल जाण
ऐं ज्ञान जा किताब अहिड़नि हाशिये ते रहियल शार्गिदनि लाइ मौजूद थी सघंदा।
जेतोणीकि मिशन जो मुख्य मक़्सदु हिन पुठिते पियल लोकनि खे फ़ाइदो पहुचाइणु आहे पर हिन
कार्ज मां बियनि केतिरनि शख़्सनि ऐं केतिरियुनि जुमाइतुनि खे बि फ़ाइदो पहुचंदो जीअं
|
|
1-
|
अवाम खे, जेको पंहिंजीअ बोलीअ में साहितिक ऐं ज्ञान जा किताब पढ़णु चाहींदो
|
|
2-
|
अवाम खे, जेको पंहिंजीअ बोलीअ में साहितिक ऐं ज्ञान जा किताब पढ़णु चाहींदो
|
|
3-
|
उहे प्रकाशक, जेके नऐं तरीक़े सां नवनि विषयनि ते किताब छपाइणु चाहीनि था
|
|
4-
|
कालेजी ऐं स्कूली उस्तादनि खे
|
|
5-
|
ग़ैर रस्मी सिख्या में रुधल कमु कंदड़नि खे
|
|
6-
|
जेके नीम सरकारी संस्थाऊं, आम सिहत, नगरवासियुनि जे हक़नि, माहोल खे साफ़ रखण जी हलचल
में बहिरो वठण वारा ऐं साईंस खे अवाम ताईं पहुचाइण वारा शख़्स ऐं संस्थाऊं
|
|
7-
|
बहू भाषी कार्य में लगल संस्थाउनि खे
|
|
8-
|
सैर सफ़र करण वारनि जे लाइ घुरिबल तर्जुमाननि खे
|
|
9-
|
फ़िल्मसाज़ जिनि खे पंहिंजियुनि फ़िल्मुनि जी डबिंग कनइइपदहण् लाइ हेठियनि सिरनि जी ज़रूरत
पवंदी
|
|
10-
|
रेडियो ऐं टी.वी. अख़्तियारियूं जेके पंहिंजूं शयूं बियनि बोलियुनि में तर्जुमो करणु
चाहींदियूं।
|
|
11-
|
तर्जुमे जे कम लाइ शार्गिद
|
|
12-
|
यूनीवर्सिटियुनि ऐं बियनि इदारन जे तर्जुमे जे विभागनि लाइ
|
|
13-
|
जुदा जुदा विषयनि ते, तर्जुमनि ते थींदड़ खोजना कार्य कंदड़नि लाइ
|
|
14-
|
काम्प्यूटर ते तर्जुमे सां वाबसता साफ़्ट वेअर त्यारु कंदड़नि खे
|
|
15-
|
तुलनात्मिक साहित जे माहिरनि खे
|
हिन कम जी शुरूआत करण लाइ रिथ्यो वियो आहे त ‘अनूकृती’ जे वेबसाइट ऐं साहित्य अकादमी
पारां त्यारु कयल वेबसाइट में सुधारो वाधारो करे, उन ते अजु सूधी मुकमिल जाण शामिलु
कजे। सागिए वक़्ित मुल्क में मौजूद (जे काफ़ी अंदाज़ में मौजूदु आहिनि) तर्जुमाननि जे
संस्थाउनि ऐ प्रकाशकनि जो हिकु ग्रूप ठाहिजे। हिन सजे कम खे पेशेवर नमूने हलाइण लाइ
ज़रूरी आहे त सरकार ऐं बियनि इख़्तियारी वारनि खे, जिनि खे कंहिं मख़्सूस वक़्त अंदर तर्जुमनि
जी ज़रूरत आहे, उहो मुयसर करायो वञे। इन खां सवाइ नंढनि शहरनि में तर्जुमे बाबति जाण
ऐं बूझ पखेड़ण लाइ अनुवाद मेलनि जो सिलसिलो रिथ्यो वञे। तर्जुमे लाइ ट्रेनिंग प्रोग्राम
करे, हिन कम लाइ कारगर ऐं मौजूनु कमु कंदड़ पैदा करणु। असां खे उमीद आहे त हिननि क़दमनि
खणण सां तर्जुमे जो हिक वडो हुनुर या इंडस्ट्री पैदा थींदी।
अवाम खे घणे में घणो फ़ाइदो पवे ऐं असां जा तर्जुमा कयल किताब तैलीम ऐं खोजना जे मर्कज़नि
में कमि आणिया वेंदा, इन ख़्याल खां किताबनि जी क़ीमत वाजिबी रखणु घुरिजे जो हर हिकु
इन जो फ़ाइदो वठी सघे। काम्प्यूटर ते इहे सभु किताब मुफ़्त में मुहया कराया वेंदा ऐं
इहो कमु अलगि अलगि वेब साईटुनि जे गांढापे सां कयो वेंदो। इहो कार्जु क़ौमी तर्जुमो
मिशन (NTM) जे इन्तज़ाम हेठि थींदो जंहिं लाइ CIIL सरवर कतबु आंदो वेंदो। उन लाइ सिर्फ
कमु आणींदड़नि जो रजिस्टर रखियो वेंदो, जो इन जो फ़ाइदो वठंदड़नि जी आख़िरीनि कड़ीअ बाबति
जाण हासुलु करे सघे। हिन मां असां खे अगिते प्रोग्रामु रिथण लाइ पिणु काफ़ी जाण हासुलु
थींदी। आख़िर में तर्जुमे लाइ त्यारु कयलु मवादु, जीअं त डिक्शिनरियूं (शब्द कोष) हम
माना शब्द कोष (Thesaurus) लफ़्ज़ गोल्हण जा तरीक़ा ऐं साधन, वगैरह पिणु काम्प्यूटर ते
हर कंहिं जे कम लाइ मुयसर कया वेंदा।
क़ौमी तर्जुमो मिशन Machine Aided Software ऐं Digital Dictionaries जे जुदा जुदा
बोलियुनि में जोड़ण खे अगिराई डींदी। इहा हक़ीक़त आहे त IIT ऐं युनीवर्सिटियुनि TIFR
ऐं IISC ऐं केतिरियुनि काम्प्यूटर जी वडियुनि कम्पनियुनि गुज़िरियल सालनि खां साफ़्ट
वेअर ठाहिण जी कोशिश कई आहे, पर इहे चुकुनि ऐं कोताहियुनि खां आजा न आहिनि तंहिं करे
हिन डिस में क़दमु घणी गण गोत बैदि ई खणणु जी ज़रूरत महसूस थी रही आहे। हिन सिफ़ारिश जे
किनि हिसनि जी पोइवारी जल्दु ई कई वेंदी जीअं त (Digital Dictionaries) डिजिटल डिक्शिनरियूं
जोड़ण ऐं हम माना शब्द कोष वगै़रह त्यारु करणु, बियनि कमनि में कुझु वक़्तु लगंदो।
|
|
|
|
|